Արխիւ

Վահագն Խաչատուրեան Ազգային ժողովին կողմէ ընտրուեցաւ Հայաստանի Հանրապետութեան նախագահ:
Ըստ Սահմանադրութեան՝ երդման արարողութիւնը պէտք է տեղի ունենայ տասն օրուան ընթացքին: Փութինէն շնորհաւորական:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Իսթանպուլի մօտ Ֆրանսայի աւագ հիւպատոս Օլիվիէ Կովենը։ Ֆրանսացի դիւանագէտը Գումգաբու փութացած էր՝ տեղեկութիւններ քաղելու համար Պատրիարքական Աթոռի գործունէութեան եւ թրքահայ ազգային-եկեղեցական կեանքին շուրջ, ինչպէս նաեւ ծանօթանալու համար Ամեն. Ս. Պատրիարք Հօր։

ՅԱՐՈՒԹԻՒՆ ԱԲՂ. ՏԱՄԱՏԵԱՆ

Կոտայքի մարզի Թեղենիք գիւղի եկեղեցին, որ արտաքնապէս շքեղ տեսք մը ունի, ուխտի պտուղն է երջանկայիշատակ Ներսէս Արք. Պոզապալեանի։ 2000-ական թուականներու սկիզբը Ներսէս Սրբազան իր քահանայական ձեռնադրութեան 40-ամեակին առթիւ կը ձեռնարկէ եկեղեցաշինութեան ի յիշատակ իր ծնողներուն՝ Գրիգոր եւ Մաքրուհի Պոզապալեանին։

ՀՐԱՅՐ ՏԱՂԼԵԱՆ

Դար մը առաջ ապրող անգլիացի կին ընկերային ծառայող Էկլանթին Ճէպի (Eglantyne Jebb) ամենէն նշանաւոր խօսքերէն մէկն է հետեւեալը.- «Իւրաքանչիւր պատերազմ պատերազմ է երեխաներուն դէմ». մարդասէր կինը մեր թուականէն 103 տարիներ առաջ՝ 1919 թուականին հիմնած է «Փրկենք մանուկները» անունով կազմակերպութիւնը, որուն առաքելութիւնն էր փրկել մանուկները պատերազմէն ու անոր յառաջացուցած վնասներէն. երկու տարիներ առաջ՝ 31 յուլիս 2020 թուականին Հայաստանի Հանրապետութիւնը եւս անդամ դարձաւ այս կազմակերպութեան:

ԱՆՈՒՇ ԹՐՈՒԱՆՑ

Ո՞վ է մեր ժամանակներուն հերոսը: Սերունդներ կրթող ուսուցի՞չը, ախտերով լեցուն այս դարաշրջանին մարդը դարմանող բժի՞շկը, սահմանին կեցած զինուո՞րը… Շարքը կարելի է շարունակել:

Հայաստանի Արտաքին գործոց նախարար Արարատ Միրզոյեան երէկ յայտարարութիւններ ըրաւ Անգարա-Երեւան յարաբերութիւններու բնականոնացման գործընթացին շուրջ։ Երկրի խորհրդարանէն ներս երեսփոխաններու հարցումներուն պատասխանելու ժամանակ նախարար Միրզոյեան յայտնեց, որ Թուրքիոյ եւ Հայաստանի յատուկ ներկայացուցիչներու՝ Սերտար Քըլըչի եւ Ռուբէն Ռուբինեանի միջեւ Վիեննայի մէջ տեղի ունեցած վերջին հանդիպումը կը գնահատէ դրական։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը պատրաստուի յառաջիկայ օրերուն այցելել Մայր Աթոռ Սուրբ Էջմիածին։ 7-11 մարտին, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ նախատեսուած է Գերագոյն հոգեւոր խորհուրդի (ԳՀԽ) ընդլայնուած կազմով հերթական նստաշրջանը։

Էսաեան սանուց միութեան հիմնադրութեան 75-ամեայ յոբելեանը այս շրջանին թրքահայ ազգային-եկեղեցական կեանքի առանցքային իրադարձութիւններէն մին դասուելու ճանապարհին է։ Երէկ, հաճոյքն ունեցանք խմբագրատանս մէջ հիւրընկալելու Էսաեան սանուց միութեան վարչութեան ատենապետուհի Վարդուհի Մսըրլեանը, միութեան հովանիին տակ գործող «Մարալ» համոյթի գեղարուեստական ղեկավար Կարպիս Չափքանն ու յոբելենական կարգադիր յանձնախումբի ատենապետուհի Մարիամ Տրամէրեանը։

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Ֆրանսայի Հանրապետութեան նախագահ Էմմանիւել Մաքրոնի հետ։ Պաշտօնական աղբիւրներու հաղորդումներով, զրոյցի ընթացքին անդրադարձ կատարուեցաւ Լեռնային Ղարաբաղի իրավիճակին, Հարաւային Կովկասէ ներս անվտանգութեան ու կայունութեան ամրապնդման։