Արխիւ

Թեշվիքիյէի «Մետիքա» բժշկական կեդրոնէն ներս երէկ տեղի ունեցաւ հաճելի երաժշտական ձեռնարկ մը։ Այս բժշկական կեդրոնը կը գործէ պատմական շէնքի մը մէջ եւ արձակուրդի օրով այնտեղ կազմակերպուած նուագահանդէսին մասնակցիլը իսկապէս մեծ հաճոյքի մը համազօր եղաւ ներկաներուն տեսակէտէ։

ԱՆՈՒՇ ԹՐՈՒԱՆՑ

​Յատկանշական է, որ Վիեննայի մէջ 1887 թուականին հիմնուած «Հանդէս ամսօրեայ» ամսագիրը այսօր կը տպուի Հայաստանի մէջ: Ամսագիրը, որ հայ մամուլի պատմութեան կարեւորագոյն անուններէն մին է, մաս կը կազմէ նաեւ աւստրահայ մամուլին, ինչպէս նաեւ իր ուրոյն տեղը ունի Աւստրիոյ մամուլի պատմութեան մէջ:

Թոփգաբուի Լեւոն-Վարդուհեան վարժարանին մէջ Ուսուցչաց օրուան առթիւ տեղի ունեցաւ հանդէս մը, որ մեծ ոգեւորութեան առիթ դարձաւ։ Հանդէսի յայտագրին մասնակցութիւն բերին դպրոցի բոլոր դասարաններէն սաներ։

Հռոմի «Անճելիքում» քահանայապետական համալսարանէն ներս վերջին օրերուն տեղի ունեցաւ «Լսելով Արեւելքը» խորագրեալ միջեկեղեցական, միջազգային գիտաժողով մը։ Ս. Թովմաս Աքուինացիի յիշատակին ձօնուած այս համալսարանէն ներս կազմակերպուած գիտաժողովը կը վերաբերէր Արեւելեան Ուղղափառ եկեղեցիներուն մէջ ժողովականութեան, սինոդականութեան։

ՎԱՐԱՆԴ ՔՈՐԹՄՈՍԵԱՆ

Այս կիրակի օրուան ճաշու ընթերցուածները հետեւեալներն են.
Եսայիի մարգարէութենէն 36.1-9:
Պօղոս առաքեալին Թեսաղոնիկեցիներուն ուղղած առաջին նամակէն 4.8-24:
Ղուկասի Աւետարանէն 12.13-31:

ՀՐԱՅՐ ՏԱՂԼԵԱՆ

Մեր թուականէն 47 տարիներ առաջ՝ 1975 թուականին Պէյրութի մէջ հրատարակուող «Բագին» գրականութեան եւ արուեստի հանդէսին մէջ լոյս կը տեսնէ բանաստեղծ, արձակագիր, հրապարակախօս եւ մանկավարժ Մուշեղ Իշխանի «Յիշեցէք զիս» խորագրեալ բանաստեղծութիւնը, ուր մեծ բանաստեղծը հետեւեալ բառերով կը նկարագրէ իր պատանեկութիւնը.-

Կեանքը, ինքնին, մարդակերտումի գործընթաց մըն է։ Քաղաքն ալ համապատասխան դարբնոցի մը կը նմանի թէ՛ իր միջավայրով եւ թէ ապահոված փորձառութիւններով, որոնք կը համալրեն՝ դպրոցի մէջ ստացուած դասական կրթութիւնը։ Քաղաքը նաեւ դուռ կը բանայ դէպի քաղաքակրթութիւն…

ՍԱԳՕ ԱՐԵԱՆ

Շատ խօսուած է այն մասին, որ արհեստը «ոսկի ապարանջան» մըն է։ Մանաւանդ մեր (ի նկատի ունիմ Մերձաւոր Արեւելքի հայագաղութները, ուրկէ  կը սերիմ) հայագաղութներուն մէջ արհեստները մերոնց համար դարձան «փրկութեան լաստ»եր։

Խոր ցաւով վերահասու եղանք, թէ սփիւռքահայ յայտնի մտաւորական Ժիրայր Դանիէլեան իր մահկանացուն կնքած է Ամերիկայի Միացեալ Նահանգներու մէջ։ Լիբանանահայութեան խորհրդանշական դէմքերէն, տիրական անուններէն մին էր Ժիրայր Դանիէլեան, որ Պէյրութի նաւահանգիստի պայթումին ժամանակ վնասուած աչքին դարման փնտռելու համար միջոցէ մը ի վեր կը գտնուէր ԱՄՆ-ի մէջ։