Արխիւ

Թուրքիա-Եւրոպական Միութիւն համագործակցութեան մէջ նոր ոստում մը կ՚որոնուի՝ այժմու դրական մթնոլորտով:
Անգարա եւ Պրիւքսէլ կը ջանան վերահաստատել իրարու նկատմամբ ընծայուած կարեւորութիւնը՝ հրատապ նպատակներու հետամուտ:

Հայաստանի վարչապետ Նիկոլ Փաշինեան յայտարարեց, որ Իսրայէլի կողմէ հայոց ցեղասպանութեան ճանաչման ուղղութեամբ առնուած քայլին արձագանգելու կարիքը չի տեսներ։

Եշիլգիւղի եկեղեցւոյ Ս. Սահակ-Ս. Մեսրոպ դպրաց դաս-երգչախումբը աւանդական արարողութիւններով փակեց 2025-2026 շրջանը։ Այս առթիւ սարքուեցաւ բացօթեայ սիրոյ սեղան մը, որու ընթացքին ստեղծուեցաւ ընտանեկան անմիջական մթնոլորտ։

Պէզճեան Մայր վարժարանի շրջանաւարտութեան հանդէսը, որ շաբաթավերջին տեղի ունեցաւ Գումգաբուի համանուն սրահին մէջ, մեծ խանդավառութեան մը թատերաբեմը հանդիսացաւ։ Դպրոցի ընթացաւարտները հրաժեշտ առին տօնախմբութեան մը համազօր հաւաքոյթով մը՝ ապագայի համար նոր յոյսերով ու բոլորի անկեղծ խրախուսանքով։ 

Երէկ, Կեդրոնականի մեծ ընտանիքը շրջանաւարտութեան փայլուն հանդէսով մը հրաժեշտ տուաւ՝ վարժարանի 2025-2026 կրթական շրջանի հունձքին։ Կեդրոնական վարժարանը այս տարի 34 շրջանաւարտ ունի։ Երէկուան հանդէսը ստեղծեց բարձր տրամադրութիւն՝ մանաւանդ, որ կրթական ոլորտի յաջողութիւններուն առընթեր, Կեդրոնականի սաները միշտ կը փայլին նաեւ ընկերամշակութային գետնի վրայ ձեռքբերումներով։

ԱՆՈՒՇ ԹՐՈՒԱՆՑ

Հայ հրապարակախօս, կրօնական գործիչ, բանասէր, թարգմանիչ, խմբագիր Յովհաննէս Տէր-Կարապետեանի (Տէրոյենց, Չամուրճեան) յիշատակը ոգեկոչուեցաւ Հայաստանի մէջ։
Հակառակ զանազան ժամանակներու Տէրոյենցին հասցուած սուր ու անխնայ հարուածներուն, ան պատմութեան մեջ մնացած է իբրեւ հակասական կերպար մը։ 

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Աստուծոյ զոհը կոտրած հոգին է. կոտրած եւ խոնարհ սիրտը, ո՛վ Աստուած, դուն չես անարգեր». (ՍԱՂՄ. ԾԱ 17)։ Խոնարհութիւնը աստուածահաճոյ առաքինութիւն մըն է, որ մարդս աւելի եւս կը մօտեցնէ Աստուծոյ։

«Աֆէեան նախաձեռնութիւններ Հայաստանի համար» (AIFA) հիմնադրամի գործադիր տնօրէնուհի նշանակուեցաւ Իրինա Սէյլանեան: Հարկ է նշել, որ այս հիմնադրամը Հայաստանէ ներս յառաջ կը տանի՝ ամերիկահայ գիտնական, ազգային բարերար ու գործարար Նուպար Աֆէեանի եւ ընտանիքին կողմէ նախաձեռնուած բարեգործական եւ զարգացման միտուած ծրագիրները:

Իսրայէլի կառավարութիւնը միաձայնութեամբ հաւանութիւն տուաւ՝ հայոց ցեղասպանութեան ճանաչման ուղղեալ բանաձեւի մը:
Նախագիծը յառաջիկային Քնեսէթի օրակարգին վրայ պիտի գայ: Թուրքիա կը բողոքէ բուռն ձեւով: Արտաքին գործոց նախարարութիւնը հակազդեց յայտարարութիւն մը հրապարակելով: Լրատուամիջոցները կը մատնանշեն, որ ցեղասպան երկիրը հանդէս կու գայ պատմութեան խափանարարմամբ: