Արխիւ

ՏԻԳՐԱՆ ԳԱԲՈՅԵԱՆ

Ներկայ մեր աշխարհին մէջ ամենամեծ տարածում գտած երեւոյթներէն են միջազգային եւ միջպետական կազմակերպութիւններն ու ընկերութիւնները: Անոնք շատ մեծ դեր ունին բաց աշխարհին մէջ եւ ներպետական, տարածքային-շրջանային եւ համաշխարհային քաղաքականութեան ու տնտեսութեան վրայ ազդեցութիւններ ունին եւ անոնց միջոցաւ շատ մը տեսանելի եւ անտեսանելի ծրագիրներ կ՚իրականան:

ԱՆՈՒՇ ԹՐՈՒԱՆՑ

Հայաստանի մէջ իր աշխատանքները աւարտեց Համաշխարհային հայկական առաջին գագաթաժողովը, որուն մասնակցելու համար Երեւան ժամանած էր վեց հարիւր հոգի՝ աշխարհի աւելի քան յիսուն երկիրներէ:

ՀՐԱՅՐ ՏԱՂԼԵԱՆ

Հայր մը վերջերս կը դիմէ իր աղջկան եւ կը խնդրէ, որ խանութէն վերադարձին օրուան թերթը բերէ, որպէսզի աչք մը անցընէ։ Երիտասարդ աղջիկը անտարբերութեամբ կը դիմէ հօրը. «21-րդ դար ենք… ի՞նչ թերթ։ Վերցուր Ipad-ս համացանցէն հետեւիր»։

«Պլէր հաուզ»ի մէջ, Ուաշինկթըն, երէկուան քննարկումներուն ժամանակ Արարատ Միրզոյեան եւ Ճէյհուն Պայրամով պայմանաւորուեցան՝ թափ տալ իրենց բանակցութիւններուն եւ յառաջիկայ շաբաթներուն դարձեալ հանդիպիլ:
Էնթընի Պլինքըն. «Երեւան եւ Պաքու խիզախ քայլեր կ՚առնեն խաղաղութեան հասնելու համար։ Այժմ նպատակն է զարգացնել այն դրական արդիւնքները, որոնք անցեալ մէկուկէս ամսուան ընթացքին արձանագրուեցան՝ ամերիկեան կողմի նախաձեռնած շփումներուն»:

Երէկ, Հայաստանի վարչապետ Նիկոլ Փաշինեան հեռախօսազրոյց մը ունեցաւ Վրաստանի վարչապետ Իրակլի Ղարիպաշվիլիի հետ։ Պաշտօնական աղբիւրներու հաղորդումներով, երկու վարչապետները քննարկեցին Երեւան-Թիֆլիզ համագործակցութեան վերաբերեալ օրակարգային հարցեր։

Գերագոյն հոգեւոր խորհուրդը (ԳՀԽ) անցեալ շաբթուան ողջ տեւողութեան ընդլայնուած կազմով նստաշրջան մը իրականացուց Մայր Աթոռ Սուրբ Էջմիածնի մէջ։ Ամենայն Հայոց Կաթողիկոսութեան տեղեկատուութեան համակարգը ծաւալուած աշխատանքի լոյսին տակ հրապարակեց եզրափակիչ հաղորդագրութիւն մը, զոր կը ներկայացնենք ստորեւ։

Մալաթիացի հայերու հայրենակցական միութիւնը՝ «Մալաթիա Հայտեր» շաբաթավերջին ընթրիք մը կազմակերպեց Գումգաբուի «Պէզճեան» սրահին մէջ։ Երեկոյթի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին Տ. Գասպար Աբեղայ Կարապետեան եւ Տ. Զաքար Քհնյ. Քոփարեան։

ԱՆՈՒՇ ԹՐՈՒԱՆՑ

Հայ գրին ու մշակոյթին նուիրեալ վաստակաշատ խմբագիր Շաւարշ Միսաքեան լրագրական ասպարէզ նետուած է 16 տարեկանին՝ «Սուրհանդակ» թերթի խմբագրութեան մէջ: Անոր հրապարակագրական ինքնահաստատումը սակայն կը սկսի 1908 թուականին, երբ Զապէլ Եսայեանի, Գեղամ Բարսեղեանի եւ Վահրամ Թաթուլի հետ կը ձեռնարկէ Պոլսոյ «Ազդակ» շաբաթաթերթի հրատարակութեան։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Իրաւաբանական գիտութիւններու ընդարձակ ծաւալը կարելի է բաժնել երկու մեծ եւ գլխաւոր ճիւղի՝ պետական, քաղաքացիական, որոնց ստորոգելիներն են միւս մասնաւոր բաժանմունքները։ Ընդհանրապէս, եկեղեցական իրաւունքը կը ստորադասուի պետական օրէնքին՝ նայելով եկեղեցւոյ վրայ իբրեւ հասարակական ընկերակցութիւն, որուն իրաւունքը կազմուած է «հանրական իրաւունք»ի մէկ մասը։