Արխիւ

Ատրպէյճանի մէջ նախագահական ընտրութեան առաջին փուլին վերընտրուեցաւ Իլհամ Ալիեւ։ 7 թեկնածուներու ընտրապայքարի պայմաններով Իլհամ Ալիեւ ստացաւ ձայներու 90 տոկոսէն աւելին։

Հայաստանի Հանրապետութեան նախագահ Վահանգ Խաչատուրեան աւարտեց դէպի Պուտափեշտ պաշտօնական այցելութիւնը, որու եզրափակիչ փուլին հանդիպումներ ունեցաւ Հունգարիոյ վարչապետ Վիքթոր Օրպանի, Ազգային ժողովի նախագահ Լասլօ Քէօվերի հետ։

Գալֆաեան տան մէջ տեղի ունեցաւ Բարեկենդանի խրախճանք մը, որով ստեղծուեցաւ բարձր տրամադրութիւն։ Հանդէսի ընթացքին տղաքը նախ հաղորդ դարձան Վարդանանց տօնի իմաստին, իսկ աւելի վերջ տօնախմբեցին Բարեկենդանը։

Գատըգիւղի Արամեան-Ունճեան վարժարանին մէջ կազմակերպուած Բարեկենդանի խրախճանքը առիթ հանդիսացաւ մեծ ոգեւորութեան։ Թէ՛ դպրոցի դասարաններուն եւ թէ յարակից սանուց միութեան սրահին մէջ կեանքի կոչուեցաւ յայտագիրը, որու ընթացքին տղաքը թէ՛ հաղորդ դարձան աւանդութիւններուն եւ թէ ապրեցան ուրախ պահեր։

Ատրպէյճանի մէջ այսօր տեղի կ՚ունենայ արտահերթ նախագահական ընտրութեան առաջին փուլը։ Սա Արցախի երկրորդ պատերազմին յաջորդած առաջին ընտրութիւնն է երկրին մէջ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Թրքահայ ուսուցչաց հիմնարկի վարչութեան ատենապետ Սարգիս Քիւլէկէչն ու գործակից ընկերները։ Հարկ է նշել, որ հիմնարկի վարչութիւնը նոր անդամներով համալրուած է եւ այս առթիւ անոնք ծանօթացուեցան Ամեն. Ս. Պատրիարք Հօր։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Արաբ քաղաքացիին եւ արաբական լրատուական գործակալութիւններուն միջեւ փոխադարձ վստահութեան երեսուն տարիներէն ետք, գիտենք թէ երբ այս գործակալութիւնները յանկարծ հարցի մը վրայ կեդրոնանան ու ու իրենց բոլոր ուշադրութեամբ աջակցին այդ հարցին՝ թերթերով, պարբերականներով, ճառերով, հանդէսներով, երգիչներով ու երգչուհիներով, այդ կը նշանակէ, թէ շուտով ողորմի պէտք է կարդանք այդ հարցին վրայ:

ՀՐԱՅՐ ՏԱՂԼԵԱՆ

Մեր հանրութեան մէջ (մանաւանդ անցեալին) կտակը ունեցած է իր յատուկ տեղն ու նշանակութիւնը եւ մարդիկ ի գին ամէ՛ն զոհողութեան փորձած են կեանքի կոչել իրենց սիրելիներուն կողմէ որպէս կտակ փոխանցուած «պատուէր»ները:

Հայաստանեայց Առաքելական Սուրբ Եկեղեցին երէկ տօնախմբեց Սրբոց Ղեւոնդեանց քահանաներուն յիշատակը։ Տ.Տ. Գարեգին Բ. Ամենայն Հայոց Կաթողիկոսը այս առթիւ նախագահեց Վաղարշապատ քաղաքի Ս. Աստուածածին եկեղեցւոյ տօնակատարութիւններուն, որոնց մասնակցեցան շուրջ 250 եկեղեցականներ։