Արխիւ

Աշխարհի աւելի քան 50 երկիրներէ 18-35 տարեկան շուրջ 600 հայ երիտասարդ համախմբուած Երեւանի մէջ:
Զարեհ Սինանեան նոր սերունդի ներկայացուցիչներուն կոչ ուղղեց, որպէսզի ներգրաւուին Հայաստանի կեանքէն ներս:

Համահայկական 8-րդ խաղերու՝ օգոստոսի 5-ի բացման ընդառաջ, թրքահայ մարզական շրջանակներէն ներս խանդավառութիւնը հասած է գագաթնակէտին։ Երէկ երեկոյեան, Ֆէրիգիւղի «Շիրինօղլու» սրահին մէջ, Համահայկական խաղերու Իսթանպուլի կարգադիր յանձնախումբի նախաձեռնութեամբ կազմակերպուեցաւ մասնաւոր հաւաքոյթ մը, որ պատկառելի տողանցքի մը տպաւորութիւնը ստեղծեց։

ԳԷՈՐԳ ՊԵՏԻԿԵԱՆ

Ծանր վիրահատութենէն ամիս մը վերջ, զիս դարձեալ հիւանդանոց փոխադրեցին, ստեղծուած զանազան բարդութիւններուն փոյթով առաջքը առնելու համար: Ու այս անգամ անպիտան քովիտին պատճառով, զիս տեղաւորեցին հիւանդանոցին չորրորդ յարկի երկու մահճակալնոց սենեակներէն մէկուն մէջ, «խճողուած է... ուրիշ տեղ չկայ» արդարանալով:

ԱՐԵՒԻԿ ՊԱՊԱՅԵԱՆ

Նոր Հայաստանի կարգախօսը դարձած է՝ երէկ լաւ էր, քանց վուր էսօր: Նոր Հայաստանի հեղինակը, հիմնադիրը՝ Փաշինեան Նիկոլն է: Այս անուն-մականունը գիտակից հատուածին քով համահաւասար է՝ դաւաճան, թշնամիի խամաճիկ, հայոց նեռ, սատանայի ծառայ արտայայտութիւններուն:

ՀՐԱՅՐ ՏԱՂԼԵԱՆ

Երէկ սեղանակից դարձայ երիտասարդի մը, որ հոգեւոր կեանքի նկատմամբ յատուկ հետաքրքրութիւն ունի եւ այդ իսկ պատճառով շատ մը եկեղեցականներու հետ մտերմութիւն հաստատած ու բարեկամացած է: Խօսակցութեան ընթացքին նկատեցի, որ ան օտար եկեղեցականներ շատ աւելի հոգեւոր ու օրինակելի կը նկատէ՝ քան հայ եկեղեցականները եւ այս հարցին շուրջ ունեցանք բանավէճ մը:

ՎԱՐԱՆԴ ՔՈՐԹՄՈՍԵԱՆ

Հարցում. Չար ու ստախօս մարդիկը ի՞նչ կ՚ընեն:
Պատասխան. Առակագիրը կը գրէ. «Չար մարդը անիրաւին շրթունքներուն մտիկ կ՚ընէ ու ստախօսը վնասակար լեզուին ականջ կը դնէ» (Առ 17.4):

ՀՐԱՅՐ ՏԱՂԼԵԱՆ

Ամէն ազգի պարագային գոյութիւն ունի երկու տեսակի երիտասարդութիւն, որոնք ամբողջութեամբ տարբեր են իրարմէ. ամէն ազգ ունի իր լուրջ, սակայն լուրջերու կողքին իր կեանքը անիմաստ վատնող երիտասարդութիւն մը:

«Հայ երգ ու պար» անուանումով կազմակերպուած երեկոյթը երէկ խանդավառութեան մեծ ալիք մը ստեղծեց Գնալըի բարձունքին։ Գարակէօզեան տան Գնալը կղզիի Կազդուրման կայանի «Գրիգոր Ճամպազեան» խաղավայրին մէջ կազմակերպուած ձեռնարկին պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ շրջապատուած էր բազմաթիւ հոգեւոր հայրերու կողմէ։

ԺԻՐԱՅՐ ՉՈԼԱՔԵԱՆ

Արցախահայութիւնը անվերջ օրհասական օրեր կ՚ապրի։ Իսկ համայն հայութիւնը՝ մտահոգ ու անճար, կը հետեւի քաղաքական անցուդարձերուն։