Արխիւ

Անգարայի մէջ երէկ սկաւ 14-րդ Դեսպաններու խորհրդաժողովը։ Արտաքին գործոց նախարար Հաքան Ֆիտանի գլխաւորութեամբ, խորհրդաժողովի մասնակիցները յարգանքի այցելութիւն մը տուին Մեծն Աթաթիւրքի յուշադամբանը։

Գոհունակութեամբ վերահասու կ՚ըլլանք, թէ երէկ յետմիջօրէի ժամերուն Սահակ Սարգսեան-Արփինէ Աւդալեան ամոլը բախտաւորուած է դուստրով մը, որ կոչուած է՝
ԱՐԵՒ
Մայրը եւ նորածինը քաջառողջ են։ Նորածին փոքրիկը արդէն իր ծնողներու երրորդ զաւակն է։

ԺԱՄԱՆԱԿ-ի խմբագրակազմէն Պիանքա Սարըասլան, որ վերջին օրերուն այցելեց Հայաստան, երէկ վերադարձաւ Թուրքիա։ Շուրջ մէկ շաբթուան կեցութենէ մը վերջ «FlyOne Armenia»ի Երեւան-Իսթանպուլ ուղիղ թռիչքով ան երէկ առաւօտ հասաւ քաղաքս։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Էսաեան սանուց միութեան «Մարալ» երգի-պարի համոյթի անդամները, որոնք այս շրջանին մեկնած են Հայաստան։ Մարալցիները, որոնք Համահայկական 8-րդ խաղերու բացման ելոյթ ունենալու համար Հայաստանի մէջ կը գտնուին, ուխտի այցելութիւն մը տուին համայն հայութեան հոգեւոր կեդրոնին, որու խորախորհուրդ մթնոլորտի իսկական ներշնչման առիթ մը դարձաւ իրենց համար։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Իրանի նորանշանակ դեսպան Մեհտի Սոպհանին։ Զրոյցի ընթացքին Նորին Սրբութիւնը շնորհաւորեց դեսպանը նշանակման կապակցութեամբ եւ մաղթեց արդիւնաշատ ծառայութիւն։

ՏԻԳՐԱՆ ԳԱԲՈՅԵԱՆ

Սուրիահայերը իրենց մեծ զանգուածային հաստատմամբ Սուրիոյ մէջ, անցեալ դարու երկրորդ կէսերէն, առաջին հերթին սկսան սնունդի եւ ուտեստեղէն-ըմպելիքներու մէջ դեր ունենալ եւ նորամուծութիւններ բերել տարբեր մակարդակներով:

ԱՆՈՒՇ ԹՐՈՒԱՆՑ

Վերջերս յունական «Կորնթոսի ձայն» թերթին մէջ լոյս տեսած է յոյն յօդուածագիր Եւանկելոս Քոքինիուի «Հայ աշխատաւորներուն ներդրումը Իսթմուի ջրանցքի շինարարութեան գործին մէջ» խորագրով հետաքրքրական յօդուածը, որուն մէջ կը նկարագրուի Մուշէն Յունաստան գացած շուրջ 1400 հայ բանուորներու աշխատասէր համբաւը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Primum non nocere». Hippocrates։ Բժշկութեան առաջին եւ կարեւոր սկզբունքն է՝ նախ վնաս չպատճառել։ Ուստի, Hippocratesի աշակերտ եւ հետեւող ամէն բժիշկ գիտէ եւ կը կիրարկէ, կը գործադրէ այս հիմնական սկզբունքը։

Սէուտական Արաբիոյ հիւրընկալմամբ շաբաթավերջին Ճիտտէի մէջ տեղի ունեցաւ «Ուքրայնայի խաղաղութեան խորհրդաժողովը»։ Աշխարհի աւելի քան չորս տասնեակ երկիրներէն՝ ազգային անվտանգութեան գծով բարձրաստիճան պաշտօնատարներ համախմբուեցան Ճիտտէի մէջ, ուր չէ հրաւիրուած Ռուսաստան։