Արխիւ

Մեծ պահոց շրջանը խոկումներով կ՚արժեւորուի Հիւսիսային Ամերիկայի Արեւելեան թեմէն ներս:
Առաջնորդ Տ. Մեսրոպ Վրդ. Պարսամեանի գլխաւորութեամբ կը քննարկուին ազգական-եկեղեցական կեանքի հարցերը:

ՏՔԹ. ՀՐԱՅՐ ՃԷՊԷՃԵԱՆ

Արամայիս Պապայեանի հեղինակած երեք արարով, թատրերգութեան-կատակերգութեան վերնագիրն է, զոր ան գրած է 1968-ին: Թէեւ հեղինակը գրած է այս թատերախաղը աւելի քան յիսուն տարիներ առաջ, բայց կ՚արժէ մտածել վերնագիրին եւ անոր այժմէականութեան մասին:

Պատրաստեց՝ ՎԱՐԱՆԴ ՔՈՐԹՄՈՍԵԱՆ

Այսօր, մեր սիրելի ընթերցողներուն կը ներկայացնենք մտածումներ պահքի ու ծոմապահութեան մասին, քաղուած Աստուածաշունչէն եւ Ս. Եկեղեցւոյ հայրերէն, յոյս ունենալով, որ Մեծ պահքի այս ճանապարհորդութեան ընթացքին իր դրական ազդեցութիւնը կ՚ունենան պահեցողներուն վրայ:

ՀՐԱՅՐ ՏԱՂԼԵԱՆ

Մարդ արարածին մէջ գոյութիւն ունի Ես մը, որ անբաժան մէկ մասնիկն է մարդու ինքնութեան եւ կամայ թէ ակամայ մարդ արարածը պարտաւոր է գոհացում տալ այդ Եսին՝ շատ անգամ ի հեճուկս ուրիշներու:

Հայաստանի արտաքին գործոց նախարարութեան աղբիւրները վերջին օրերուն «Սփութնիք Արմենիա» գործակալութեան հաղորդումներ ըրին Թուրքիոյ հետ ցամաքային սահմանի կացութեան վերաբերեալ։ Այսպէս, կը հաղորդուի, որ Թուրքիոյ հետ սահմանին գտնուող կամուրջներն ու ճանապարհները ենթակայ են շահագործման։

Ուաշինկթընէն տեղեկացուեցաւ, որ Շարլ Միշել կը պատրաստուի մէկտեղել Նիկոլ Փաշինեանն ու Իլհամ Ալիեւը:
Մոսկուա-Պրիւքսել առանցքին վրայ թէ՛ շփումներ եւ թէ հակադրութիւններ՝ Հարաւային Կովկասի կապակցութեամբ:

Հայաստանի վարչապետ Նիկոլ Փաշինեան երէկ հեռախօսազրոյցներ ունեցաւ Ռուսաստանի նախագահ Վլատիմիր Փութինի եւ ՄԱԿ-ի ընդհանուր քարտուղար Անթոնիօ Կութերեսի հետ։ Երկու զրոյցներուն ընթացքին ալ առաջնահերթօրէն օրակարգի վրայ եկաւ Լաչինի միջանցքի փակման հետեւանքով Արցախէ ներս ստեղծուած իրավիճակը։

Թուրքիոյ Հայոց Պատրիարք Ամենապատիւ Տ. Սահակ Ս. Արք. Մաշալեան երէկ նախագահեց Ղալաթիոյ Ս. Գրիգոր Լուսաւորիչ եկեղեցւոյ Արեւագալի արարողութեան։ Կեդրոնական վարժարանի սաներն ալ հետեւեցան հոգեպարար արարողութիւններուն, որոնց ընթացքին եկեղեցւոյ մէջ խորհրդաւոր մթնոլորտ ստեղծուեցաւ։

ՊԻԱՆՔԱ ՍԱՐԸԱՍԼԱՆ

Մարդիկ կամուրջներ կը կառուցեն, խոչընդոտները կամուրջներով կը յաղթահարեն եւ, իրականութեան մէջ, մարդոց իւրաքանչիւրը ինքնին արդէն կամուրջ մըն է: Մարմինը կամուրջի նման կազմուածք մըն է։