Արխիւ

Համայն հայութիւնը կը շարունակէ զգայնութեամբ հետեւիլ՝ Պաքուի մէջ ի պահ դրուած հայ պատանդներու եւ ռազմագերիներու խնդրայարոյց կացութեան։ Միջազգային շրջանակներն ալ կը միանան հայաշխարհի կոչերուն, որպէսզի Ատրպէյճանի ղեկավարութիւնը ազատ արձակէ գերիներն ու պատանդները։

Հայաստանի կրթութեան, գիտութեան, մշակոյթի եւ մարմնամարզի նախարարութեան եւ ամերիկեան «Նեթֆլիքս» ընկերութեան միջեւ կնքուեցաւ յուշագիր մը։ «Արմէնփրէս»ի հաղորդումներով, «Նեթֆլիքս» կը ծրագրէ Հայաստանի մէջ նկարահանել քանի մը ֆիլմաշար։

«Տաւուշը՝ յանուն հայրենիքի» ընդդիմադիր շարժումը կը ջանայ Հայաստանի մէջ յառաջ տանիլ իր գործունէութիւնը՝ ազդեցութեան նոր լծակներ ձեռք բերելով։ Ընդդիմադիր շարժման գլուխը՝ Տ. Բագրատ Արք. Գալստանեան նախընթաց օր յայտարարեց. «Սա մեզի համար ազգային ազատագրական պայքար է՝ այսպէս կոչուած իշխանութիւններէն ազատագրուելու»։

Երեւանի եւ Պաքուի միջեւ որոշակի դրական մթնոլորտ հաղորդակցութիւններու ապաշրջափակման շուրջ:
Նախարար Արարատ Միրզոյեան. «Հայաստան-Ատրպէյճան սահմանազատման գործընթացին համար արգելք մը չկայ»:

Տ.Տ. Գարեգին Բ. Ամենայն Հայոց Կաթողիկոսը երէկ ջերմ մթնոլորտի մը մէջ հիւրընկալեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանը, որ կ՚այցելէ Մայր Աթոռ Սուրբ Էջմիածին։ Մայր Տաճարին մէջ Հրաշափառի արարողութիւն տեղի ունեցաւ Ամեն. Ս. Պատրիարք Հօր ժամանման առթիւ։

ՊԻԱՆՔԱ ՍԱՐԸԱՍԼԱՆ

Հաւանութեան կախուածութիւնը կրնայ սահմանուիլ որպէս իրավիճակ մը, երբ անհատներ կը դառնան չափազանց կախուած ուրիշներու հաւանութենէն եւ գնահատումէն: Այս կախուածութիւնը կը ստիպէ մարդիկ հիմնաւորել իրենց ինքնավստահութիւնը եւ ինքնընկալումը հիմնականին մէջ ուրիշներու գնահատականներու վրայ:

ՀՐԱՅՐ ՏԱՂԼԵԱՆ

Ամէն գիրք բռնող ընթերցող չէ եւ ամէն ընթերցող «մտաւորական» չէ. վերջերս հասայ այս եզրակացութեան, երբ տեսայ, թէ ինչպէս մարդիկ «ցուցադրութեան» սիրոյն գիրքը գերի կը դարձնեն իրենց սեփական փառասիրութեան, ունենալով այն համոզումը, որ գիրքը շրջապատին վրայ պիտի ձգէ իրենց զարգացած ու բարձր դասակարգի մարդ «ըլլալու» ձախող համոզումը:

Հարկ է պատշաճը հատուցել այն ջանքերուն, ինչ որ արդէն վեցերորդ ամիսն է՝ Հայաստանի լաւ ապագային համար կը գործէ «Տաւուշը՝ յանուն Հայաստանի» շարժման առաջնորդը: Բագրատ սրբազանի մասին տեսակէտները կրնան տարբեր ըլլալ՝ ծայրայեղ դրականէն մինչեւ ծայրայեղ բացասական՝ նոյնիսկ կծու վիրաւորանքով լի պիտակաւորումներ, բայց փաստը կը մնայ փաստ, որ ան հայաստանեան նիրհուն քաղաքական դաշտ բերաւ ո՛չ միայն գարնանային շունչ ու թարմութիւն, այլեւ` ինքնավստահութիւն, հոգեւոր լիցքեր եւ պայքարի ոգի:

Թուրքիա եւ Անգլիա. Եւրոպայի երկու ծայրամասերու ՆԱԹՕ-ի դաշնակիցներ: Նախարարներու ժամադրութիւն:
Եւրոպան, Մերձաւոր Արեւելքի պատերազմն ու Սուտանի մտահոգութիւնները Անգարա-Լոնտոն առանցքին վրայ ուշադրութեան առարկայ: