Արխիւ

Անգարա-Պրիւքսէլ առանցքին վրայ երկար ժամանակ անց դրական եւ յուսադրիչ իրադարձութիւն մը:
Արտաքին գործոց նախարար Հաքան Ֆիտան. «ԵՄ-ի երկիրներու իմ գրեթէ բոլոր պաշտօնակիցներուն համոզմամբ՝ Թուրքիոյ հետ կանոնաւոր երկխօսութիւն պէտք է յառաջ տարուի՝ ներառեալ Հարաւային Կովկասի հարցերուն շուրջ»:

Հայաստան-Ատրպէյճան սահմանազատման եւ սահմանային անվտանգութեան հարցերով յանձնաժողովներու գործունէութեան մասին կանոնակարգը այսօրուան դրութեամբ ստորագրուեցաւ։

Մայր Աթոռ Սուրբ Էջմիածնի այս շրջանին մէջ լայնածաւալ պատրաստութիւններ յառաջ կը տարուին:
Վեհափառ Հայրապետը նախագահեց կարգադիր յանձնախումբի ժողովին՝ միւռոնօրհնութեան եւ Մայր Տաճարի վերաօծման ընդառաջ:

ՊԻԱՆՔԱ ՍԱՐԸԱՍԼԱՆ

Էապէս, շատ բան պարտական ենք հին յոյներուն՝ յատկապէս ներկայ քաղաքական բառապաշարի մեծամասնութեան պարագային։ Սակայն բոլորովին տարբեր են անոնց եւ ներկայ ժամանակներու քաղաքականութեան մասին ընկալումներն ու սահմանումները։

ԱՆՈՒՇ ԹՐՈՒԱՆՑ

Վերջին տարիներուն 31 օգոստոսը՝ ամերիկահայ մեծ գրող Ուիլիըմ Սարոյեանի ծննդեան օրը, Ֆրեզնօ քաղաքին մէջ կը հռչակուի Սարոյեանի օր:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Քանի որ ամէն ինչ ստեղծուած է Աստուծոյ կողմէ, եւ թէ Աստուած բացարձակապէս եւ անվիճելի Բարի է, ապա ուրեմն չարը որ գոյութիւն ունի, չարիքներ որոնք կը պատահին, ո՞ւրկէ են։ Արդարեւ, այս հարցը կը զբաղեցնէ միտքեր՝ պատասխան մը գտնելու համար, թէ՝ չարիքը, որ յաճախ տեղի կ՚ունենայ «գոյացութի՞ւն» է, թէ «գոյացութեան արդիւնք»։

Իշխանական վարչախումբը սկսած է դիմել կոշտ բռնաճնշումներու՝ զանգուածային ծեծուջարդ, ձերբակալութիւններ, առեւանգումներ, անհնազանդութիւն յայտնող քաղաքացիներու դէմ ապօրինի գործողութիւններ եւ այլն։ Հասկնալի է, որ հանրային աջակցութիւն չունենալով՝ իշխանութիւնը կրնայ յենուլ միայն ոստիկանութեան կամ արտաքին որեւէ խաղացողի մը վրայ:

Ռուսաստանի նախագահ Վլատիմիր Փութին եւ Ատրպէյճանի նախագահ Իլհամ Ալիեւ երէկ ունեցան հեռախօսազրոյց մը։ Ծանօթ է, որ Փութին վերջերս պետական այցելութիւն մը տուած էր Պաքու, ուրկէ վերադարձին կապ հաստատած էր նաեւ Երեւանի հետ։

Օրթագիւղի Թարգմանչաց վարժարանին մէջ երէկ տեղի ունեցաւ աշխատաժողով մը, որ զուգադիպեցաւ 2024-2025 կրթական շրջանի բացման փուլին։ Մասնագիտական հաւաքոյթ մըն էր այս մէկը, որ համախմբեց համայնքային շրջանակներէն բազում դէմքեր, որոնք ուղղութիւն կու տան պոլսահայ կրթական կեանքին ու կը կառավարեն դպրոցական ցանցը։