ԱՐԱ ԳՕՉՈՒՆԵԱՆ
Եւ այսպէս Յակոբ Արապեանին այսօր հրաժեշտ կու տանք։ Ոչ եւս է Գատըգիւղի ընտանիքի ամենասիրելի «Ակուլիկ»ը։ Անփոխարինելի կորուստ մըն է այս մէկը, որովհետեւ ան սիրոյ եւ զոհողութեան խորհըրդանշան մըն էր։ Իր թաղին ու շրջանակին մէջ այսքան սիրուած, այսքան համակրանքի արժանացած ուրիշ դէմք մը դժուար թէ գտնուի յաճախ։
ԱՐԱ ԳՕՉՈՒՆԵԱՆ
Հայաստանեայց Առաքելական Եկեղեցւոյ անդաստանէն ներս այս շրջանին ծագած է փոթորիկ մը։ Շուրջ ամիս մը առաջ իսկապէս արհեստական լոզունգներով, շինծու պատճառներով հրահրուած տագնապ մը ներկայիս կը բնորոշէ ազգային-եկեղեցական կեանքի օրակարգը։ Խումբ մը մարդիկ ասպարէզ կը կարդան Ամենայն Հայոց Վեհափառ Հայրապետին դէմ։ Տխրահռչակ խումբ մը ձեռնոց նետած է մեր հաւատքի հօր՝ Սուրբ Գրիգոր Լուսաւորչի մերօրեայ յաջորդին դէմ։
ԱՐԱ ԳՕՉՈՒՆԵԱՆ
Փրոֆ. Թանէր Աքչամի հայկական հարցի վերաբերեալ Երեւանի վերջին խորհրդածութիւններուն շուրջ մեր գրի առած շարքը այսօր կ՚եզրափակենք։ Իր մատնանշած բանալիներու լոյսին տակ հայկական կողմի դիրքորոշումն ալ ուշագրաւ երեւոյթ մը կը պարզէ։
Փրոֆ. Թանէր Աքչամի մատնանշած հիմնական երեք առանցքին մէջ գլխաւոր բանալին բանաձեւուած է շատ պարզ ու յստակ ձեւով. հայկական հարցը քաղաքական է։ Սա թէեւ յայտնութիւն մը չէ, սակայն թէ՛ իր մարմնաւորած կերպարը եւ թէ իր արտայայտուած այժմու միջավայրը յատուկ իմաստ մը կրնան վերագրել այդ բնորոշման։
ԱՐԱ ԳՕՉՈՒՆԵԱՆ
Փրոֆ. Թանէր Աքչամ հայկական հարցի պարագային այլընտրանքային համոզումներու տէր թուրք պատմաբան մըն է։ Այդ համոզումները էապէս կը տարբերին թրքական պաշտօնական թեզերէն ու նոյնիսկ կը հակադրուին անոնց։
Ara KOÇUNYAN
Türkiye Ermeni toplumunda eğitim sistemiyle ilgili sorunlar son günlerde yeniden sıcak gündem oluşturuyor. Bu ortamda Vakıflararası Dayanışma ve İşbirliği Platformu (VADİP) da bugün bir toplantı gerçekleştiriyor. Toplantının gündeminde cemaatin eğitim yaşamıyla ilgili sorunların öncelikli yer tutacağını ön görmek zor değil.
ԱՐԱ ԳՕՉՈՒՆԵԱՆ
Պոլսահայ ազգային-եկեղեցական կեանքէն ներս անփոփոխ առաջնահերթութիւն է կրթական բնագաւառը։ Ասով հանդերձ, ատեն-ատեն գետի նման կը վարարին վէճեր, որոնց բերումով նիւթական խնդիրները կը վերածուին հրատապ օրակարգի։ Համբարձման սեղանին ընթացքին Պետրոս Շիրինօղլուի ունեցած ելոյթը վերջին օրերուն ծնունդ տուած է նման վէճի մը։
Սուրբ Փրկիչ Ազգային հիւանդանոցի հոգաբարձութիւնը ըրած է տեղին կարգադրութիւն մը։ Հաստատութեան համալիրէն ներս երէկ պաշտօնապէս բացուեցաւ նոր բաժանմունք մը, որ ձօնուած է հոգաբարձութեան նախկին ատենապետներէն Փիլօ Աթանի յիշատակին ու վերանուանուած՝ համապատասխանաբար։
ԱՐԱ ԳՕՉՈՒՆԵԱՆ
Պատրիարքական առկախեալ ընտրութեան հարցին շուրջ Գումգաբուի կողմէ հրապարակուած այժմու պաշտօնական դիրքորոշումով մեր համայնքը նոր պատրիարք մը ընտրելու համար պէտք է սպասէ մինչեւ Տ. Մեսրոպ Արք. Մութաֆեանի վախճանին։ Անցեալ տարուան ալեկոծեալ ժամանակաշրջանէն վերջ որդեգրուած կամ պաշտօնապէս յայտարարուած դիրքորոշումը այսպէս է։
ԱՐԱ ԳՕՉՈՒՆԵԱՆ
Հայաստանեան աղբիւրները երէկ հաղորդեցին զանազան լուրեր, որոնք յոյս կը ներշնչեն երկրէն ներս ստեղծուած մռայլ պատկերի յաղթահարման առումով։ Ներքին քաղաքական տագնապի յաղթահարման համար երկրէն ներս տեղի կ՚ունենան կարգ մը խմորումներ, որոնք կարեւորութիւն կը ներկայացնեն՝ Հայաստանը ցնցումներէ զերծ պահելու տեսանկիւնէն։
