ԱՐԱ ԳՕՉՈՒՆԵԱՆ
Անթալիայի Դիւանագիտական ֆորումը նոր հարթութեան մը վրայ դրաւ Թուրքիա-Հայաստան յարաբերութիւններու բնականոնացման գործընթացը։ Երկու երկիրներու արտաքին գործոց նախարարներուն՝ Մեւլիւտ Չավուշօղլուի եւ Արարատ Միրզոյեանի տեսակցութիւնը դիւանագիտական կարեւոր իրադարձութիւն մըն էր, ինչ որ առանձնացաւ նաեւ ընդհանրապէս Անթալիայի ֆորումի շրջանակին մէջ։
ԺԱՄԱՆԱԿ-ի գլխաւոր խմբագիր Արա Գօչունեան շաբաթավերջին հետեւեցաւ Անթալիայի Դիւանագիտական ֆորումի ծիրէն ներս կազմակերպուած Չավուշօղլու-Միրզոյեան հանդիպման։ Վաղը այս սիւնակին մէջ կարդալ՝ իր տպաւորութիւններն ու դիտարկումները։
ԱՐԱ ԳՕՉՈՒՆԵԱՆ
Պէյրութի «Ազդակ» օրաթերթը շաբաթավերջին թեւակոխեց իր հիմնադրութեան 95-ամեակը։ Այս յոբելեանը, ի՜նչ խօսք, շատ յատկանշական է հայ իրականութեան, հայկական զանգուածային լրատուութեան միջոցներու աշխարհին տեսակէտէ։ «Ազդակ»ը սփիւռքի՝ արդէն մատի վրայ հաշուըւած օրաթերթերէն մին է, հեղինակաւոր լրատուամիջոց, արհեստավարժ մակարդակով։
ԱՐԱ ԳՕՉՈՒՆԵԱՆ
Տասնհինգ տարի առաջ այսօր Փարիզ էի։ Քատէի կայարանին մօտ բջիջային հեռաձայնիս վրայ յայտնուեցաւ SMS մը։ Կեցութեանս վերջին օրն էր... Հրանդը զոհ գացած էր մահափորձի մը։ Ցնցումը, անշուշտ, մէկ կողմ, առաջին պահուն կարելի չէր պատահածը պատկերացնել լիարժէք, ամբողջ խորքով ու մանաւանդ՝ անյաղթահարելի հետեւանքներով, որոնց ծանրութիւնը հետզհետէ ծանրացաւ ու կը ծանրանայ անվերջ։
ԱՐԱ ԳՕՉՈՒՆԵԱՆ
Արցախի երկրորդ պատերազմի հետեւանքներով պայմանաւորուած իրավիճակին մէջ Անգարա-Երեւան առանցքին վրայ նոր աշխուժութիւն մը ստեղծուած է։ Թուրքիա-Հայաստան յարաբերութիւններու բնականոնացման գործընթացը գետի նման վարարած է։ 44-օրեայ պատերազմը յեղաշրջած է տարածաշրջանի համայնապատկերը։
ԱՐԱ ԳՕՉՈՒՆԵԱՆ
Պոլսահայ ընկերամշակութային կեանքի մղիչ ուժերու շարքին են սանուց միութիւնները՝ մասնաւորապէս համայնքային լիսէներու սանուց միութիւնները։ Արդարեւ, հայկական վարժարանէ հասած սաներու պատկանելիութեան զգացումը առաւել չափով կ՚երթայ՝ իրենց աւարտած վերջին դպրոցին, ինչ որ գործնականօրէն կ՚ըլլայ լիսէն, համալսարանէն անմիջապէս առաջ։
ԱՐԱ ԳՕՉՈՒՆԵԱՆ
Անցաւ-գնաց տարի մըն ալ, մեր առջեւն է արդէն նորը։ Մարդ արարածը միշտ ունի նո՛ր կեանքի մը ձգտումը, մղումը։ Վերանորոգ կենսունակութեան որոնումներուն մէջ առանձնայատուկ խորհրդանշան մըն է նոր տարին։
ԱՐԱ ԳՕՉՈՒՆԵԱՆ
Այս օրերուն թրքահայ մամուլի մատնուած վիճակը դարձած է հրատապ օրակարգ։ Պատրիարքական Աթոռը փորձեց այս հարցին վրայ ուշադրութիւն հրաւիրել, շօշափելի քայլով մը յատկացում մըն ալ ըրաւ մամուլին, սակայն, առ այժմ յայտնի չէ համայնքային հաստատութիւններուն վերաբերմունքը։ Լուռ են վարչայինները, որոնք կը տնօրինեն միջոցները։
ԱՐԱ ԳՕՉՈՒՆԵԱՆ
Տարի մը առաջ ստորագրուեցաւ հայոց պատմութեան ամենածանր պետական-իրաւական փաստաթուղթերէն մին, որով վերջ գտաւ Արցախի երկրորդ՝ 44-օրեայ պատերազմը։ Ծանր պարտութեան տակ ընկճուած է ամբողջ հայութիւնը։
ԱՐԱ ԳՕՉՈՒՆԵԱՆ
Թուրքիոյ ոչ-իսլամ փոքրամասնական համայնքներու վաքըֆներու առկախեալ ընտրութիւններու խնդիրը այս շրջանին դարձեալ գետի նման վարարած է օրակարգի վրայ։ Թէեւ փոքրամասնութիւններուն տեսակէտէ հրատապ բնոյթ ունի այս հարցը եւ երկար ժամանակէ ի վեր առաջնահերթութիւն դարձած է, սակայն, լուծման ճանապարհին վրայ բեկումի մը արձանագրումը կախում ունի պետական պատկան մարմիններէն։
