Լրահոս

Հայաստանի Վերաքննիչ ատեանը երէկ որոշեց ազատ արձակել Հանրապետութեան երկրորդ նախագահ Ռոպերթ Քոչարեանը, որ միջոցէ մը ի վեր կալանաւորուած էր։ 1 մարտ 2008 թուականին Երեւանի մէջ տեղի ունեցած արիւնալի դէպքերուն բերումով մեղադրանք հասցէագրուած էր Ռոպերթ Քոչարեանին։

Հայաստանի Պաշտպանութեան նախարար Դաւիթ Տօնոյեան շաբաթավերջին Մոսկուայի մէջ հանդիպում մը ունեցաւ Ռուսաստանի Պաշտպանութեան նախարար Սերկէյ Շոյկուի հետ։ Հանդիպման ընթացքին քննարկուեցան Հայաստան-Ռուսաստան երկկողմանի ռազմաքաղաքական, ռազմական եւ ռազմաթեքնիկ համագործակցութեան ընթացիկ խնդիրներն ու յառաջիկայ ընելիքները։

Այսօր ԺԱՄԱՆԱԿ լոյս կ՚ընծայէ բացառիկ համար մը եւս։ Թէեւ ծաւալով ընթացիկ, սակայն բովանդակութեամբ բացառիկ թիւ մըն է այս մէկը։ Թերթս ներկայիս կը գտնուի իր հրատարակութեան 110-ամեակի յոբելենական շրջանին։

Հայկազեան համալսարանի Հայկական սփիւռքի ուսումնասիրութիւններու կեդրոնին նախաձեռնութեամբ կազմակերպուած յոբելենական հանդիսութիւնը փայլուն անցաւ:
Ժամանակ օրաթերթի հիմնադրութեան 110-ամեակին առթիւ Պէյրութի մէջ տեղի ունեցած ձեռնարկը նոր հարթութեան մը վրայ դրաւ տարեդարձի շրջանի նշանակութիւնը:
Վեր. Փոլ Հայտոսթեանի խօսքով՝ 1908-էն ի վեր հայ մամլոյ նահապետը հաւատարմաբար կը պահէ իր օրական ժամադրութիւնը եւ ան մնացած է՝ որպէս ժամանակներու արձանագրութիւնը:

ԳՐԻԳՈՐ Ա. ՔՀՆՅ. ՏԱՄԱՏԵԱՆ

Հայ Եկեղեցւոյ գոհար երգարանին՝ «Շարակնոց»ի սրբասուն հեղինակները շատ գեղեցիկ բառերով բնութագրած են Սուրբ Կոյս Մարիամ Աստուածամօր անձը, գեղեցիկ ածականներով զարդարելով Իր օրինակելի կենցաղի գեղեցկութիւնը։ Սրբազան շարականագիրներու առընթեր Հայ Եկեղեցւոյ մեծանուն աղօթողը՝ Նարեկայ վանքի աննման վարդապետը Սուրբ Գրիգոր Նարեկացին եւս գործածած սքանչելի ածականներով գեղակերտած է յուշակոթող մը, որ այսօր եւս կը սքանչացնէ ընթերցող հաւատացեալները։

ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ

Օ­գոս­տո­սի ա­ռա­ջին կէ­սին ան­գամ մը եւս կը պատ­րաս­տուինք մե­ծա­հան­դէս ա­րա­րո­ղու­թիւն­նե­րով մե­ծա­րել Սուրբ Կոյս Մա­րիամ Աս­տուա­ծա­ծի­նը։ Հա­ւա­տա­ցեալ­ներս կը միա­նանք Ս. Կոյ­սի կեան­քի խոր­հուր­դին եւ կը փոր­ձենք ա­ւե­լի լաւ ճանչ­նալ «Աս­տուա­ծա­ծին» կո­չու­մի իւ­րա­յա­տուկ ի­մաստն ու նշա­նա­կու­թիւ­նը։

Հանրապետութեան նախագահ Րէճէպ Թայյիպ Էրտողան երէկ հեռախօսազրոյց մը ունեցաւ Ռուսաստանի նախագահ Վլատիմիր Փութինի հետ։ Բացի երկկողմանի համագործակցութեան ընթացքէն, Էրտողան եւ Փութին անդրադարձան Սուրիոյ տագնապին։

Հայաստանի Վերաքննիչ ատեանէն ներս աւարտին հասան Հանրապետութեան երկրորդ նախագահ Ռոպերթ Քոչարեանի բանտարկութեան հարցին շուրջ, զինքը ազատ արձակելու պահանջով կատարուած դիմումին քննարկումները։

Սերկէյ Լաւրով Անգարայի մէջ ելոյթ մը պիտի ունենայ դեսպաններու խորհրդաժողովին ընթացքին:
Թուրքիոյ եւ Ռուսաստանի արտաքին գործոց նախարարները յառաջիկայ շաբաթ բանակցութիւններ պիտի վարեն:

Թուրքիոյ եւ ԱՄՆ-ի պատուիրակութիւններուն բանակցութիւնները եզրափակուեցան:
Ուաշինկթըն Անգարայի հետ հարցերու լուծումը Պրանսընի վերադարձէն կախեալ կը համարէ: