Երէկ, Երեւանի մէջ, «Պուքինիստ» գրախանութի երդիքին տակ տեղի ունեցաւ հետաքրքրական շնորհանդէս մը, որու ընթացքին հետաքրքիրներուն ծանօթացուեցաւ Ջուղայի ոչնչացուած խաչքարերուն վերաբերեալ շահեկան պատկերագիրք մը։ Այսպէս, հնագէտ-լուսանկարիչ Արամ Վրոյր Ջուղայի հայկական գերեզմանատան խաչքարերու լուսանկարները, անոնց վերաբերեալ գիտական ու պատմական տեղեկութիւնները ամփոփած է պատկերագիրքի մը մէջ։
Երէկ, ամբողջ աշխարհի, այդ կարգին՝ Հայաստանի մէջ, նշուեցաւ Պարի միջազգային օրը։
Ռազմապարերու միջոցով հնարաւոր է հայ մարդուն վերադարձնել հայ ըլլալու հպարտութիւնը:
Ուղղափառ աշխարհը շաբաթավերջին նշեց Տէր Յիսուս Քրիստոսի Հրաշափառ Ս. Յարութեան տօնը։ Պատրիարքական ընդհանուր փոխանորդ Տ. Արամ Արք. Աթէշեան եւ Կրօնական ժողովի ատենապետ Տ. Սահակ Եպսկ. Մաշալեան այս առթիւ այցելութիւն մը տուին Ֆէնէրի Յունաց Պատրիարքարանը, ուր Ս. Զատկի առթիւ շնորհաւորութիւններ եւ բարեմաղթանքներ յղեցին Տ.Տ. Պարթոլոմէոս Ա. Ուղղափառաց Ծայրագոյն Պատրիարքին։
Փորթուգալի խորհրդարանը շաբաթավերջին ընդունեց 24 ապրիլ թուակիր բանաձեւ մը, որով 1915 թուականի դէպքերը որակեց որպէս ցեղասպանութիւն։ Մինչ Փորթուգալ պաշտօնապէս ճանչցաւ Հայոց ցեղասպանութիւնը, Անգարայի ղեկավարութիւնը անմիջապէս արձագանգեց՝ արտայայտելով իր հակազդեցութիւնը։
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Երանաշնորհ Մեսրոպ Սրբազան Պատրիարք Հօր վախճանման քառասունքը արդէն իսկ անցած է։ Մեր հոգեւոր պետը իր հոգին Երկնաւոր Հօր ձեռքերուն մէջ աւանդեց Մեծ պահոց օրերուն եւ քառասունքը զուգադիպեցաւ Աւագ չորեքշաբթի օրուան։
Հայկական զանգուածային լրատուութեան աշխարհը վերջին օրերուն մեծ ցաւ ապրեցաւ «Հայաստանի Հանրապետութիւն» օրաթերթի գլխաւոր խմբագիր Տիգրան Ֆարմանեանի մահուան բերումով։ Ան մահացաւ անժամանակ եւ երկար ժամանակէ ի վեր կը տառապէր անողոք հիւանդութենէ։
Կին ձեռներէցներու համաշխարհային միութեան (FCEM) միջազգային համաժողովը լայն հնարաւորութիւն կու տայ բարձրացնել Հայաստանի գործարարութեան, զբօսաշրջային եւ մշակութային գրաւչութիւնը:
«Արմէնփրէս»ի հաղորդմամբ՝ համաժողովը կազմակերպուած է Հայաստանի Երիտասարդ կանանց միութեան եւ Հայաստանի Կին ձեռներէցներու ցանցի կողմէ:
Վարշաւիոյ համալսարանի գրադարանին մէջ նախընթաց օր տեղի ունեցաւ Երեւանի Մատենադարանի աւագ գիտաշխատող Փիրուզ Մնացականեանի հեղինակած «Լեհահայեր, ձեռագրական ժառանգութիւն» գիրքի շնորհանդէսը: «Արմէնփրէս»ի հաղորդմամբ՝ շնորհանդէսը կազմակերպուած էր Լեհաստանի մօտ Հայաստանի Հանրապետութեան դեսպանութեան կողմէ։
Գեղարքունիքի մարզի Լճաշէն գիւղին մէջ, այս տարի, պիտի բացուի եւ գործէ հնագիտական թանգարան: Այս մասին կը հաղորդէ «Արմէնփրէս» գործակալութիւնը։
Սեպտեմբերին Ասկերանի շրջանի Աստղաշէն եւ Շոշ համայնքներուն մէջ գործածութեան պիտի յանձնուին նորակառոյց մանկապարտէզները:
Ըստ «Արցախփրէս»ի՝ այս մասին ըսած է Ասկերանի Կրթութեան բաժնի վարիչ Կառլէն Մայիլեան՝ նշելով, որ շրջանի 19 համայնքներուն մէջ արդէն կան մանկապարտէզներ, ուր կը յաճախէ 425 երեխայ:
