Հայաստանի վարչապետ Նիկոլ Փաշինեան կը պատրաստուի հանդիպում մը ունենալ Չինաստանի նախագահ Ցի Ցինփինի հետ։ «Արմէնփրէս»ի հաղորդումներով, երէկ Երեւանի մէջ սարքած մամլոյ ասուլիսին ընթացքին Նիկոլ Փաշինեան յայտնեց, որ յառաջիկային կը նախատեսէ այցելել Փեքին, ուր հանդիպումներ պիտի ունենայ Չինաստանի նախագահին եւ վարչապետին հետ։
Ըստ Նիկոլ Փաշինեանի, հակամարտ կողմերը պէտք է հաւատարիմ մնան Վիեննայի յայտարարութեան:
Հայաստանի վարչապետը անդրադարձաւ Արցախի եւ Ատրպէյճանի շփման գծի վերջին իրադարձութիւններուն:
Ամենայն Հայոց Տ.Տ. Գարեգին Բ. Կաթողիկոսը գահակալութեան երկու տասնամեակներու շրջանին առաջին անգամ այցելեց Կրետէ եւ ընդհանրապէս Յունաստան:
Վեհափառ Հայրապետը ուղեւորութեան եզրափակիչ փուլին խաղաղութիւն մաղթեց համայն աշխարհին եւ աղօթեց, որ Աստուած ազգերը առաջնորդէ սիրով ու եղբայրութեամբ:
Հանրապետութեան նախագահ Րէճէպ Թայյիպ Էրտողան երէկ անդրադարձաւ Իսթանպուլի գլխաւոր քաղաքապետի ընտրութեան կրկնութեան խնդրին։ Ան յայտնեց, որ Իսթանպուլի մէջ կրկնուելիք ընտրութիւններուն ժամանակ թեկնածուները փոփոխութեան պիտի չենթարկուին։
Հայաստան-Ամերիկայի Միացեալ Նահանգներ Միջկառավարական յանձնաժողովի ռազմավարական երկխօսութեան խումբի նիստը Երեւանի մէջ:
Ամերիկացի բարձրաստիճան դիւանագէտ Ճորճ Քենթ յոյս յայտնեց, թէ Հարաւային Կովկասի բոլոր երկիրները խաղաղ կը համագոյակցին իրենց դրացիներուն հետ:
Ամենայն Հայոց Տ.Տ. Գարեգին Բ. Կաթողիկոսը այսօր կ՚աւարտէ հովուապետական այցելութիւնը դէպի Կրետէ:
Վեհափառ Հայրապետը երէկ հիւրընկալուեցաւ Իրինէոս Արքեպիսկոպոսին կողմէ, ներկայ էր նաեւ նահանգապետ Առնաութաքիս:
Ամերիկայի Միացեալ Նահանգներու Եւրոպայի եւ Եւրոասիոյ հարցերով արտաքին գործոց փոխ-նախարարի տեղակալ Ճորճ Քենթի կողմէ գլխաւորուած պատուիրակութիւնը երէկ շփումներ ունեցաւ Երեւանի մէջ, ուր ամենաբարձր մակարդակի վրայ հիւրընկալուեցաւ Հայաստանի ղեկավարութեան կողմէ։ Պաշտօնական աղբիւրներու հաղորդումներով, Ճորճ Քենթ տեսակցեցաւ Հայաստանի վարչապետ Նիկոլ Փաշինեանի հետ։ Հանդիպման ընթացքին քննարկուեցան փոխադարձ շահաւէտ գործընկերութեան խորացման վերաբերեալ հարցեր։
Բարձրագոյն ընտրական խորհուրդը երէկ երեկոյեան ժամերուն յայտարարեց, որ Իսթանպուլի գլխաւոր քաղաքապետի ընտրութիւնը ջնջուած է եւ քուէարկութիւնը պիտի կրկնուի յառաջիկայ 23 յունիսին։
Ինչպէս ծանօթ է, մարտի 31-ին տեղի ունեցած տեղական ինքնակառավարման մարմիններու ընտրութեան արդիւնքին Իսթանպուլի գլխաւոր քաղաքապետի ընտրութեան հարցին շուրջ խնդրայարոյց, վիճայարոյց կացութիւն մը ստեղծուած էր։
Հայաստանի Հանրապետութեան նախագահ Սարգսեան հիւրընկալեց Մատենադարանի ղեկավարութիւնը:
Կառոյցի միջազգայնացման եւ տարածքաշրջանային նշանակութեան բարձրացման համար կը մշակուին նոր ծրագրեր:
Կրետէի Սուրբ Յովհաննու Կարապետ եկեղեցւոյ հիմնադրութեան 350-ամեակի յոբելենական մեծահանդէս տօնակատարութիւնները զուգադիպեցան Աշխարհամատրան կիրակիին: Հերակլիոնի մէջ երէկուան օրը բնորոշուեցաւ Հայրապետական Սուրբ Պատարագով: Յունաստանի վարչապետ Ալեքսիս Ցիփրաս ողջունեց Ամենայն Հայոց Տ.Տ. Գարեգին Բ. Կաթողիկոսի հովուապետական այցելութիւնը: «Aquila Atlantis» պանդոկի պաշտօնական ճաշկերոյթին ներկայ գտնուեցան պետական ու տեղական ինքնակառավարման մարմիններու բարձրաստիճան ներկայացուցիչներ:
Պատրիարքական ընդհանուր փոխանորդ Տ. Արամ Արք. Աթէշեան առընթերակայ էր Վեհափառ Հայրապետին, որ համանուն սուրբի մասունքներով օրհնութիւն բաշխեց հաւատացեալներուն: Նորին Սրբութիւնը շատ ջերմ վերաբերմունք ցուցաբերեց պոլսահայ ուխտաւորաց խումբին նկատմամբ: «Ասթորիա»ի երդիքին տակ կազմակերպուած գեղարուեստական ձեռնարկը պսակուեցաւ փայլուն յաջողութեամբ:
