Լրահոս

Ֆրանսահայ յայտնի դերասան Սիմոն Աբգարեան նախընթաց օր նուաճեց կարեւոր մրցանակ մը։ Այսպէս, ան արժանացաւ «Մոլիէր» ֆրանսական թատերական մրցանակին։

Հայաստանի նախկին երկու նախագահները՝ Սերժ Սարգսեան եւ Ռոպերթ Քոչարեան վերջերս ունեցան հանդիպում մը։ «Արմէնփրէս»ի հաղորդումներով, Սերժ Սարգսեանի գրասենեակի պատասխանատու Մերի Յարութիւնեան այս կապակցութեամբ ամփոփ յայտարարութիւն մը կատարեց։

Անգարա-Փարիզ առկայ լարուածութեան մթնոլորտին մէջ Ֆրանսա կոչ ուղղեց Եւրոմիութեան, որպէսզի Թուրքիոյ հետ յարաբերութիւնները քննարկման ենթարկուին։ «Արմէնփրէս»ի հաղորդումներով, Ֆրանսայի Արտաքին գործոց նախարար Ժան-Իվ լը Տրիան այս կապակցութեամբ հանդէս եկաւ յայտարարութիւններով՝ փոխանցելով իր երկրի մօտեցումները։

Եւրոմիութեան խորհուրդի նախագահ Շարլ Միշել եւ Եւրոյանձնաժողովի նախագահ Ուրսուլա ֆոն տեր Լէյէն համատեղ նամակ մը ուղարկեցին Հայաստանի վարչապետ Նիկոլ Փաշինեանին։ «Արմէնփրէս»ի հաղորդումներով, նամակին մէջ նշուած է, թէ Հայաստան եւ ԵՄ կ՚օգտուին այն հնարաւորութենէն, որ կարողացած են սերտ յարաբերութիւններ հաստատել Արեւելեան գործընկերութեան եւ Համապարփակ ու ընդլայնուած գործընկերութեան համաձայնագրի շրջանակներէն ներս։

Թուրք պատմութեան հաստատութիւնը (Türk Tarih Kurumu-TTK) հայկական հարցի շուրջ նոր փաստավաւերագրական ժապաւէններ պատրաստած է՝ հինգ լեզուով։ Տեղական ու միջազգային հանրային կարծիքը իրազեկելու նպատակը կը հետապնդէ այս նախաձեռնութիւնը։

ԵԱՀԿ-ի 2020 թուականի Անվտանգութեան վերանայման տարեկան համաժողովը երէկ տեղի ունեցաւ՝ կազմակերպուած տեսաքոնֆերանսի ձեւաչափով:
Ապիտոնեան. «Հայաստան հաւատարիմ ռազմաքաղաքական հարթութեան վրայ իր ստանձնած պարտաւորութիւններուն՝ տարածքաշրջանային կայունութեան համար»:

Առողջապահութեան նախարար Ֆահրետտին Քոճա երէկ երեկոյեան տեղեկացուց, որ քորոնաժահրի համաճարակի մթնոլորտին մէջ երկրէն ներս ցարդ կատարուած քննութիւններուն թիւը անցած է 3 միլիոնի շեմը։ Նախարարութիւնը երէկ երեկոյեան հրապարակեց համավարակի մթնոլորտին վերաբերեալ վերջին վիճակագրական տուեալները։

Անգարայի եւ Փարիզի իշխանութիւններուն միջեւ ներկայիս ծնունդ առած է լարուածութիւն մը։ Այսպէս, Թուրքիա եւ Ֆրանսա՝ Լիպիոյ իրադարձութիւններու վերաբերեալ հակադիր դիրքորոշումներուն բերումով կը դիմագրաւեն լուրջ մարտահրաւէր մը։

Երեւանի Ընդհանուր իրաւասութեան ատեանի Շէնգաւիթի մասնաճիւղէն ներս:
Ռոպերթ Քոչարեանի եւ միւսներու գործով դատավարութիւնը պիտի շարունակուի 30 յունիսին:

Հայաստանի Հանրապետութեան Աւագ դատախազութիւնը վերաքննիչ բողոք ներկայացուց՝ Երեւանի Ընդհանուր իրաւասութեան առաջին ատեանի կողմէ երեսփոխան Գագիկ Ծառուկեանի պարագային արձակուած վճռին շուրջ։ Ինչպէս ծանօթ է, «Բարգաւաճ Հայաստան» կուսակցութեան առաջնորդ Գագիկ Ծառուկեանի դէմ քրէական հետապնդում սկսած է։