Շաբաթավերջին Իսթանպուլէն անցաւ դասական երաժշտութեան աշխարհի տիրական դէմքերէն սոփրանօ փրոֆ. Էլէնա Փանքրաթովա, որու գլխաւորութեամբ կազմակերպուած էր վարպետութեան դասընթացք մը։ Աւստրիայէն ժամանած աշխարհահռչակ մեներգչուհին վարպետութեան դասերը իրականացուց Սաքըզաղաճի Ս. Աստուածածին հայ կաթողիկէ եկեղեցւոյ երդիքին տակ։
Վրաստանի մէջ յետընտրական կարճատեւ խմորումներէ ետք, երբ կը թուէր, թէ հանրային յուզումներու ալիքը դէպի մարում կ՚երթայ, ներքաղաքական իրավիճակը կրկին ահագնացաւ: Թիֆլիզ ցնցումներու մէջ է: Ուսումնասիրութիւններու լայն դաշտ մը բացուած է հոգեբաններուն, հասարակագէտներուն ու մարդաբաններուն առջեւ, թէպէտ վերջիններուս աւագ գործընկերները նման աշխատանքի գործնական փորձ բաւականաչափ կուտակած են՝ շարք մը երկիրներու մէջ յաջողելով ազդել մարդոց վարքագծի եւ հոգեբանութեան վրայ։
Երեւան ԵԱՏՄ-ի հարթակին վրայ եւս օրակարգի վրայ կը բերէ «Խաղաղութեան խաչմերուկ» նախաձեռնութիւնը:
Փաշինեան. «Հայաստանի մշակած այս նախագիծը բարենպաստ պայմաններ կ՚ապահովէ շահագրգիռ բոլոր պետութիւններուն համար»:
Նիւ Տելհիի մէջ նախընթաց օր տեղի ունեցաւ Հայաստան-Հնդկաստան-Իրան եռակողմանի ձեւաչափով խորհրդակցութիւն մը։ Իր տեսակին մէջ երկրորդ այս խորհրդակցութիւններուն ընթացքին Հայաստանի պատուիրակութիւնը գլխաւորեց արտաքին գործոց նախարարութենէն Անահիտ Կարապետեան։
Ֆրանսայի մէջ նոր կառավարութեան ձեւաւորման ուղղեալ աշխատանքները կը շարունակուին։ Երկրէն ներս տեղի ունեցած խորհրդարանական արտահերթ ընտրութիւններէն վերջ վարչապետ նշանակուած Միշէլ Պառնիէի կառավարութիւնը չէր կրցած վստահութեան քուէ առնել Ազգային ժողովէն։
Թուրքիա եւ ԱՄՆ Սուրիոյ պարագային կը խրախուսեն ներառական կառավարութեան մը ստեղծումը:
Անգարա-Ուաշինկթըն առանցքին վրայ համատեղ հետաքրքրութիւն:
Հանրապետութեան նախագահ Ռեճեփ Թայյիպ Էրտողան Էնթընի Պլինքընը հիւրընկալեց՝ Հաքան Ֆիտանի ներկայութեամբ:
Երէկ, Երեւանի մէջ տեղի ունեցաւ «Ընդդէմ ցեղասպանութեան յանցագործութեան» խորագրեալ կլոպալ ֆորումը, որ հինգերորդն էր իր տեսակին մէջ։ Մատենադարանի նոր մասնաշէնքի դահլիճի երդիքին տակ տեղի ունեցաւ հաւաքոյթը, որու բացման ելոյթով մը հանդէս եկաւ Հայաստանի Հանրապետութեան նախագահ Վահագն Խաչատուրեան։
Հայաստանի վարչապետ Նիկոլ Փաշինեան այսօր աշխատանքային այցելութիւն մը կու տայ Մոսկուա։ Պաշտօնական աղբիւրներու հաղորդումներով, Ռուսաստանի տանտիրութեամբ նախատեսուած է Եւրոասիոյ տնտեսական միութեան (ԵԱՏՄ) անդամ երկիրներու վարչապետներու խորհուրդին հերթական նիստը։
Թուրքիոյ հետ յարաբերութիւններու բնականոնացման ուղղեալ բանակցութիւններու մէջ Հայաստանի յատուկ ներկայացուցիչ Ռուբէն Ռուբինեան երէկ մանրամասնութիւններ հրապարակեց երկու երկիրներու զանազան կառոյցներու ներկայացուցիչներու՝ շուրջ ամիս մը առաջ սահմանին վրայ ունեցած հանդիպման կապակցութեամբ։
Ռուսաստանի նախագահ Վլատիմիր Փութին եւ Հունգարիոյ վարչապետ Վիքթոր Օրպան երէկ ունեցան հեռախօսազրոյց մը։ Հարկ է նշել, որ Վիքթոր Օրպան երէկ Անգարայի մէջ հիւրընկալուեցաւ Հանրապետութեան նախագահ Ռեճեփ Թայյիպ Էրտողանի կողմէ։
