Հայաստանի վարչապետ Նիկոլ Փաշինեանի եւ Ռուսաստանի նախագահ Վլատիմիր Փութինի միջեւ նախընթաց օր Մոսկուայի մէջ տեղի ունեցած հանդիպման արձագանգները կը շարունակուին։ Տեսակցութենէն օր մը վերջ, Քրեմլինի բանբերը՝ Տիմիթրի Փեսքով յայտնեց, որ Ատրպէյճանի հետ Լեռնային Ղարաբաղի հարցին շուրջ շփումները մշտապէս կ՚իրականացուին Ռուսաստանի կողմէ՝ եռակողմանի յայտնի յայտարարութիւնները կեանքի կոչելու շրջանակներէն ներս։
Հայաստանի վարչապետ Նիկոլ Փաշինեան երէկ աշխատանքային այցելութիւն մը տուաւ Մոսկուա, ուր ընդունուեցաւ Ռուսաստանի նախագահ Վլատիմիր Փութինի կողմէ։ Քրեմլինի պալատէն ներս տեղի ունեցաւ երկու ղեկավարներու հանդիպումը, որու ընթացքին Փաշինեան ըսաւ. «Ռուս խաղաղապահներու տեղակայումէն յետոյ Լեռնային Ղարաբաղի մէջ իրավիճակը կայուն է, սակայն, երբեմն անկայունութեան օճախներ կը ստեղծուին, անկայուն է նաեւ վիճակը Հայաստանի եւ Ատրպէյճանի սահմանին վրայ»։
Սագօ Արեան կը տեղեկացնէ Երեւանէն.-
Նախաձեռնութեամբ Պէյրութի Հայկազեան համալսարանի եւ համագործակցութեամբ Ծիծեռնակաբերդի թանգարան-կաճառի, երէկ Երեւանին մէջ տեղի ունեցաւ յիշատակի ձեռնարկ մը՝ ձօնուած Հայ Աւետարանական եկեղեցիէն աստուածաբան ու բարերար Արմենակ Յարութիւն Հայկազեանի, որ ծնած էր 1870 թուականին Խարբերդի մէջ։
Եւրոյանձնաժողովի ընդլայնման եւ հարեւանութեան հարցերով յանձնակատարը Հարաւային Կովկասի մէջ:
Եւրոպա օգնութեան ծաւալուն ծրար մը պատրաստած է Արեւելեան գործընկերութեան երկիրներուն համար: Վարչապետ Իրակլի Ղարիպաշվիլի ընդգծեց Վրաստանի ձգտումը՝ Եւրոմիութեան լիիրաւ անդամ դառնալու ուղղութեամբ:
Ազգային Պաշտպանութեան նախարար Հուլուսի Աքար երէկ հեռախօսազրոյց մը ունեցաւ Ամերիկայի Միացեալ Նահանգներու Պաշտպանութեան նախարար Լոյտ Ճէյմս Օսթինի հետ։ Դրական ու շինիչ մթնոլորտի մը մէջ տեղի ունեցաւ այս հեռախօսազրոյցը, որու ծիրէն ներս ծաւալուած քննարկումները կը շարունակուին նաեւ այսօր։
Առողջապահութեան համաշխարհային կազմակերպութեան տնօրէն Թետրոս Կեպրէյէսուս յայտարարեց, որ քորոնաժահրի նոր հիմնամանրէները յաղթական դուրս կու գան պատուաստանիւթերու դէմ պայքարէն։ Ժահրի նոր՝ առաւել ուժեղ վարակիչ յատկութիւններու տէր տարբերակները կը յաղթեն պատուաստանիւթերուն։
Եիցաք Հերցոք երէկ պաշտօնապէս ստանձնեց Իսրայէլի նախագահի պաշտօնը։ Քնեսեթէ ներս տեղի ունեցած երդման արարողութիւնով ան դարձաւ Իսրայէլի 11-րդ նախագահը։
Երեւանի «Գաֆէսճեան» արուեստի կեդրոնը այս շրջանին ձեռնամուխ եղած է «Յուշերու տուն» անուանեալ նոր կրթական ծրագրի մը, որու պաշտօնական մեկնարկը երէկ յայտարարուեցաւ թանգարանի աղբիւրներուն կողմէ։
ԱՐԱՄ ԱԲՐԱՀԱՄԵԱՆ
Հաւաքական անվտանգութեան պայմանագրի կազմակերպութեան (ՀԱՊԿ) ընդհանուր քարտուղար Սթանիսլաւ Զասսի յայտարարութիւնը այն մասին, թէ Հայաստան-Ատրպէյճան սահմանին տեղի ունեցողը «սահմանային միջադէպ է» եւ այդ կազմակերպութիւնը այս պարագային ընելիք չունի, մեծ դժգոհութիւն յառաջացուցած է Հայաստանի մէջ։
Հայ Կաթողիկէ Եկեղեցւոյ Ս. Սինոդը չյաջողեցաւ ընտրել նոր կաթողիկոս-պատրիարք մը։ Զմմառի վանքէն ներս, Լիբանան, երկար ժամանակէ ի վեր կը շարունակուէր Ս. Սինոդի նստաշրջանը, որու օրակարգին վրայ էր նոր կաթողիկոս-պատրիարքի ընտրութեան հարցը։ Քուէարկութեան զանազան փուլեր տեղի ունեցան, սակայն թեկնածուներէն ոեւէ մէկը չյաջողեցաւ ապահովել անհրաժեշտ քանակութեամբ ձայներ։
