Լրահոս

Նիկոլ Փաշինեան եւ Էնթընի Պլինքըն անդրադարձան Թուրքիա-Հայաստան երկխօսութեան ընթացքին:
Հայաստանի վարչապետը երէկ հեռախօսազրոյցներ ունեցաւ ԱՄՆ-ի պետական քարտուղարին եւ Գանատայի պաշտօնակցին հետ:

Տ.Տ. Պարթոլոմէոս Ա. Ուղղափառաց Տիեզերական Պատրիարքը տեսակցեցաւ Յունաստանի վարչապետ Քիրիաքոս Միցոթաքիսի հետ, որ նախօրէին Իսթանպուլ եկած էր Հանրապետութեան նախագահ Ռեճեփ Թայյիպ Էրտողանի հետ հանդիպելու համար։ Հիւր վարչապետը նախագահ Էրտողանի հետ հանդիպումէն անմիջապէս առաջ, կիրակի, յետմիջօրէի ժամերուն մէկտեղուեցաւ Նորին Սրբութեան հետ։

ՇԱՀԱՆ ԳԱՆՏԱՀԱՐԵԱՆ

Անթալիոյ մէջ կայացած Հայաստանի Հանրապետութեան եւ Թուրքիոյ արտաքին գործոց նախարարներու հանդիպումէն ետք Թուրքիոյ արտաքին գերատեսչութեան ղեկավարին կատարած յայտարարութիւնները պարզ կը դարձնեն արցախեան հակամարտութեան լուծման եւ Երեւան-Անգարա յարաբերութիւններու հաստատման գործընթացին փոխկապակցուած ըլլալը:

«Անատոլու» գործակալութիւնը երէկ տեղեկեցուց, որ վերջին երկու ամսուայ ընթացքին 34 հազար 500 հոգի այցելած է պատմական Անի քաղաքը։ Պաշտօնական գործակալութեան կողմէ «Քաղաքակրթութիւններու օրրան» որակուած է միջնադարեան հոյակերտ քաղաքի այժմու աւերակները, որոնք ներկայիս սպիտակ քօղի տակ մնացած են։

Անթալիայի Դիւանագիտական ֆորումի շրջանակէն ներս շաբաթավերջին տեղի ունեցաւ Թուրքիոյ եւ Հայաստանի արտաքին գործոց նախարարներուն տեսակցութիւնը:
Մեւլիւտ Չավուշօղլու եւ Արարատ Միրզոյեան հանդիպման յաջորդած յայտարարութիւններուն մէջ վերահաստատեցին Անգարա-Երեւան առանցքին վրայ կարգաւորման հասնելու պատրաստակամութիւնը:

Հայաստանի Հանրապետութեան նորընտիր նախագահ Վահագն Խաչատուրեան երէկ երդուելով պաշտօնապէս ձեռնարկեց իր առաքելութեան։ Ըստ Սահմանադրութեան, նորընտիր նախագահին երդման արարողութիւնը տեղի ունեցաւ Հայաստանի Ազգային ժողովի յատուկ նիստի ձեւաչափին մէջ։

Հանրապետութեան նախագահ Ռեճեփ Թայյիպ Էրտողան երէկ Իսթանպուլի մէջ հիւրընկալեց Յունաստանի վարչապետ Քիրիաքոս Միցոթաքիսը։ Անգարա-Աթէնք առանցքի վերջին շրջաններու իրերայաջորդ ցնցումներէն վերջ, այս գագաթնային հանդիպումը երկու հարեւաններու յարաբերութիւններուն մէջ նոր էջ մը բանալու տեսակէտէ կը նկատուի շատ կարեւոր։

Գերմանիոյ վարչապետ Օլաֆ Շոլց այսօր շփումներ կ՚ունենայ Անգարայի մէջ։ Անցեալ տարեվերջին պաշտօնի ձեռնարկած շանսէօլիէն առաջին անգամ կ՚այցելէ Թուրքիա։ Հանրապետութեան նախագահ Ռեճեփ Թայյիպ Էրտողանի կողմէ կը հիւրընկալուի Օլաֆ Շոլց, որու այցը միօրեայ է։

Արտաքին գործոց նախարար Մեւլիւտ Չավուշօղլու այս առաւօտ Անթալիայի մէջ հիւրընկալեց Հայաստանի Արտաքին գործոց նախարար Արարատ Միրզոյեանը։

Համակրելի մեներգչուհի Սիպիլ այս շաբաթավերջին կը գտնուի Պէյրութի մէջ, ուր Համազգայինի կողմէ կազմակերպուած է իր համերգը։ Վերջին օրերուն Սիպիլ հարցազրոյցներ տուաւ լիբանանահայ զանազան լրատուամիջոցներու. ինչպէս՝ «Ազդակ» օրաթերթ եւ «Վանայ Ձայն» ռատիօկայան։