Հանրապետութեան նախագահ Ռեճեփ Թայյիպ Էրտողան երէկ յայտարարեց, որ Թուրքիա հաշտ աչքով չի դիտեր Ֆինլանտիոյ եւ Շուէտի ՆԱԹՕ-ի անդամակցութեան հեռանկարը։
Ռուսաստան-Ուքրայնա պատերազմի մթնոլորտին մէջ մերձակայ շարք մը երկիրներ մտահոգութեան մատնուած են՝ Ռուսաստանի թիրախը դառնալու հաւանականութեան բերումով եւ ստեղծուած իրավիճակին մէջ սկսած են մտածել դաշինքին անդամակցելու մասին։
Լոյսը կեանք է, միանշանակ։ Ուր որ կը թափանցէ լոյսը՝ այնտեղ կը ներգործէ կեանքը։ Առանց լուսաւորութեան չկայ կենսունակութիւն։
Հայաստանի, Ռուսաստանի եւ Ատրպէյճանի արտաքին գործոց նախարարներուն միջեւ տեսակցութիւն:
Երեւան-Մոսկուա-Պաքու առանցքին վրայ դիւանագիտական երթեւեկը թափ կը ստանայ՝ բախտորոշ օրակարգով:
ԺԻՐԱՅՐ ՉՈԼԱՔԵԱՆ
Ապրիլ 6-ին, երկրորդ անգամ ըլլալով՝ Եւրոպական խորհուրդի նախագահ Շարլ Միշելի միջնորդութեամբ տեղի ունեցան Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ ուղղակի բանակցութիւններ։ Եւրոպական խորհուրդի այս նախաձեռնութիւնը արդեօք նախերգա՞նք է ԵԱՀԿ-ի Մինսքեան խմբակի թաղման արարողութեան։
Վաքըֆներու խորհուրդի մօտ փոքրամասնութեանց ներկայացուցիչ Ճան Ուսթապաշը ԺԱՄԱՆԱԿ-ին յայտնեց, որ համայնքային վաքըֆներու առկախեալ ընտրութեան հարցին լուծումը քիչ մը եւս ժամանակի կրնայ կարօտիլ։ Մօտաւոր անցեալին Իզմիրի մէջ փոքրամասնութիւններու վերաբերեալ կազմակերպուած աշխատաժողովի մը ընթացքին Ուսթապաշը տեղեկացուցած էր, որ պատրաստուած նոր կանոնադրութեան նախագիծը իրեն ցոյց տրուած է եւ ինք պատկան մարմիններու նկատառման յանձնած է որոշ դիտարկումներ։
ՍԱԳՕ ԱՐԵԱՆ
Փոքր հարցումներով չէ, որ պիտի սկսիմ այս նիւթին, որովհետեւ մեր ժողովուրդին համար իսկապէս գոյութենական մեծ ժամանակներ կ՚ապրինք։ Ու մեծ իրադարձութիւններու առընթեր ամենէն աւելի թիրախ կը դառնայ մեր գոյութիւնը, որ նետուած է համայնակուլ աշխարհի մը մէջ։
Տքթ. Հրաչ Չիլինկիրեանի վերահսկողութեան ներքեւ աշխարհի հայաշատ կեդրոններէն ներս հետազօտական աշխատանք կ՚իրականացուի հաւաքական տրամադրութիւններու, մտածելակերպի եւ առաջնահերթութիւններու յստակեցման տեսակէտէ։
Հայաստանի վարչապետ Նիկոլ Փաշինեան երէկ տեղեկացուց, որ յառաջիկայ շրջանին Երեւանի եւ Պաքուի միջեւ շարք մը շփումներ կը նախատեսուին։ «Յառաջիկային կը նախատեսուի մեր ներկայացուցիչներու հանդիպումը սահմանազատման, սահմանագծման հարցով եւ արտաքին գործոց նախարարները հանդիպում կ՚ունենան», երէկ յայտնեց Նիկոլ Փաշինեան Հոլանտայի Միջազգային յարաբերութիւններու կաճառէն ներս ունեցած ելոյթին ժամանակ։
Դժուար է բազմութեան մէջ, երբեմն նաեւ տհաճ։ Բարդ է ընթանալ բազմութեան մէջ՝ առանց կողմնորոշումը շուարելու։ Բազմութիւնը նման է հոսանքի մը, որուն դէմ թիավարելը կը թուի ըլլալ անկարելի։ Բազմութիւնը մարդը կը շեղէ ուղղութենէն։
Վաքըֆներու շաբթուան ծիրէն ներս, երէկ երեկոյեան, Պէյօղլուի յունաց Ս. Աստուածածին եկեղեցւոյ հիւրընկալմամբ տեղի ունեցաւ փոքրամասնութիւններու վերաբերեալ ձեռնարկ մը։
