Հայաստանի փոխ-վարչապետ Մհեր Գրիգորեան յայտարարեց, որ Երեւանի եւ Մոսկուայի այս շրջանի համատեղ ջանքերը ուղղուած են ռազմավարական համագործակցութեան նոր հեռանկարային ոլորտներու բացայայտման։ «Արմէնփրէս»ի հաղորդումներով, Ռուսաստանի օրուան առթիւ Երեւանի մէջ այդ երկրի դեսպանութենէն ներս կազմակերպուած ձեռնարկին մասնակցեցաւ Մհեր Գրիգորեան, որ հանդէս եկաւ շնորհաւորական խօսքով մը։
Հայց. Առաքելական Եկեղեցւոյ Հիւսիսային Ամերիկայի Արեւմտեան թեմէն ներս յոբելենական շրջան:
Մարզական ծրագիրէն վերջ Թեմակալ առաջնորդ Տ. Յովնան Արքեպիսկոպոս Տէրտէրեան պատարագեց Ֆրեզնոյի մէջ:
Հայաստանի վարչապետ Նիկոլ Փաշինեան այսօր պաշտօնական այցելութեամբ կը մեկնի Տոհա։ Պաշտօնական աղբիւրներու հաղորդումներով, ան կը հիւրընկալուի Քաթարի բարձրագոյն ղեկավարութեան կողմէ։
«Ինչո՞ւ լուռ ես հոգի՛ս», կը հարցնէ բանաստեղծ Խաչիկ Տէտէեան։
Մարդու հոգին մերթ կ՚ալեկոծի, մերթ կը տխրի, մերթ ովկիանոսի մը նման է, մերթ՝ լճի: Ե՞րբ, ինչպէ՞ս, ինչո՞ւ... Անպատասխան հարցումներու շարան մը պարզապէս։
ՀԱՊԿ-ի անդամ երկիրներու արտաքին գործոց նախարարները ընդունուեցան Նիկոլ Փաշինեանի կողմէ:
Վարչապետը յիշեցուց, որ 2021-ի մայիսէն ի վեր Ատրպէյճանի զօրքերը ներխուժած են Հայաստանի ինքնիշխան տարածքը:
Ամերիկայի Միացեալ Նահանգներու պետական քարտուղարի Եւրոպայի եւ Եւրոասիոյ հարցերով տեղակալ Քերըն Տոնֆրիտ յառաջիկայ շաբթուայ սկիզբին ուղեւորութեան մը պիտի ձեռնարկէ դէպի Հարաւային Կովկաս։ Այսպէս, 14-19 յունիսին ան իրերայաջորդ պիտի այցելէ Ատրպէյճան, Վրաստան եւ Հայաստան։
«Կոմիտաս» ազգային քառեակի բացառիկ համերգը խոր տպաւորութիւն գործեց ներկաներուն վրայ թէ՛ գեղարուեստական որակով եւ թէ բարձր տրամադրութեամբ:
Սեւծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցչութեան հիմնադրութեան 20-ամեակը նշուեցաւ փառաշուք հանդիսութիւնով մը:
Սահակ Սարգսեան-Արփինէ Աւդալեան ամոլը CRR-ի երդիքին տակ երէկ շատ ջերմ մթնոլորտի մը մէջ հիւրընկալեց շուրջ հազար հանդիսատես՝ ներառեալ ՍԾՏՀԿ-ի ընդհանուր քարտուղար դեսպան Լազար Քոմանեսքուն, Արտաքին գործոց նախարարութեան Իսթանպուլի ներկայացուցիչ դեսպան Սալիհ Մուրատ Թամէրը եւ Ամենապատիւ Սրբազան Պատրիարք Հայրը:
Շնորհակալութիւն կը յայտնեմ ներկայ գտնուելու եւ սոյն երեկոն մեզի հետ կիսելու համար։ Աւելի քան 20 տարի առաջ Հայաստանը Իսթանպուլի մէջ հիմնեց Սեւծովեան տնտեսական համագործակցութեան (ՍԾՏՀ) կազմակերպութեան մօտ իր մշտական ներկայացուցչութիւնը՝ կարեւորելով տարածաշրջանային տնտեսական համագործակցութեան ամրապնդումն ու յառաջխաղացումը։
Նախ կ՚ուզեմ շնորհակալութիւն յայտնել կազմակերպիչներուն Սեւծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան մշտական ներկայացուցչութեան հիմնադրման 20-ամեակին նուիրուած մշակութային այս յատուկ ու ողջունելի ձեռնարկին հրաւիրուած ըլլալու համար։
Մեծն Կոմիտասի խորհուրդով համակուած ենք այս երեկոյեան բոլորս։ Եզակի երեկոյթի մը մասնակիցներն ենք՝ եթէ ոչ պատմական իրադարձութեան մը։
Սեւծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցչութիւնը ահա՛ կը նշէ իր հիմնադրութեան 20-ամեակը։
