Երեւանի մէջ «Հրաչեայ Ղափլանեան» պետական տրամաթիք թատրոնէն ներս երէկ բեմադրուեցաւ «Չուչել» ներկայացումը։ Խաղը պատրաստուած է Վլատիմիր Ժելեզնիքովի «Խրտուիլակը» վէպի հիման վրայ։ Ներկայացման բեմադրիչն է Գրիգոր Խաչատրեան։
Ամերիկահայ «Պայքար» շաբաթաթերթը վերջին թիւին մէջ անդրադարձաւ «ԺԱՄԱՆԱԿ-100» մատենաշարէն լոյս տեսած՝ Թորոս Ազատեանի «Դէպի Էջմիածին. Երթուդարձի նօթեր» գիրքին։ Հայաստանի հեղինակաւոր մտաւորականներէն Երուանդ Տէր-Խաչատուրեան գրախօսական մը ստորագրած է՝ «ԺԱՄԱՆԱԿ-100» մատենաշարի պատասխանատու, բանասէր Սեւան Տէյիրմենճեանի կողմէ հրատարակութեան պատրաստուած գիրքին մասին։
Թրքահայութեան ուշադրութիւնը այս շաբաթավերջին կեդրոնացած՝ Տիարպաքըրի Սուրբ Կիրակոս եկեղեցւոյ օծման ու պաշտամունքի վերաբացման արարողութիւններուն վրայ, որոնց մասնակցութիւն կը բերեն նաեւ պետական աւագանիէն բարձրաստիճան ներկայացուցիչներ:
Կիրակի պատարագելէ վերջ Ամեն. Ս. Պատրիարք Հայրը յառաջիկայ շաբթուան կէսին պիտի վերադառնայ իր Աթոռը:
Հայաստանի Անվտանգութեան խորհուրդի քարտուղար Արմէն Գրիգորեան յայտարարեց, որ Ատրպէյճանի հետ սահմաններու յստակեցման հարցերով երկկողմանի յանձնաժողովին վերաբերեալ քննարկումները կը շարունակուին։
Հայաստանի «FlyOne Armenia» ընկերութիւնը, որ կ՚իրականացնէ Երեւան-Իսթանպուլ ուղիղ թռիչքները, երէկ տեղեկացուց, թէ Թուրքիա չէ թոյլատրած, որ իր օդային տարածքով այդ նոյն ընկերութիւնը չուերթներ կատարէ դէպի Եւրոպա։
Առաջին նախագահ Լեւոն Տէր-Պետրոսեան հրապարակեց «Ապացուցուածը եւ անապացուցելին» խորագրեալ յօդուած մը՝ անդրադառնալով Հայաստանի ներքին քաղաքական կեանքի առկայ ալեկոծումներուն:
«Առճակատումը ո՛չ թէ կ՚ուժեղացնէ, այլ աւելի կը թուլացնէ երկրի դիրքերը յառաջիկայ դժուարագոյն բանակցութիւններուն մէջ»:
Հայկական բարեգործական ընդհանուր միութեան (ՀԲԸՄ) Կեդրոնական վարչութեան անդամներէն տքթ. Երուանդ Զօրեան, որ նաեւ հիմնադիրն է Հայկական համացանցային համալսարանին, մասնակցեցաւ Պէյրութի «Ազդակ» օրաթերթին կողմէ կազմակերպուած առցանց լսարանին։
Երեւանի Սենեկային թատրոնէն ներս սկսած է ներկայացումներու շարք մը, որ թատերասէրներու անմիջական հետաքրքրութեան առարկայ կը դառնայ։ «Քուլիսներու մէջ կամ թատրոնի անաթոմի» անուն թատերախաղին առաջին ներկայացումը տեղի ունեցաւ նախընթաց օր՝ խանդավառութեան առիթ դառնալով գեղարուեստասէրներու մօտ։
Յայտնի լուսանկարիչ Ռիչըրտ Սիլվըր կը ճամբորդէ աշխարհով մէկ՝ նկարելով զանազան երկիրներու գրադարանները։ Ան Նիւ Եորքէն ճամբորդական ծանօթ լուսանկարիչ մըն է եւ այցելած է աւելի քան 94 երկիր։
29 ապրիլին ամբողջ աշխարհի մէջ կը նշուի Համաշխարհային պարի օրը, որուն 1982 թուականին առաջին անգամ նախաձեռնուած է Պամաշխարհային պարի կոմիտէի կողմէ։ Այս տօնը ձօնուած է արդի պալէի հիմնադրին՝ Ժան-Ճորճ Նուվերի ծննդեան օրուան։
