Լրահոս

Փարիզի «Նոր Յառաջ»ին մէջ կը կարդանք.-
Ֆրանսահայ համայնքը կը սգայ իր երէց սերունդէ սիւներէն մէկուն կորուստը. ոչ եւս է Անթուան Պաղտիկեան, որ մահացած է օգոստոսի 26-ի գիշերը։ 

Բովանդակ Թուրքիոյ մէջ արտասովոր խանդավառութեամբ այսօր կը նշուի 30 Օգոստոսի տօնը։ Մեծ յաղթանակի տարեդարձը կը զուգադիպի Թուրքիոյ Հանրապետութեան հիմնադրութեան դարադարձին։ Սա հարիւր տարի առաջ Հանրապետութեան հիմնադիր Մեծն Աթաթիւրքի եւ զինակից ընկերներուն կողմէ տարուած յաղթանակի իմաստին եւ արժէքին նորովի գնահատման առիթ կը դառնայ։

Քրիստոնեայ-իսլամ երկխօսութեան հետամուտ խորհրդաժողով. մէ՛կ աշխարհ, մէկ ընտանիք, մէկ ապագայ:
Ատրպէյճանի շէյխիւլիսլամը մասնակցեցաւ Իսթանպուլի մէջ Յունաց Պատրիարքարանին կողմէ կազմակերպուած ձեռնարկին:

Մաքրոն զրուցեց Փաշինեանի եւ Ալիեւի հետ՝ մինչ Փարիզ հետզհետէ իրերը կը բնորոշէ իրենց անունով:
Պաշարեալ Արցախի ժողովուրդը փակեց Աղտամ-Ստեփանակերտ ճամբան՝ մերժելով Պաքուէն ուղարկուած ալիւրը:

Հանրապետութեան նախագահ Ռեճեփ Թայյիպ Էրտողան յառաջիկայ երկուշաբթի՝ սեպտեմբերի 4-ին Սոչիի մէջ պիտի ընդունուի Ռուսաստանի նախագահ Վլատիմիր Փութինի կողմէ։

Ատրպէյճանի նախագահ Իլհամ Ալիեւի աշխատակազմի արտաքին յարաբերութիւններու բաժանմունքի պետ Հիքմէթ Հաճիեւ BBC-ին տուած հարցազրոյցին մէջ ուշագրաւ յայտարարութիւններ ըրաւ պաշարեալ Արցախի վիճակին շուրջ։

ԱՔ կուսակցութիւնը կը պատրաստուի համագումարի։ Այսպէս, կուսակցութեան ընդհանուր ժողովը պիտի գումարուի հոկտեմբերի 7-ին։
«Մեր համագումարները որքան որ մեր կուսակցութեան պատմութեան տեսակէտէ յատկանշական են, այնքան ալ թրքական ժողովրդավարութեան համար անկիւնաքարեր կը սահմանեն։ 

Ամերիկայի Միացեալ Նահանգներու առեւտուրի նախարար Ճինա Ռէյմոնտօ այս օրերուն կ՚այցելէ Չինաստան։ Քառօրեայ ուղեւորութեան ծրագրի առաջին փուլը կը հանդիսանան Փեքինի իր շփումները։

Մաքրոն կը պատրաստուի այս փուլին դարձեալ շփման մէջ անցնիլ Փաշինեանի եւ Ալիեւի հետ:
Պաքու հակազդեց Փարիզէն հնչած յայտարարութիւններուն՝ անընդունելի համարելով ճնշումներու լեզուն:

Պաշարեալ Արցախի մէջ զգայացունց իրադարձութիւնները կը շարունակուին բոլոր հարթութիւններու վրայ։ Ատրպէյճանի զինեալ ուժերու ստորաբաժանումները մէկ կողմէ կը կրակեն՝ սովամահութեան եզրին հասած բնակչութեան վրայ, իսկ միւս կողմէ այդ երկրի պաշտօնական աղբիւրները ապատեղեկատուութիւններ կը տարածեն՝ հայկական կողմէն հրադադարի խախտումներու մասին։