Հանրապետութեան նախագահ Ռեճեփ Թայյիպ Էրտողան յայտարարեց, որ Կովկասէ ներս նոր խաղերու հետամուտ են անոնք, որոնք ջանացին Կիպրոսի թուրքերը շրջափակումներով ետ կասեցնել իրենց արդար դատէն։
Նախագահ Էրտողան երէկ, Անգարայի մէջ գլխաւորեց կառավարութեան ժողովը, որու աւարտին յայտարարութիւններով հանդէս եկաւ Պեշթեփէի համալիրէն ներս։
Անգլիոյ Եւրոպայի հարցերով նախարար Լէօ Տոքերթի երէկ շփումներ ունեցաւ Երեւանի մէջ, ուր հիւրընկալուեցաւ ամենաբարձր մակարդակի վրայ։ Ընկերային ցանցերու վրայ ան գրառումով մը ուրախութիւն յայտնեց՝ դէպի Հարաւային Կովկաս իր ուղեւորութեան մեկնարկին կապակցութեամբ։
Հարաւային Կովկասի գծով Եւրոմիութեան յատուկ ներկայացուցիչ Թոյվօ Քլաար յայտարարեց, որ Հայաստանի տարածքով որեւէ ճանապարհ պէտք է վերահսկուի նոյնինքն Հայաստանի կողմէ։
Եւրոպացի պաշտօնատարը «Արմէնփրէս»ին տուած բացառիկ հարցազրոյցին մէջ անդրադարձաւ Հարաւային Կովկասէ ներս հաղորդակցութիւններու ապաշրջափակման հեռանկարներուն։
«Ակօս» շաբաթաթերթի հիմնադիր, նահատակեալ լրագրող Հրանդ Տինքի ոճրագործը՝ Օկիւն Սամաստ թէեւ բանտէն դուրս եկած է, սակայն, ըստ վերջին իրադարձութիւններուն, դժուար թէ կարողանայ այդպէս շարունակել։ Տեղական մամուլի հաղորդումներով, Օկիւն Սամաստ բանտէն դուրս գալով պահ մը կարծած է, թէ այլեւս փրկուած է, սակայն ներկայիս նոր մեղադրանքներու, հետեւաբար նաեւ նոր դատավարութեան մը դէմ յանդիման կը գտնուի։
«The Armenian Mirror-Spectator» անգլիատառ շաբաթաթերթը թեւակոխած է իր հիմնադրութեան 90-ամեակը:
Պոստոնի մէջ կազմակերպուած փայլուն ձեռնարկը համախմբեց ամերիկահայ շրջանակներէն բազմաթիւ հեղինակաւոր դէմքեր: Հանգանակութիւն ալ կատարուեցաւ՝ Արցախէն տարհանեալներու կարիքներու դիմագրաւման ֆոնտին համար:
Երեւանի մօտ հաւատարմագրուած խումբ մը դեսպաններ վերջերս այցելեցին Մատենադարան, ուր կատարեցին շրջայց մը, որու ընթացքին ծանօթացան մշտական ու ժամանակաւոր ցուցադրութիւններուն։ Օտարերկրեայ դիւանագէտները մասնաւոր ուշադրութեան առարկայ դարձուցին Մատենադարանի վերականգնման բաժինն ու արխիւային վաւերագրերու պահոցը։
Շաբաթավերջին Օսմանպէյի մէջ յարգանքի ցոյց մը տեղի ունեցաւ՝ ի յիշատակ նահատակեալ լրագրող-հրապարակագիր Հրանդ Տինքի։ Իր հիմնադրած «Ակօս»ի նախկին խմբագրատան շէնքին առջեւ, հանրահաւաքի մը ձեւաչափով նախատեսուած էր այս ցոյցը, որու մասնակիցները իրենց բողոքի ձայնը բարձրացուցին՝ Հրանդ Տինքի ոճրագործին՝ Օկիւն Սամաստի բանտէն ազատ արձակուելուն դէմ։
ԵԱՀԿ-ի Խորհրդարանական վեհաժողովին նստաշրջանը շաբաթավերջին տեղի ունեցաւ Երեւանի մէջ:
Ըստ Նիկոլ Փաշինեանի, Հայաստան եւ Ատրպէյճան տակաւին կը խօսին դիւանագիտական ամենատարբեր լեզուներով:
Հայաստանի արտաքին գործոց նախարար Արարատ Միրզոյեան վերջին օրերուն աշխատանքային այցելութիւն մը տուաւ Պահրէյն, ուր մասնակցեցաւ Մանամայի երկխօսութեան գագաթաժողովին։ Ռազմավարական ուսումնասիրութիւններու միջազգային կաճառին կողմէ կազմակերպուած այս հաւաքոյթը համախմբեց աշխարհի բազմաթիւ երկիրներէն ղեկավարներ եւ բարձրաստիճան պաշտօնատարներ։ Արարատ Միրզոյեան այս հաւաքոյթի ընթացքին ներկայացուց՝ Հայաստանի կառավարութեան կողմէ մշակուած «Խաղաղութեան խաչմերուկ» ծրագիրը։
Երեւանի «Առնօ Բաբաջանեան» սրահի երդիքին տակ շաբաթավերջին տեղի ունեցաւ սփիւռքահայ հասարակական գործիչ ու գրող Վիգէն Յովսէփեանի բանաստեղծութիւններու առաջին գիրքին շնորհանդէսը։ Ամերիկայի Միացեալ Նահանգներու մէջ կը բնակի Վիգէն Յովսէփեան, որու բանաստեղծութիւններու ժողովածոն կը կոչուի՝ «Աստղերու հաւատքով»։
