Երէկ, Պէյօղլուի մէջ, Իսթանպուլի մօտ Յունաստանի աւագ հիւպատոսութեան մշակոյթի կեդրոնին՝ «Շիշմանօղլու» ապարանքին մէջ բացուեցաւ լուսանկարչական եզակի ցուցահանդէս մը, որ այս օրերուն անմիջական ուշադրութեան կ՚արժանանայ։
Հայաստանի վարչապետ Նիկոլ Փաշինեան յայտարարեց, որ խաղաղութիւնը կը պահանջէ առաջնորդութիւն եւ անկեղծ քաղաքական քաջութիւն։ «Ես եւ իմ գլխաւորած կառավարութիւնը յանձնառու ենք մեր տարածաշրջանէն ներս հակամարտութեան էջը փակելու», յայտնեց Նիկոլ Փաշինեան Նիւ Եորքի մէջ՝ ՄԱԿ-ի անվտանգութեան խորհուրդէն ներս կազմակերպուած՝ «Առաջնորդութիւն յանուն խաղաղութեան. ՄԱԿ-ի կանոնադրութեան շուրջ համախմբուած, անվտանգ ապագայի որոնումներով» խորագրեալ քննարկման ընթացքին։
Նիւ Եորքի մէջ այսօր տեղի կ՚ունենայ Հայաստանի արտաքին գործոց նախարար Արարատ Միրզոյեանի, Ամերիկայի Միացեալ Նահանգներու պետական քարտուղար Էնթընի Պլինքընի եւ Ատրպէյճանի արտաքին գործոց նախարար Ճէյհուն Պայրամովի հանդիպումը։
Թուրքիոյ եւ Ատրպէյճանի միջեւ երէկ ստորագրուեցաւ՝ ռազմաթեքնիք համագործակցութեան ուղղեալ հերթական համաձայնագիրը։ Անգարա եւ Պաքու կը շարունակեն թափով համագործակցիլ այս բնագաւառէն ներս։
Թուրքիա-Հայաստան յարաբերութիւններու բնականոնացման գործընթացէն ներս ղեկավարներու հերթական շփում:
Նախագահ Ռեճեփ Թայյիպ Էրտողան եւ վարչապետ Նիկոլ Փաշինեան պատրաստակամ են նոր ազդակ հաղորդելու Անգարա-Երեւան կարգաւորման գործընթացին, որ յառաջ կը տարուի առանց նախապայմաններու՝ նկատի ունենալով տարածաշրջանի իրադրութիւնը:
Սեւծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան մշտական ներկայացուցիչ Նաիրի Պետրոսեան երէկ հանդիպում մը ունեցաւ «Pegasus» օդային ընկերութեան գլխաւոր գործադիր տնօրէնուհի Կիւլիզ Էօզթիւրքի հետ։
Իսթանպուլի կուսակալ Տաւուտ Կիւլ երէկ հիւրընկալեց Սեւծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան մշտական ներկայացուցիչ Նաիրի Պետրոսեանը։
ՄԱԿ-ի ընդհանուր ժողովի 79-րդ նստաշրջանը արդէն սկսած է։ Համաշխարհային կազմակերպութեան Նիւ Եորքի կեդրոնէն ներս ներկայիս նոր նստաշրջանի բացման առթիւ ստեղծուած է աշխոյժ մթնոլորտ։ Ինչպէս ամէն տարի, այս տարի եւս սեպտեմբեր ամսուան երկրորդ կէսը կը բնորոշուի ՄԱԿ-ի նոր նստաշրջանի բացման բարձր մակարդակի իրադարձութիւններով։
Հանրապետութեան նախագահ Ռեճեփ Թայյիպ Էրտողան համոզուած է, թէ Հայաստանին եւ Ատրպէյճանին կարեւոր բախտ մը վիճակած է։
Նախագահ Էրտողան այս օրերուն Նիւ Եորքի մէջ կը գտնուի՝ մասնակցելու համար ՄԱԿ-ի նոր նստաշրջանի բացման փուլի բարձր մակարդակի ձեռնարկներուն։
Ամերիկահայ գիտնական, ձեռներէց եւ ազգային բարերար Նուպար Աֆէեանի եւ ընտանիքին կողմէ հիմնադրուած համանուն՝ «Աֆէեան» հիմնադրամը ելմտական օժանդակութիւն տրամադրած է՝ Արցախէն տեղահանեալ ընտանիքներուն։
