Եշիլգիւղի Ս. Ստեփանոս եկեղեցւոյ թաղային խորհուրդի ատենապետ Հապիպ Էօզֆուրունճու երէկ յայտնեց, որ թաղի վարժարանին համար մշտական հասոյթներ ապահովելու նպատակէն առանց շեղելու կը շարունակուին իրենց աշխատանքները։ Ատենապետ Հապիպ Էօզֆուրունճու յայտնեց, որ Եշիլգիւղի ընտանիքը յամառ պայքար կը մղէ՝ եկեղեցապատկան կալուածներու արդիւնաւէտ ու նպատակասլաց արժեւորման միջոցաւ այդ նպատակին հասնելու առաջադրութեամբ։
Թրքահայ ուսուցչաց հիմնարկը ներկայ վերամուտի շրջանին պատանի ընթերցողներու սեղանին վրայ դրած է նոր հեքիաթագիրք մը, որ կը կոչուի «Ատէն»։ Մեր համայնքի համալսարանականներէն Սարին Պայրամի կողմէ հեղինակուած տասն հեքիաթ կը բովանդակէ այս գիրքը։
Վաքըֆլըգիւղի Ս. Աստուածածին եկեղեցւոյ մէջ, շաբաթավերջին նշուեցաւ Խաչվերացի տօնը։ Այս առթիւ պատարագեց տեղւոյն հոգեւոր հովիւը՝ Տ. Աւետիս Քհնյ. Թապաշեան, որ խօսեցաւ նաեւ խրատական մը։
Շիշլի մարզակումբի վարչութիւնը միշտ զգայնութիւն կը դրսեւորէ մօտաւոր անցեալի նուիրեալներու յիշատակին նկատմամբ երախտագիտական թերացում չունենալու ուղղութեամբ։ Այս ամբողջին մէջ շաբաթավերջին Գնալը կղզիի մէջ մրցաշարք մը կազմակերպուեցաւ ի յիշատակ հոգելոյս Ղազարոս Ունանի, որ Շիշլի մարզակումբի պատուոյ ատենապետը եղած էր։
Համակրելի մեներգչուհի Սիպիլ, որու արուեստը միշտ լայն տարածում կը գտնէ եւ համատարած ուշադրութեան առարկայ կը դառնայ, ներկայիս հանդէս կու գայ համայն աշխարհին ուղղեալ խաղաղութեան ու արդարութեան կոչով։ Աշխարհի վրայ մոլեգնող պատերազմներու եւ ցեղասպանութիւններու համայնապատկերին վրայ ան խիստ անհրաժեշտ համարած է խաղաղութեան եւ մարդասիրական գաղափարներու դրսեւորումները գեղարուեստի մէջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ այցելեց Պէյօղլուի Ս. Երրորդութիւն եկեղեցին, որ հիմնական վերանորոգութենէ կ՚անցնի այս շրջանին։ Ամեն. Ս. Պատրիարք Հօր ընկերացաւ Կրօնական ժողովի ատենապետ, Պատրիարքական Աթոռի լուսարարապետ ու դիւանապետ Տ. Թաթուլ Ծ. Վրդ. Անուշեան։
«Արաս» հրատարակչութիւնը ընթերցողներու տրամադրութեան տակ դրած է դարձեալ շահեկան ու հետաքրքրական գործ մը, որու հեղինակն է գրող ու ազատ լրագրող Մելինէ Թումանի։ «Թուրքերն ու հայերը. ճանապարհորդութիւն մը հաւանականութիւններու եւ ատելութեան միջեւ» խորագրեալ Մելինէ Թումանիի անգլերէն գիրքի թրքերէն թարգմանութիւնն է այս մէկը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ, Պատրիարքարանի մէջ ընդունեց Գումգաբու Դրսի Ս. Յարութիւն եկեղեցւոյ թաղային խորհուրդի անդամները՝ գլխաւորութեամբ ատենապետ Արուշ Թաշի։ Անոնց միացած էր նաեւ եկեղեցւոյ հոգեւոր հովիւ Տ. Նաթան Քհնյ. Արապեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Մեծի Տանն Կիլիկիոյ Կաթողիկոսութեան Հիւսիսային Ամերիկայի Արեւմտեան թեմի առաջնորդ Տ. Թորգոմ Եպսկ. Տօնոյեանը։ Հարկ է նշել, որ հիւր սրբազանը միօրեայ այցելութեամբ կը գտնուէր Պատրիարքարանի մէջ։
Կէտիկփաշայի «Հրանդ Տինք» վարժարանը, որ մասնաւոր առաքելութիւն եւ առանձնայատուկ դիրք մը ունի պոլսահայ կրթական համակարգէն ներս, 2021-2022 կրթական շրջանին եւս վերաբացած է իր դռները։ Ներկայ վերամուտին խանդավառ մթնոլորտ կը տիրէ դպրոցէն ներս։
