Շիշլի մարզակումբի ճատրակի խումբը վերջերս չորրորդ հանդիսացաւ՝ Իսթանպուլի մէջ կազմակերպուած մրցաշարքի մը արդիւնքով։ Ակումբի աստղերու եւ փոքրերու կազմերը այս արդիւնքով մեծ խանդավառութիւն պարգեւեցին Շիշլիի ընտանիքին։
Ամեն. Ս. Պատրիարք Հօր գահակալութեան շրջանին Գումգաբուի մէջ առաջին տաղաւարի աւանդական ընդունելութիւնը՝ համավարակի ժամանակահատուածին:
Ն.Ա.Տ. Սահակ Բ. «Մեսրոպեան այբուբենը մեր դրօշակն է»:
Նորին Ամենապատուութիւնը համոզուած է, թէ համայնքային առկախեալ ընտրութիւններու հարցի պարագային պէտք չէ պաղ ջուր լեցնել եփած ճաշին վրայ՝ նախքան վերջնական որոշումներու տրուիլը. «Ի վերջոյ չմոռնանք, որ այս իշխանութիւնը Հանրապետական շրջանին մեզի նկատմամբ ամենէն լաւ վարուած իշխանութիւնն է ու կրնայ չնախընտրել մեզ յուսախաբել»:
Ամեն. Ս. Պատրիարք Հայրը Գումգաբուի երէկուան ընդունելութեան ընթացքին առաջնահերթօրէն անդրադարձաւ այն մարտահրաւէրներուն եւ դժուարութիւններուն, զորս այս շրջանին կը դիմագրաւէ պոլսահայ մամուլը։ «Հայ մամուլը շատ տուժած է համավարակի շրջանին՝ հակառակ, որ շատ էական դեր մը ունի մեր հաւաքական կեանքէն ներս։
Շիշլի մարզակումբի ընտանիքը Ս. Յարութեան տօնը ողջունեց ջերմ մթնոլորտի մը մէջ։ Վարչութիւնը ձմրան դասընթացքներու մասնակից պատանի մարզիկներուն բաժնեց զատկական աւանդական կարմիր հաւկիթներ:
Մեծ աւետիսը մեր Տիրոջ եւ Փրկչի հրաշալի Յարութեան, մեր սիրտը վերստին կը լեցնէ լոյս զգացումներով ու սուրբ սպասումներով: Աստուած իր ամենասքանչելի գործը կատարած է՝ Միածին Որդին աշխարհ ղրկելով, որպէսզի իր ստեղծած մարդուն մեղքերու քաւութեան համար ա՛ն պատժուի
ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ
Ի Քրիստոս հաւատացեալներ Ճրագալոյցի Սուրբ Պատարագ մատուցուած ժամէն սկսեալ քառասուն օրեր շարունակ այս կենսաւէտ բառերով պիտի ողջունեն զիրար, որ իսկութեան մէջ Տիրոջ հրեշտակէն փոխանցուած աւետիսն է «իւղաբեր եւ սուրբ կիներուն», որոնք «ողբալով փութապէս եկած էին Տիրոջ գերեզմանին» այցելութեան, առանց գիտնալու, թէ այդ գերեզմանը առժամեայ բնակարան մըն էր իրենց այնքան սիրած Վարդապետին համար։
Երէկ, յետմիջօրէի ժամերուն Ոտնլուայի արարողութիւն տեղի ունեցաւ Ղալաթիոյ Ս. Գրիգոր Լուսաւորիչ եկեղեցւոյ մէջ։ Տ. Շիրվան Քհնյ. Միւրզեան արարողութեան ընթացքին լուաց Կեդրոնական վարժարանէն խումբ մը սաներու ոտքերը։
Սամաթիոյ Ս. Գէորգ եկեղեցւոյ մէջ երէկ յետմիջօրէին Ոտնլուայի կարգը տեղի ունեցաւ՝ հանդիսապետութեամբ Տ. Յարութիւն Աբեղայ Տամատեանի։ Ներկայ էր նաեւ հոգեւոր հովիւ Տ. Զօհրապ Քհնյ. Ճիվանեան։ Երգեցողութիւնները կատարուեցան Սահակեան դպրաց դաս-երգչախումբի անդամներուն կողմէ՝ ղեկավարութեամբ Գէորգ Սրկ. Ներկիզի։
Կէտիկփաշայի «Հրանդ Տինք» դպրոցին մէջ տեղի ունեցաւ «Գարուն» մանկապարտէզի սաներու հանդէսը, որով ստեղծուեցաւ մեծ ոգեւորութիւն։ Աւետման տօնին, Մայրութեան ու գեղեցկութեան օրուան առթիւ կազմակերպուած ձեռնարկ մըն էր այս մէկը։
Երէկ յետմիջօրէին, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Գումգաբուի մէջ մէկտեղուեցաւ Պատրիարքարանի անձնակազմին հետ։ Դահլիճի երդիքին տակ ջերմ մթնոլորտի մը մէջ անձնակազմի անդամները Ամեն. Ս. Պատրիարք Հօր շնորհաւորութիւններ յղեցին Ս. Զատկի տօնին առթիւ։
