Կը տեղեկանանք, որ «Յանկարծ» թատերախումբը կը պատրաստուի ներկայացումներու յատկանշական շարքի մը։ Այսպէս, թատերախումբը յառաջիկայ շրջանին պիտի ներկայացնէ ամերիկահայ մեծանուն գրող Ուիլիըմ Սարոյեանի անգլերէն գործի հիման վրայ խաղ մը՝ «Սիրտս լեռներուն մէջ է» անուանումով։
Հանրապետութեան նախագահ Ռեճեփ Թայյիպ Էրտողան 24 Ապրիլի առթիւ հրապարակած է պատգամ մը՝ շարունակելով շուրջ 10 տարիէ ի վեր ձեւաւորուած նախընթացը։ Ստորեւ կը ներկայացնենք Հանրապետութեան նախագահ Էրտողանի պատգամը, զոր հասցէագրուած է Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Պատրիարքարանի մէջ ընդունեց Թուրքիոյ Կաթողիկէ հայոց վիճակաւոր Տ. Լեւոն Արք. Զեքիեանը, որու կողքին էր Տ. Աբրահամ Ծայրագոյն Վարդապետ Ֆրատեան։
Երկաշարժէն ցնցուած Հաթայի մէջ երէկ յատկանշական իրադարձութիւն մը ապրուեցաւ։ Լրջօրէն աւերուած քաղաքին մէջ սարքուեցաւ միասնականութեան սեղան մը։ Իսլամական աշխարհը ներկայիս Ռամազանի ծոմապահութեան շրջանին մէջ կը գտնուի։
Իսլամական աշխարհի Ռամազանի տօնին առթիւ, ըստ ընկալեալ սովորութեան, թերթս կարճ դադար մը կ՚առնէ՝ ապահովելու համար մեր անձնակազմի մահմետական անդամներուն հանգիստը։ Ուստի յառաջիկայ երկու օրերուն թերթս պիտի չհրատարակուի եւ անոր վրայ պիտի գայ աւելնալ շաբաթավերջի ընթացիկ դադարը։
Երէկ երեկոյեան «Galeri Bir Zamanlar»ի երդիքին տակ, Նշանթաշը, բացուեցաւ եզակի ցուցահանդէս մը։ «100 տարի առաջ Անթաքիա, Իսքենտէրուն եւ Մուսա տաղ» խորագրեալ այս ցուցահանդէսը բաց պիտի մնայ մինչեւ յունիսի 10-ը։
Թրքահայ ազգային-եկեղեցական կեանքէն ներս փափաքներու եւ հնարաւորութիւններու խաչմերուկին որոնում:
Պատրիարքարանէն յանձնախումբ մը Վաքըֆլըգիւղ պիտի մեկնի՝ աղէտեալներու կարիքներու ստուգման համար:
Գոհունակութեամբ կը տեղեկանանք, որ այս օրերուն քաղաքս կ՚այցելէ ամերիկահայ յայտնի ազգային գործիչ Սարօ Մարուքեան։ Այս վերջինը նախկին պոլսահայ մըն է, երկար տարիներէ ի վեր բնակութիւն հաստատած է Լոս Անճելըսի մէջ։
Երէկ, հաճոյքն ունեցանք խմբագրատանս մէջ հիւրընկալելու Սամաթիոյ Սահակեան-Նունեան լիսէի աշակերտներէն Պիանքա Կիրէկէօզօղլուն, Էֆթելիա Պալճըն եւ Արի Սիվազլըն՝ գլխաւորութեամբ իրենց ուսուցչուհիներէն Լիանա Պենլիի եւ Ժպտուն Զուռնաճըի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ ընդունեց Պաքըրգիւղի Ծնունդ Ս. Աստուածածնի եկեղեցւոյ թաղային խորհուրդի ներկայացուցիչները՝ գլխաւորութեամբ ատենապետուհի Մարի Եանճըի։
