Թրքահայ կեանք

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Էսաեան սանուց միութեան «Մարալ» երգի-պարի համոյթի անդամները, որոնք այս շրջանին մեկնած են Հայաստան։ Մարալցիները, որոնք Համահայկական 8-րդ խաղերու բացման ելոյթ ունենալու համար Հայաստանի մէջ կը գտնուին, ուխտի այցելութիւն մը տուին համայն հայութեան հոգեւոր կեդրոնին, որու խորախորհուրդ մթնոլորտի իսկական ներշնչման առիթ մը դարձաւ իրենց համար։

Գնալը Կղզիի Ս. Գրիգոր Լուսաւորիչ եկեղեցւոյ մէջ Ս. Աստուածածնայ ուխտի շաբթուան ծիրէն ներս, երէկ տեղի ունեցաւ Հայ երաժշտութեան երեկոյ, Մարալ Այվազ Չաղլըչուպուքճուի եւ Գերմանիայէն հիւրաբար քաղաքս եկած Առէն Էմիրզէի մասնակցութեամբ։

Գնալը կղզիի Ս. Գրիգոր Լուսաւորիչ եկեղեցիէն խումբ մը հաւատացեալներ շաբաթավերջին այցելեցին Հէյպէլի կղզիի յունաց պատմական վանքը։ Հաւատացեալները գլխաւորեց հոգեւոր հովիւ Տ. Յարութիւն Վրդ. Տամատեան։

Համահայկական 8-րդ խաղերը այսօր արդէն կը սկսին Կիւմրիի մէջ։ Աշխարհի հայ երիտասարդութեան տեսակէտէ՝ այլեւս աւանդական դարձած մեծ ժամադրութիւն մըն է այս մրցաշարքը, որ կը կազմակերպուի ողիմպիականներու տրամաբանութեամբ։

Էսաեան սանուց միութեան «Մարալ» երգի-պարի համոյթը երէկ կէսգիշերին հասաւ Հայաստան։ Իսթանպուլ-Երեւան «Փեկասուս»ի ուղիղ թռիչքով ճամբորդեց խումբը։ Մարալցիները Երեւան հասնելէ վերջ անմիջապէս ուղեւորուեցան Կիւմրի, ուր տեղակայուեցան իրենց պանդոկին մէջ։

BEDROS ŞİRİNOĞLU

Türkiye Ermeni Vakıflar Birliği (ERVAB), Amerika Birleşik Devletleri merkezli bir dizi/film platformu tarafından, Cumhuriyetimiz'in kurucusu Büyük Atatürk'le ilgili bir dizinin yayından kaldırılmasından doğan haklı tepkiyi dikkatle izlemektedir. Bu adımın söz konusu ülkedeki Ermeni toplumu kuruluşlarının girişimleriyle alınmış olması da, konunun bizler açısından bir başka dikkate değer boyutudur.

Երէկ երեկոյեան, Գնալը կղզիի Ս. Գրիգոր Լուսաւորիչ եկեղեցւոյ պարտէզին մէջ տեղի ունեցաւ «Ս. Ներսէս Շնորհալի եւ մեր ժամագիրքը» խորագրեալ բանախօսութիւն մը։ Ձեռնարկի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին հոգեւոր հայրեր։ Երեկոյթի ատենախօսն էր բանասէր Սեւան Տէյիրմենճեան։

Համահայկական 8-րդ խաղերու՝ օգոստոսի 5-ի բացման ընդառաջ, թրքահայ մարզական շրջանակներէն ներս խանդավառութիւնը հասած է գագաթնակէտին։ Երէկ երեկոյեան, Ֆէրիգիւղի «Շիրինօղլու» սրահին մէջ, Համահայկական խաղերու Իսթանպուլի կարգադիր յանձնախումբի նախաձեռնութեամբ կազմակերպուեցաւ մասնաւոր հաւաքոյթ մը, որ պատկառելի տողանցքի մը տպաւորութիւնը ստեղծեց։

Շիշլի մարզակումբի վարչութեան ատենապետ Ալէն Թեքպըչաք եւ գործակից ընկերները երէկ ընդունուեցան Թուրքիոյ ֆութպոլի դաշնակցութեան նախագահ Մեհմէտ Պիւյիւքէքշիի կողմէ։ Հարկ է նշել, որ Շիշլի վերջին երկու եղանակներուն ախոյեան աւարտած է Թուրքիոյ ֆութսալի լիկը։

Երեւանի մէջ այս առաւօտ սկսաւ Ազգային երիտասարդական համաժողովը, որ պիտի շարունակուի մինչեւ հինգշաբթի, օգոստոսի 3-ը։ Համահայկական այս երիտասարդաց համաժողովը տեղի կ՚ունենայ Երեւանի Օփերայի համալիրէն ներս։