Եկեղեցական

Տ.Տ. Գարեգին Բ. Ամենայն Հայոց Կաթողիկոսը շուտափոյթ ապաքինում մաղթեց Հռովմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին, որ վերջերս վիրահատութեան մը ենթարկուեցաւ։

Հայաստանեայց Առաքելական Եկեղեցին երէկ նշեց Ս. Գայանեանց կոյսերու յիշատակութեան տօնը։ Մայր Աթոռ Սուրբ Էջմիածնի մէջ արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ մարտիրոս սրբուհիներու մասունքը ամփոփած Աջով օրհնեց բարեպաշտ ժողովուրդը։

Տ.Տ. Գարեգին Բ. Ամենայն Հայոց Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ երէկ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Երէկ երեկոյեան Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանն ալ ԳՀԽ-ի նստաշրջանին մասնակցելու համար մեկնեցաւ Մայր Աթոռ Սուրբ Էջմիածին:

Երէկ, Ամենայն Հայոց Գարեգին Բ. Կաթողիկոսի նախագահութեամբ, Մայր Աթոռ Սուրբ Էջմիածնի «Վաչէ եւ Թամար Մանուկեան» Մատենադարանին մէջ, տեղի ունեցաւ նորաստեղծ «Գաւիթ» հարթակի անդրանիկ քննարկումը։ Քննարկման կը մասնակցէին եկեղեցականներ, ազգային, հասարակական, քաղաքական գործիչներ եւ զանազան ոլորտներու պատկառելի այլ ներկայացուցիչներ։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց օտարերկրեայ երկու պատուիրակութիւններ, որոնք վերջին օրերուն այցելեցին Հայաստան։

Ֆրեզնոյի համալսարանի Հայագիտութեան ամպիոնէն խումբ մը ուսանողներ Վեհափառ Հայրապետին մօտ:
«Հայաստան այցելելը լաւագոյն հնարաւորութիւնը կ՚ընձեռէ ճանչնալու համար հայոց հոգեւոր ու մշակութային ժառանգութիւնը»:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ նոր դերաբաժանում մը կատարուած է պոլսահայ հոգեւորականաց դասու անդամներու պաշտօնավայրերու պարագային։ Պատրիարքարանի դիւանը երէկ պաշտօնական հաղորդագրութիւն մը հրապարակեց այս ուղղութեամբ։

Երուսաղէմի Հայոց Պատրիարքութեան դիմագրաւած առկայ հարցերը բոլոր հարթութիւններու վրայ ուշադրութեան առարկայ կը դառնան Հայաստանեայց Առաքելական Եկեղեցւոյ կեանքէն ներս։ Նուիրապետական աթոռներու գահակալներն ալ զգայնութեամբ կը հետեւին իրադարձութիւններուն, որոնք ունին նուրբ նշանակութիւն։

Արեւմտեան Եւրոպայի հայրապետական պատուիրակութեան ենթակայ Լիէժի ծուխը վերջերս ունեցաւ Ուղղափառ Եկեղեցիէն բարձրաստիճան հիւր մը։ Այսպէս, հոգեւոր հովիւ Տ. Մաղաքիա Աբեղայ Պեսքիսիզեան ընդունեց Յոյն Ուղղափառ Եկեղեցւոյ Պելժիոյ Աթենակորաս Մետրապոլիտը։

Գումգաբուի Ս. Աստուածածին Աթոռանիստ Մայր եկեղեցւոյ մէջ շաբաթավերջին նշուեցաւ Պատրիարքական Աթոռի հիմնադրութեան 562-րդ տարեդարձը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան հոգեւորականաց թափօրով առաջնորդուեցաւ Մայր եկեղեցի։