Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ երեկոյեան պատարագեց Սուրբ Էջմիածնի վերաօծեալ Մայր Տաճարին մէջ։ Տ.Տ. Գարեգին Բ. Ամենայն Հայոց Կաթողիկոսի տնօրինութեամբ, շաբաթավերջի վերաօծումէն վերջ, մէկ շաբթուան տեւողութեան ամէն երեկոյ Ս. Պատարագ կը մատուցուի Մայր Տաճարի մէջ։
«Մեր յոյսն ու հաւատը առկայ փորձութիւններու մէջ պիտի ջանանք զօրացնել, ամուր եւ վառ պահել, որպէսզի մեր կեանքէն ներս առատացնենք Աստուծոյ օրհնութիւնները։ Կը հաւատանք, թէ Տիրոջ պատգամներու իրագործումով մեր ժողովուրդը պիտի գտնէ իր վերելքի ուղիները՝ ամոքելով վէրքերը եւ ընթանալով դէպի խաղաղ ու ապահով հանգրուաններ»:
Մայր Աթոռ Ս. Էջմիածնի մէջ միւռոնաբաշխման արարողութիւն:
Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Կաթողիկոս Ամենայն Հայոց. «Մեր նախնեաց նուիրական ժառանգութիւնն ու սրբազան արժէքներու նկատմամբ աներեր հաւատարմութիւնը պիտի շարունակեն ըլլալ անսասան յենասիւները մեր աստուածահաճոյ, ազգանուէր միւռոնադրոշմ կեանքի՝ նախանձախնդրութեամբ փոխանցելով սերունդէ սերունդ»:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այսօր երեկոյեան կը պատարագէ Սուրբ Էջմիածնի վերանորոգեալ ու վերաօծեալ Մայր Տաճարին մէջ, որ երէկ առաւօտ պաշտամունքի վերաբացուեցաւ հայրապետական Ս. Պատարագով։
Համայն հայութեան սիրտը այս շաբաթավերջին կը տրոփէ Սուրբ Էջմիածնի մէջ, ուր այսօր տեղի կ՚ունենայ Միւռոնօրհնութիւն, իսկ վաղը կ՚օծուի ու պաշտամունքի կը վերաբացուի՝ ամենայն հայոց սրբութիւն սրբոց Մայր Տաճարը, որու ամրակայման երկարատեւ աշխատանքներու աւարտին ծնունդ առած է համազգային հոգեւոր հրճուանքի մթնոլորտ:
Պայծառ հորիզոններու յոյսը:
Վեհափառ հայրապետի գահակալութեան 25-ամեայ յոբելեանին ընդառաջ՝ սրբութեան:
Լոյսը կը սփռուի հայոց հաւատքի ընդհանրական լուսաբեւեռ կեդրոնին վրայ:
Հայաստանեայց Առաքելական Եկեղեցւոյ աշխարհացրիւ հօտի միասնութեան խորհրդանշանն է սրբալոյս միւռոնը, որու նուիրական զօրութիւնը կը պայմանաւորուի խորհրդաւոր բաղադրութեամբ՝ պատմութեան, աւանդութեան, ժառանգութեան եւ քրիստոնէական եզակի վկայութեան խաչմերուկին, ուր կը բիւրեղանայ հաւատի արթնութեան նշանակութիւնը:
Երէկ, Մայր Աթոռ Սուրբ Էջմիածնի մէջ տեղի ունեցաւ միջեկեղեցական պատուիրակութիւններու եւ ներկայացուցիչներու հանդիպում։
ՎԱՐԱՆԴ ՔՈՐԹՄՈՍԵԱՆ
Սուրբ Էջմիածնի Մայր Տաճարը պիտի վերաօծուի՝ շաբաթավերջին նոր օրհնուելիք Սրբալոյս Միւռոնով, ինչ որ իւրայատուկ պիտի ըլլայ համայն հայութեան համար:
Հայոց սրբութիւն սրբոցի պաշտամունքի վերաբացումով պիտի բացուին դէպի երկինք ճանապարհորդութեան սրբազան դռները, որոնք հաւատացեալները կ՚առաջնորդեն Բարձրեալի հետ զրոյցի:
ԱՆՈՒՇ ԹՐՈՒԱՆՑ
Սուրբ Էջմիածնի Մայր Տաճարը յաւերժութեան ճանապարհին պատմութեան մէջ առաջին անգամ այս ծաւալով հիմնանորոգուած է՝ իր գոյութեան 1720-ամեակի սեմին:
Համայն հայութիւնը անհամբերութեամբ կը սպասէ՝ իր ամբողջական վերանորոգութեան ենթարկուած սրբութիւն սրբոցի վերաօծման արարողութեան, որ կը նախատեսուի շաբաթավերջի միւռոնօրհնութեան զուգահեռ:
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց՝ Հայ Կաթողիկէ եկեղեցւոյ Հայաստանի, Վրաստանի, Ռուսաստանի եւ Արեւելեան Եւրոպայի նորանշանակ առաջնորդ Տ. Գէորգ Արքեպիսկոպոս Նորատունկեանը, որու ձեռնադրութիւնը վերջին օրերուն տեղի ունեցած էր Վատիկանի մէջ։
ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ
Հայաստանեայց Առաքելական Սուրբ Եկեղեցին կը պատրաստուի Սրբալոյս Միւռոնի օրհնութեան եւ Սուրբ Էջմիածնի Մայր Տաճարի պաշտամունքի վերաբացման արարողութիւններուն, որոնք հոգեւոր ուրախութիւն կ՚առթեն հայորդեաց սրտերէն ներս։ Հաւատացեալ հոգիներ անհամբերութեամբ կը սպասեն այս հոգեպարար արարողութիւններուն, որոնք իրենց խորհրդաւոր զօրութեամբը համայն ազգը կը դարձնեն «միասիրտ եւ միախորհուրդ»։
