Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց ամերիկահայ ուխտաւորներու խումբ մը՝ գլխաւորութեամբ Մեսրոպ Չոպանեանի։ Հարկ է նշել, որ այս խումբը եկած է մասնակցելու՝ այս շաբաթավերջի դէպի Աղթամար ուխտագնացութեան։
Հայաստանեայց Առաքելական Եկեղեցւոյ Զուիցերիոյ թեմի առաջնորդական փոխանորդ Տ. Գուսան Վրդ. Ալճանեան երէկ Ժընեւի մէջ հանդիպում մը ունեցաւ Ղպտի Ուղղափառ եկեղեցւոյ Թաւատրոս Պատրիարքին հետ։
2024-2025 շրջանի սկիզբին կրթական մշակներու աւանդական հաւաքը տեղի ունեցաւ՝ Մայր Աթոռ Սուրբ Էջմիածնի մէջ:
Ն.Ս.Օ.Տ.Տ. Գարեգին Բ. «Այսօր կը փորձուի արժեզրկել Հայաստանեայց Եկեղեցւոյ բացառիկ առաքելութիւնը՝ հայ ժողովուրդի կեանքէն ներս»:
Մայր Աթոռ Սուրբ Էջմիածնի այս շրջանին մէջ լայնածաւալ պատրաստութիւններ յառաջ կը տարուին:
Վեհափառ Հայրապետը նախագահեց կարգադիր յանձնախումբի ժողովին՝ միւռոնօրհնութեան եւ Մայր Տաճարի վերաօծման ընդառաջ:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Հայց. Առաքելական Եկեղեցւոյ Հիւսիսային Ամերիկայի Արեւելեան թեմէն ուխտաւորներ։ Գնալը կղզիի Ս. Գրիգոր Լուսաւորիչ եկեղեցւոյ սրահին մէջ տեղի ունեցաւ հանդիպումը, որուն ներկայ էին նաեւ Տ. Յարութիւն Վրդ. Տամատեան եւ Պատրիարքական փոխանորդ Տ. Գրիգոր Աւ. Քհնյ. Տամատեան։
Ս. Աստուածածնի ծնողներուն՝ Ս. Յովակիմի եւ Ս. Աննայի եւ իւղաբեր կանանց տօնին առթիւ, Սամաթիոյ Ս. Գէորգ Եկեղեցւոյ մէջ նախընթաց օր մատուցուեցաւ Ս. Պատարագ: Արարողութեան հանդիսապետեց Տ. Յովակիմ Վրդ. Սերովբեան։
Երուսաղէմի պատրիարքութիւններուն եւ եկեղեցիներու հոգեւոր պետերուն մասնակցութեամբ երէկ տեղի ունեցաւ հանդիպում մը, որու աւարտին հրապարակուեցաւ յայտարարութիւն մը։ Երուսաղէմի Յունաց Պատրիարքարանին մէջ կազմակերպուած հաւաքին յաջորդած յայտարարութեամբ կոչ ուղղուեցաւ, որպէսզի Սուրբ Երկրի առկայ պատերազմը աւարտի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ Ս. Պատարագին նախագահեց Գնալը կղզիի Ս. Գրիգոր Լուսաւորիչ եկեղեցւոյ մէջ, ուր խօսեցաւ նաեւ քարոզ մը։ Ս. Պատարագը մատոյց Տ. Յարութիւն Վրդ. Տամատեան։
Երուսաղէմի Սուրբ Յարութեան տաճարը, որ միշտ համաքրիստոնէական ուշադրութեան առարկայ է, այս շրջանին յաւելեալ հետաքրքրութեան կ՚արժանանայ՝ վերանորոգման աշխատանքներու բերումով։ Արդարեւ, Տէր Յիսուս Քրիստոսի լոյս գերեզմանին վրայ կառուցուցած հոյակերտ սրբավայրի յատակի նորոգութիւնը ընթացքի մէջ է տեւական ժամանակէ ի վեր։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Հայց. Առաքելական Եկեղեցւոյ Հիւսիսային Ամերիկայի Արեւելեան թեմէն խումբ մը ուխտաւորներ, որոնց կ՚ուղեկցէր Նիւ Եորքի Սրբոց Նահատակաց եկեղեցւոյ հոգեւոր հովիւ Տ. Աբրահամ Քհնյ. Մալխասեան։
