Եկեղեցական

Մայր Աթոռ Սուրբ Էջմիածնի մէջ տեղի ունեցաւ Գէորգեան հոգեւոր ճեմարանի 2016-2017 ուսումնական տարուայ փակման արարողութիւնը, որուն նախագահեց Ամենայն Հայոց Տ.Տ. Գարեգին Բ. Կաթողիկոսը։ Հանդիսութեան ներկայ էին Մայր Աթոռ Սուրբ Էջմիածնի միաբաններ, հոգեւոր-կրթական հաստատութիւններու տեսչական, ուսուցչական անձնակազմը եւ ճեմարանի սաները։

​Ամենայն Հայոց Տ.Տ. Գարեգին Բ. Կաթողիկոսի նախագահութեամբ, երէկ տեղի ունեցաւ, Հառիճի վանքէն ներս գործող Թրբանճեան ընծայարանի հիմնանորոգուած մասնաշէնքի բացման հանդիսաւոր արարողութիւնը, որու ընթացքին ստեղծուեցաւ մեծ ոգեւորութիւն։ Ընծայարանը վերանորոգուած է ու կը գործէ Լոս Անճելըսէն՝ Ճերալտ եւ Փաթրիսիա Թրբանճեաններու ազնիւ բարերարութեամբ։

Պատրիարքական տեղապահ Տ. Գարեգին Արք. Պեքճեան վաղը պիտի ժամանէ քաղաքս։ Նորին Սրբազնութիւնը Քէօլնէն պիտի հասնի յետմիջօրէի ժամերուն։

Մայր Աթոռ Սուրբ Էջմիածնի հրատարակչութեան բաժինը Ամենայն Հայոց Տ.Տ. Գարեգին Բ. Կաթողիկոսի օրհնութեամբ լոյս ընծայեց «Աղթամարի Կաթողիկոսութեան պատմութիւն» գիրքը։ «Հայ Եկեղեցւոյ պատմութիւն» շարքի հերթական մենագրութիւնն է այս մէկը, որ հրատարակուած է աշխատասիրութեամբ պատմաբան Տքթ. Վրէժ Վարդանեանի։

Հիւսիսային Ամերիկայէն եւ Աւստրալիայէն ուխտաւորներու խումբ մը այցելեց Մայր Աթոռ Սուրբ Էջմիածին:
Վեհափառ Հայրապետը հարցումներու պատասխանելու ժամանակ անդրադարձաւ Սփիւռքի զանազան մարտահրաւէրներուն:

Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ հանդիպում մը ունեցաւ Ամերիկայի Միացեալ Նահանգներու «Ֆերահեան» հայկական վարժարանի 11-րդ դասարանի աշակերտներուն հետ։ Քառասուն հոգիէ բաղկացեալ այս աշակերտական խումբը հիւրընկալելու ժամանակ Վեհափառ Հայրապետը գոհունակութեամբ նշեց, որ Սփիւռքի մէջ գործող զանազան հայկական վարժարաններու աւարտական դասարաններու աշակերտներուն այցելութիւնը դէպի Հայաստան եւ Մայր Աթոռ Սուրբ Էջմիածին դարձած է գեղեցիկ աւանդութիւն մը։

ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Երեւանէն.-

Տ.Տ. Գարեգին Բ. Ամենայն Հայոց Վեհափառ Հայրապետի հրաւէրին ընդառաջ՝ Հայաստանի Հանրապետութեան նախագահ Սերժ Սարգսեան մասնակցեցաւ ԵՆԺ-ին:
Մայր Աթոռ Ս. Էջմիածնի մէջ կազմակերպուած քառօրեայ 6-րդ նստաշրջանը եզրափակուեցաւ՝ կարեւոր աշխատանք ծաւալած ըլլալով Հայ եկեղեցւոյ առկայ վարչական խնդիրներու յաղթահարման ճանապարհին:

ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Երեւանէն.-

Եկեղեցական ներկայացուցչական ժողովի քառօրեայ նստաշրջանը պիտի եզրափակուի վաղը:
Պատրիարքական տեղապահ Տ. Գարեգին Արք. Պեքճեան այս առաւօտ հրաժեշտ առաւ Մայր Աթոռ Սուրբ Էջմիածնէն:

ԺԱՄԱՆԱԿ-ի գլխաւոր խմբա­­­գիր Արա Գօչունեան կը տե­­ղե­կացնէ Երեւա­նէն.-

Եկեղեցական-ներկայացուցչական ժողովը Մայր Աթոռի մէջ կը կեդրոնանայ նոր ժամանակներու բարենպաստ պայմաններուն ներքեւ կանոնադրութեան մը մշակման վրայ:
Ն.Ս.Օ.Տ.Տ. Գարեգին Բ. «Մեր եկեղեցւոյ առկայ մարտահրաւէրներուն յաղթահարումը անկարելի է պատկերացնել՝ առանց անոր կառոյցներու սերտ համագործակցութեան» Պատրիարքական տեղապահ Տ. Գարեգին Արքեպիսկոպոս Պեքճեան լաւատեսութեամբ արտայայտուեցաւ Պոլսոյ Աթոռի հարցերու լուծման հեռանկարներուն կապակցութեամբ:

Ամենայն Հայոց Տ.Տ. Գարեգին Բ. Կաթողիկոսը վերջին օրերուն Մայր Աթոռ Սուրբ Էջմիածնի մէջ հիւրընկալեց Վատիկանի Առաքելական գրադարանի եւ Գաղտնի արխիւներու ղեկավար Մոնս. Ժան-Լուի Պրիւկէսի կողմէ գլխաւորուած պատուիրակութիւնը։ Հիւրերուն կ՚ընկերանար Վատիկանի մօտ Հայաստանի դեսպան Միքայէլ Մինասեան։