Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր երեկոյեան հանդիպում մը ունեցաւ Ասորի Ուղղափառ եկեղեցւոյ Աֆրամ Բ. Պատրիարքին հետ։ Աթշանէի մէջ, Լիբանան, տեղի ունեցաւ տեսակցութիւնը, որու ընթացքին երկու հոգեւոր առաջնորդներու կողքին էին բարձրաստիճան եկեղեցականներ։
Ամենայն Հայոց Տ.Տ. Գարեգին Բ. Կաթողիկոսը երէկ արագ ապաքինման մաղթանքներ յղեց Հռոմէական Կաթոլիկ Եկեղեցւոյ Քահանայապետ Ֆրանսիսկոս Ա. Սրբազան Պապին, որ վերջին օրերուն վիրահատութեան մը ենթարկուեցաւ։ Մայր Աթոռ Սուրբ Էջմիածնի աղբիւրները երէկ տեղեկացուցին, որ Ամենայն Հայոց Վեհափառ Հայրապետը եղբայրական իր սէրն ու ողջոյնները փոխանցած է Սրբազան Քահանայապետին։
Ամենայն Հայոց Տ.Տ. Գարեգին Բ. Կաթողիկոսը աշխարհահռչակ Ճիվան Գասպարեանի մահուան առթիւ երէկ ցաւակցական մը ուղարկեց արուեստագէտի սգաւոր ընտանիքին։ Վեհափառ Հայրապետը մշտամրմունջ աղօթքն ու օրհնութիւնը ընդգծած է ցաւակցականին մէջ, ուր նշուած է հետեւեալը.
Հայ Կաթողիկէ Եկեղեցւոյ Ս. Սինոդի նստաշրջանը կը շարունակուի Զմմառի վանքէն ներս, Լիբանան։ Նոր կաթողիկոս-պատրիարքի ընտրութեան օրակարգով համախմբուած են Հայ Կաթողիկէ Եկեղեցւոյ եպիսկոպոսները։
Ամենայն Հայոց Տ.Տ. Գարեգին Բ. Կաթողիկոսը շաբաթավերջին Մայր Աթոռ Սուրբ Էջմիածնի մէջ հիւրընկալեց նորաօծ Տ. Աթանաս Աբեղայ Սարգսեանը՝ ուղեկցութեամբ Արցախի թեմի առաջնորդ Տ. Վրթանէս Եպսկ. Աբրահամեանի։ Նորաօծ հայր սուրբը վերջերս քահանայակոչման արժանացած էր Գանձասարի վանքէն ներս եւ քառասնօրեայ պահեցողութեան շրջանը անցուցած՝ Դադիվանքի մէջ։
Վատիկանի երէկուան հանդիպման ժամանակ Արամ Ա. Կաթողիկոս հանդէս եկաւ դասախօսութիւնով մը:
Միջեկեղեցական արարողութեան ընթացքին Սրբազան Պապը պատգամին մէջ Ս. Գրիգոր Նարեկացիէն մէջբերում մը ըրաւ:
Մեծի Տանն Կիլիկիոյ Արամ Ա. Կաթողիկոսը երէկ հասաւ Հռոմ, ուր դիմաւորուեցաւ Տ. Խաժակ Արք. Պարսամեանի եւ դեսպան Կարէն Նազարեանի կողմէ:
Սրբազան Պապը այսօր Վատիկանի մէջ կը հիւրընկալէ Լիբանանի քրիստոնեայ հոգեւոր առաջնորդները՝ երկրի տագնապալի կացութեան պայմաններուն ներքեւ:
Արեւմտեան Եւրոպայի Հայրապետական պատուիրակ եւ Վատիկանի Ս. Աթոռի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեան 30 յունիս 2021 թուականին հանդիպում մը ունեցաւ Յոյն Ուղղափառ Եկեղեցւոյ Քաղկեդոնի թեմի առաջնորդ Էմմանուէլ Մետրապոլիտին հետ։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Օտեսայի (Ուքրայնա) Հայկական մշակութային կեդրոնի կիրակնօրեայ դպրոցի եւ մանկապարտէզի սաները։ Հանդիպման սկիզբին կեդրոնի տնօրէնուհի Աննա Գէորգեան Վեհափառ Հայրապետին տեղեկութիւններ փոխանցեց դպրոցի եւ մանկապարտէզի գործունէութեան շուրջ։
Մեծի Տանն Կիլիկիոյ Տ.Տ. Արամ Ա. Կաթողիկոսի գահակալութեան տարեդարձը երէկ հանդիսաւոր արարողութիւնով մը նշուեցաւ Անթիլիասի մէջ։
