Ամենայն Հայոց Տ.Տ. Գարեգին Բ. Կաթողիկոսի օրհնութեամբ, երէկ, Մայր Աթոռ Սուրբ Էջմիածնի մէջ տեղի ունեցաւ «Խորհրդային Հայաստան 100. Եկեղեցին եւ պետութիւնը» խորագրեալ գիտաժողովը։ Մայր Աթոռ Սուրբ Էջմիածնի արխիւի նախաձեռնութեամբ եւ «Քոնրատ Ատենաուէր» հիմնադրամի աջակցութեամբ՝ զուգահեռաբար կազմակերպուած էր նաեւ արխիւային վաւերագրերու եւ նիւթերու ցուցահանդէս մը, որու բացումն ալ կատարուեցաւ նոյն առթիւ։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Երեւանի մօտ Ղազախիստանի նորանշանակ դեսպան Փոլատ Իմանպայեւը։ Այս առթիւ դեսպանը երախտագիտութիւն յայտնեց Վեհափառ Հայրապետին՝ Ղազախիստանի նախաձեռնութեամբ կազմակերպուող համաշխարհային եւ աւանդական կրօններու առաջնորդներու համագումարի աշխատանքներուն Հայ Եկեղեցւոյ կողմէ բերուած կարեւոր մասնակցութեան համար։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի օրհնութեամբ, Պատրիարքական Աթոռի հրատարակչութեան բաժանմունքը ներկայիս հաւատացեալ ընթերցասէրներու տրամադրութեան տակ դրած է կարեւոր գործ մը, որ կը կոչուի «Աստուածաշունչէն»։ Գեղատիպ ու մեծածաւալ այս հատորը հրատարակութեան պատրաստուած է Պատրիարքարանի փոխ-դիւանապետ Տ. Յովակիմ Աբեղայ Սերովբեանի կողմէ։
Ն.Ս.Օ.Տ.Տ. Գարեգին Բ. «Մենք ահասարսուռ պատուհասներու յաղթահարումի ու մեր ազգի յարութեան փորձառութիւնը ունինք»:
Վեհ. Հայրապետը դէպի Արցախ ուղեւորութեան եզրափակիչ փուլին Հանրապետական մաղթանքի նախագահեց Ստեփանակերտի Ս. Աստուածածին եկեղեցւոյ մէջ:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին նախագահեց Գուզկունճուքի Ս. Գրիգոր Լուսաւորիչ եկեղեցւոյ արարողութիւններուն։ 2008 թուականէն ի վեր առաջին անգամ եկեղեցւոյ տարեկան աւանդական ուխտի օրուան տօնակատարութիւններուն նախագահեց պատրիարք մը։
Ամենայն Հայոց Տ.Տ. Գարեգին Բ. Կաթողիկոսը, ՀԲԸՄ-ի նախագահ Պերճ Սեդրակեանի հետ անցաւ Արցախ, ուր դիմաւորման ներկայ էր նաեւ ռուս խաղաղապահներու գնդերէցը: «Միասնաբար տոկալով եւ համբերելով, զոհողութիւններ յանձն առնելով, անվերապահ նուիրումով եւ յանձնառութիւններով արժանի պիտի ըլլանք մեր խիզախ զաւակներուն, որոնք նուիրեցին իրենց կեանքը»:
«Դուք ձեր պապերէն ժառանգած էք քաջութիւն։ Հաստատուն մնանք հաւատի մէջ, անկոտրում՝ նեղութիւններու ու դժուարութիւններու առջեւ։ Ամուր պահենք իրարու հանդէպ քրիստոսապատուէր սէրն ու հզօր միասնութիւնը, որոնց առջեւ կը նահանջեն փորձութիւնները եւ կ՚ամրապնդուի ու կը զօրանայ լաւատեսութեան ոգին»:
Ամենայն Հայոց Տ.Տ. Գարեգին Բ. Կաթողիկոսը քառօրեայ հայրապետական այցելութիւն մը կու տայ դէպի Սիւնիքի մարզ եւ Արցախ, իր հետն ունենալով նաեւ ՀԲԸՄ-ի նախագահ Պերճ Սեդրակեանը:
Ամենայն Հայոց Տ.Տ. Գարեգին Բ. Կաթողիկոսը այսօր հայրապետական այցելութեան ձեռնարկած է դէպի Հայաստանի Հանրապետութեան Սիւնիքի մարզը եւ Արցախ։ Մայր Աթոռ Սուրբ Էջմիածնի տեղեկատուութեան համակարգը հաղորդեց, որ Սիւնիքի մէջ Վեհափառ Հայրապետը Հանրապետական մաղթանքի արարողութեան կը նախագահէ Գորիս քաղաքի Ս. Գրիգոր Լուսաւորիչ եկեղեցւոյ երդիքին տակ։
Արցախի երկրորդ պատերազմին յաջորդած ծանր պայմաններուն ներքեւ, Հայաստանի հանրային կարծիքը ցնցուած է վերջին օրերուն կատարուած բացայայտումով մը։ Այսպէս, լրատուամիջոցները ողողուած են տեսանիւթով մը եւ անոր արձագանգներով։
Ծանօթ է, թէ քորոնաժահրի համավարակի տարածումը կանխարգելու նպատակաւ վերջին անգամ կառավարական որոշումով հրապարակուած սահմանափակումները 17 մայիս 2021, երկուշաբթի, ժամը 05.00-էն սկսեալ ենթարկուած են բարեփոխման։
