Եկեղեցական

Համայն Ռուսիոյ Քիրիլ Ա. Պատրիարքի միջնորդութեամբ այսօր Մոսկուայի մէջ նախատեսուած է Ամենայն Հայոց Տ.Տ. Գարեգին Բ. Կաթողիկոսի եւ Կովկասի մահմետականներու խորհուրդի նախագահ, Ատրպէյճանի շէյխիւլիսլամ Ալլահշիւքիւր Փաշազատէի։ Տարածքաշրջանի հոգեւոր առաջնորդներու այս օրուայ եռակողմանի գագաթաժողովին ընդառաջ, ռուսաց պատրիարքը երէկ Մոսկուայի մէջ առանձին հանդիպումներ ունեցաւ Վեհափառ Հայրապետին եւ Ատրպէյճանի շէյխիւլիսլամին հետ։

Մեծի Տանն Կիլիկիոյ Տ.Տ. Արամ Ա. Կաթողիկոսը երէկ շնորհաւորական այցելութիւն մը տուաւ Կաթողիկէ հայոց նորընտիր կաթողիկոս-պատրիարք Ռաֆայէլ-Պետրոս ԻԱ.-ին։ Հանդիպումը տեղի ունեցաւ Պէյրութի Հայ Կաթողիկէ Պատրիարքարանին մէջ։

Արցախի պատերազմէն վերջ տարածքաշրջանի հոգեւոր առաջնորդներու եռակողմանի առաջին հանդիպումը:
Ամենայն Հայոց Հայրապետը, Համայն Ռուսիոյ պատրիարքն ու Ատրպէյճանի շէյխիւլիսլամը ժամադրուած Մոսկուայի մէջ:

Ամենայն Հայոց Տ.Տ. Գարեգին Բ. Կաթողիկոսի դէպի Հռոմ ուղեւորութեան արձագանգները կը շարունակուին։ Վեհափառ Հայրապետը մասնակցած էր Սուրբ Էճիտիօ համայնքին կողմէ կազմակերպուած տարեկան խաղաղութեան աղօթքին եւ միջազգային հաւաքին։

Ամենայն Հայոց Տ.Տ. Գարեգին Բ. Կաթողիկոսի օրհնութեամբ, երէկ, Երեւանի Ս. Գրիգոր Լուսաւորիչ եկեղեցւոյ մէջ տեղի ունեցաւ սարկաւագի ձեռնադրութիւն։ Օրուան պատարագիչն էր Մայր Աթոռ Սուրբ Էջմիածնի լուսարարապետ Տ. Մուշեղ Եպսկ. Պապայեան, որու ձեռամբ սարկաւագ ձեռնադրուեցան Գէորգեան հոգեւոր ճեմարանի 25 սաներ։

Ամենայն Հայոց Վեհափառ Հայրապետը այս առաւօտ աւարտեց դէպի Հռոմ իր ուղեւորութեան ծրագիրը։ Օդակայան մեկնելէ առաջ Վեհափառ Հայրապետը հանդիպում մը ունեցաւ Վատիկանի Արեւելեան եկեղեցիներու քահանայապետական խորհուրդի նախագահ Կարտինալ Լէոնարտօ Սանտրիի հետ։

Ամենայն Հայոց Տ.Տ. Գարեգին Բ. Կաթողիկոսի եւ Հռոմէական Կաթոլիկ Եկեղեցւոյ Քահանայապետ Տ.Տ. Ֆրանսիսքոս Ա. Սրբազան Պապի միջեւ երէկ առաւօտ Վատիկանի մէջ տեղի ունեցած հանդիպման արձագանգները կը շարունակուին։ Այս տեսակցութեան ներկայ էր նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։

Ամենայն Հայոց Վեհափառ Հայրապետը եւ Ամեն. Ս. Պաիրիարք Հայրը Հռոմի Անկլիքան կեդրոնին մէջ տեսակցեցան Քենթըրպրիի արքեպիսկոպոս Ճասթին Ուելպիի հետ։

Վեհ. Հայրապետը եւ Ամեն. Ս. Պատրիարք Հայրը ժամանեցին Հռոմ։

Ամենայն Հայոց Տ.Տ. Գարեգին Բ. Կաթողիկոսը այսօր կը ժամանէ Հռոմ։ Ինչպէս հաղորդած էինք, Վեհափառ Հայրապետը յառաջիկայ օրերուն մասնակցութիւն կը բերէ Ս. Էճիտիօ միջազգային համայնքի տարեկան աւանդական խաղաղութեան աղօթքին եւ անոր յարակից կազմակերպուած հաւաքին։