Ուրբաթ 19, Դեկտեմբեր 2025
Արխիւ
Ուրբաթ, Յունիս 5, 2020
Ինչպէս ծանօթ է մեր համայնքի անդամներուն, Պատրիարքական Աթոռը իր հիմնադրութենէն ի վեր եղած է համայնքիս կեդրոնն ու վերին իշխանութիւնը՝ բոլոր հոգեւոր եւ այլ ոլորտներէ ներս։
Ուրբաթ, Յունիս 5, 2020
ԱՐԱ ԳՕՉՈՒՆԵԱՆ
Թրքահայ ազգային-եկեղեցական կեանքէ ներս տակնուվրայութիւնը հասած է անհաւատալի համեմատութիւններու, ինչ որ համայնքը կը տանի կաթուածահար ըլլալու եզրին:
Էսաեանի տնօրէնուհիներու պաշտօնազրկումով սկսած տագնապը եւ Պատրիարքարանի նախաձեռնութեան ապարդիւն մնալով շարունակուած գործընթացը կը խորացնեն անկառավարելիութեան տպաւորութիւնը:
Ուրբաթ, Յունիս 5, 2020
ԵՐԱՄ
Գարունն եկեր էր արդէն. գարունն եկեր էր վերջապէս։
Գրեթէ երկու ամիս անցեր էր Զանայի Երեւան գալէն, Կապոյտ մզկիթ հաստատուելէն ի վեր։
Հինգշաբթի, Յունիս 4, 2020
Գրեց՝ ԱՆՈՒՇ ԹՐՈՒԱՆՑ
Զանազան հանգամանքներու բերումով ամբողջ աշխարհի տարածքին սփռուած հայերը Երկրորդ համաշխարհային պատերազմի տարիներուն (1939-1945), աշխարհի բազմաթիւ ժողովուրդներու հետ մարտնչած եւ մեծ ներդրում ունեցած են ֆաշականութեան դէմ պայքարին մէջ: Այս առումով առանձնայատուկ ձեւով կը յիշուի ամերիկահայերուն մասնակցութիւնը պատերազմին:
Հինգշաբթի, Յունիս 4, 2020
ՎԱՀԱՆ ԹԷՔԷԵԱՆ
ՎԱՐԱՆԴ ՔՈՐԹՄՈՍԵԱՆ
Վերջերս աւարտեցի հայազգի մեծ գրող, բանաստեղծ եւ հրապարակագիր Վահան Թէքէեանի «Երկու Դրախտներ - ցիրուցան էջեր» գիրքը, որ լոյս տեսած է 2017 թուականին Իսթանպուլի մէջ, որպէս «ԺԱՄԱՆԱԿ 100 տարի» մատենաշարի հինգերորդ հրատարակութիւնը: Գիրքը կազմած, խմբագրած է ու ծանօթագրած է Սեւան Տէյիրմենճեանը, իսկ յառաջաբանը գրած է՝ Դոկտ. Վաչէ Ղազարեանը:
Հինգշաբթի, Յունիս 4, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Ընդհանրապէս «պատիւ»ը ըմբռնուած է նիւթական արժէքի մը պէս՝ պատիւը շատերու համար նիւթական բանի մը պէս կը տեսնուի, ճիշդ ինչպէս դրամը, գործը, տունը նիւթական արժէքներ են։ Սակայն պէտք է գիտցուի, թէ «պատիւ»ը այդ նիւթական արժէքներու պէս չէ։
Հինգշաբթի, Յունիս 4, 2020
Պէյօղլուի թաղային խորհուրդի ներկայացուցիչները հրաժարեցան մասնակցելէ Պատրիարքարանի՝ այս առաւօտեան խորհրդակցութեան:
Ամեն. Ս. Պատրիարք Հօր նախաձեռնած երկխօսութեան առիթը դժբախտաբար մսխուեցաւ: Գումգաբուի մէջ զօրակցութեան ցոյց՝ ի նպաստ տնօրէնուհիներուն:
Հինգշաբթի, Յունիս 4, 2020
Ամերիկահայ բազմաթիւ ձեռներէցներ լրջօրէն կը տուժեն վերջին օրերուն հարաւային Գալիֆորնիոյ մէջ:
Ճորճ Ֆլոյտի սպանութեան յաջորդած զանգուածային անկարգութիւնները մեծ վնասներ կը պատճառեն գործարարներու համար:
Հինգշաբթի, Յունիս 4, 2020
Աշխարհահռչակ թաւջութակահար Նարեկ Հախնազարեան առցանց հարթակի վրայ համայն երեխաներուն նուիրեց Չայքովսքիի երկերէն մին։ Աշխարհի բոլոր մանուկներուն ձօնուած էր իր կողմէ մեկնաբանուած Չայքովսքիի ստեղծագործութիւնը եւ այդ մէկը հրապարակուեցաւ Հախնազարեանի Դիմագիրքի պաշտօնական էջին վրայ։
Հինգշաբթի, Յունիս 4, 2020
Հանրապետութեան նախագահ Արմէն Սարգսեան՝ վարչապետ Նիկոլ Փաշինեանի առաջարկի հիման վրայ Ծովինար Համբարձումեանը նշանակեց Հռոմի մօտ Հայաստանի դեսպան։
Հինգշաբթի, Յունիս 4, 2020
Հայաստանի Արտաքին գործոց փոխ-նախարար Աւետ Ադոնց երէկ հեռախօսազրոյց մը ունեցաւ Եւրոմիութեան Արտաքին գործողութեան եւրոպական ծառայութեան ընդհանուր քարտուղարի տեղակալ, քաղաքական տնօրէն Էնրիքէ Մորա Պենավենթէի հետ։
Հինգշաբթի, Յունիս 4, 2020
Առողջապահութեան նախարար Ֆահրետտին Քոճա յայտարարեց, որ այս շաբաթավերջին փողոց դուրս գալու սահմանափակում չէ նախատեսուած Թուրքիոյ մեծ քաղաքներուն մէջ։ Քորոնաժահրի համաճարակի դէմ պայքարի մթնոլորտին մէջ, 65 տարեկանէ վեր եւ 18 տարեկանէ վար քաղաքացիներու պարագային սահմանափակումները նոյնութեամբ պիտի շարունակուին։
Հինգշաբթի, Յունիս 4, 2020
Հայաստանի Ազգային գրադարանը համացանցային նոր կայքէջ մը օգտագործել սկսաւ։ Վերջին օրերուն Երեւանէն մտահոգիչ լուրեր հասած էին՝ Հայաստանի Ազգային գրադարանի մասին՝ մանաւանդ անոր ելեկտրոնային շտեմարաններու վտանգուած ըլլալուն շուրջ։
Հինգշաբթի, Յունիս 4, 2020
Լիպիոյ Ազգային համաձայնութեան կառավարութեան ղեկավար Ֆաիզ Էս-Սարրաճ այսօր կ՚այցելէ Անգարա։ Հանրապետութեան նախագահ Ռեճեփ Թայյիպ Էրտողան Պեշթեփէի համալիրէն ներս կը հիւրընկալէ Ֆաիզ Էս-Սարրաճը։ Քորոնաժահրի համաճարակի մթնոլորտին մէջ երկուքուկէս ամիս ընդհատումէ մը վերջ Էրտողան առաջին անգամ կ՚ընդունի արտասահմանեան ղեկավար մը։
Հինգշաբթի, Յունիս 4, 2020
Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ երէկ տեղի ունեցաւ Բժիշկներու օրհնութեան կարգ։ Սուրբ Գայիանէի վանքի երդիքին տակ, Վեհափառ Հայրապետի հանդիսապետութեամբ օրհնուեցան բժիշկներ եւ բուժաշխատողներ։
Հինգշաբթի, Յունիս 4, 2020
ԱՐԵՒԻԿ ՊԱՊԱՅԵԱՆ
-Զաւէնիկ, անունդ ի՞նչ է։
-Մէմի։
-Ըսէ Զաւէն։
-Մէմի։
-Զաւէն ըսէ՛,- կը շարունակեմ պնդել ես։
-Մէմի, մէմի…
Օրեր առաջ սորվեցանք, որ Զաւէնիկը ոչ միայն իր ընկերները, այլ նաեւ ինքզինքը կը կոչէ՝ մէմի։
Չորեքշաբթի, Յունիս 3, 2020
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Twitter-ի վրայ յայտարարութիւնով մը հանդէս եկաւ Ամերիկայի Միացեալ Նահանգներու վերջին իրադարձութիւններուն շուրջ։ Հարկ է նշել, որ ԱՄՆ-ի մէջ քանի մը օր առաջ պատահեցաւ զգայացունց դէպք մը։ Սեւամորթ քաղաքացի մը ոստիկանի մը կողմէ եղաւ խեղդամահ։
Չորեքշաբթի, Յունիս 3, 2020
ԱՐԱ ԳՕՉՈՒՆԵԱՆ
Պատրիարքարանի մէջ վաղը օրուայ առաջին կէսին նախատեսուած է Էսաեան վարժարանի տագնապին շուրջ՝ արդէն միջոցէ մը ի վեր սպասուած խորհրդակցութիւնը։ Սա կարեւոր իրադարձութիւն մըն է, որու նշանակութիւնը չի սահմանափակուիր զուտ Էսաեան վարժարանով կամ Պէյօղլուի ընտանիքով։
Չորեքշաբթի, Յունիս 3, 2020
Գուզկունճուքի Ս. Գրիգոր Լուսաւորիչ եկեղեցւոյ մուտքի դրան խաչի պոկման դէպքի արձագանգները կը շարունակուին։ Իշխանութիւններու վճռակամ արձագանգին եւ յանցագործի անմիջապէս ձերբակալման զուգահեռ՝ քաղաքական եւ հասարակական շրջանակներ կը շարունակեն արտայայտել իրենց հակազդեցութիւնը այս դէպքին դէմ:
Չորեքշաբթի, Յունիս 3, 2020
ԱՐԵՒԻԿ ՊԱՊԱՅԵԱՆ
18-րդ դարու սկիզբին, Գերմանիոյ հիւսիսին փոքրիկ քաղաքի մը մէջ, որ կը կոչուի Լիւպեկ, 1721 թուականի փետրուարի 6-ին ծնած էր երեխայ մը։ Անոր կեանքը կարճ եղաւ, սակայն չափազանց կենսուրախ էր։
