Արխիւ

Երեւանի մէջ այսօր կը սկսի «Ժամանակակից դասականներ» փառատօնը, որ պիտի շարունակուի մինչեւ նոյեմբերի 9-ը։ «Արմէնփրէս»ի հաղորդումներով, այս փառատօնի օրերուն Հայաստանի մէջ կը հիւրընկալուին աշխարհի զանազան երկիրներէն մեծանուն երգահաններ, յօրինողներ եւ մենակատարներ, որոնք կը համախմբուին Երեւանի մէջ։

Ամերիկայի Միացեալ Նահանգներու Ներկայացուցիչներու տան կողմէ ընդունուած հայկական բանաձեւի լայն արձագանգները կը շարունակուին Թուրքիոյ մէջ։ Անգարա-Ուաշինկթըն առանցքին վրայ հերթական անգամ լարուածութիւն մը յառաջ եկած է հայկական հարցին հետեւանքով։

Ամենայն Հայոց Տ.Տ. Գարեգին Բ. Կաթողիկոսի նախագահութեամբ, երէկ, Մայր Աթոռ Սուրբ Էջմիածնի մէջ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Ժողովները տեղի կ՚ունենան վերանորոգեալ Վեհարանէն ներս, ուր ԳՀԽ-ի համար մասնաւոր ժողովասրահ մը նախատեսուած է։

ՀՐԱԿ ՓԱՓԱԶԵԱՆ

«Պոլսահայերը սփի՞ւռք են, թէ՞ չէ...» յաճախ տրուող հարցումին անդրադարձ կատարող այս շարքիս նախորդ յօդուածով ներկայացուցած ու քննած էի ա՛յն պոլսահայերը, որոնց համար չկայ տուն ու հայրենիք բացի Պոլիս/Իսթանպուլէն։ Եզրակացուցած էի, որ, իրաւամբ, զիրենք սփիւռքցի համարելը անտեղի պիտի ըլլայ, եւ պարզապէս իրենց ինքնութենական էութեանը չհամապատասխանող։

Այս օրերուն քաղաքիս մէջ կը գտնուին մանկագիր Մերի Փերի (Սահակեան), բանաստեղծ Դաւիթ Մշեցի (Սուքիասեան) եւ արուեստագէտ Ժան Վարդան։ Բոլորն ալ ներկայիս հաստատուած են Հայաստան եւ հիւրաբար քաղաքս կը գտնուին եւ մասնակցեցան «Ծիրան» համերգին, որ Մխիթարեան եւ Սահակեան սանուց միութեան համատեղ նախաձեռնութիւնն է։

BREXIT-ի գործընթացին վերաբերեալ վերիվայրումներու մթնոլորտին մէջ Անգլիոյ Երեսփոխանական ժողովը որոշեց ձեռնարկել կանխահաս ընտրութիւններու։ Անգլիոյ վարչապետ Պորիս Ճանսընի առաջարկին վրայ առնուեցաւ խորհրդարանական վաղաժամկէտ ընտրութեան ձեռնարկելու վերաբերեալ որոշումը։

Երեւանի ղեկավարութիւնը այս օրերուն կը հիւրընկալէ ՄԱԿ-ի ընդհանուր քարտուղարի քաղաքական եւ խաղաղութեան ամրապնդման հարցերով տեղակալ Ռոզմարի Տիքարլոյի կողմէ գլխաւորուած պատուիրակութիւնը։ Պաշտօնական աղբիւրներու հաղորդումներով, երէկ բարձրաստիճան հիւրը ընդունուեցաւ Հայաստանի Հանրապետութեան նախագահ Արմէն Սարգսեանի կողմէ։

Տեղապահ Տ. Սահակ Եպսկ. Մաշալեան Հայաստանի «Շանթ» հեռուստակայանէն հանդէս եկաւ յայտարարութիւններով՝ պատասխանելով լրագրող Սագօ Արեանի հարցումներուն:
Նորին սրբազնութիւնը բազմակողմանի խորհրդածութիւններ ըրաւ Թուրքիոյ հայոց 85-րդ պատրիարքի ընտրութեան գործընթացի իրադարձութիւններուն եւ հեռանկարներուն կապակցութեամբ:

Թուրքիոյ Հանրապետութիւնը այսօր կը դառնայ 96 տարեկան։ Այսօր ամբողջ երկիրը համակուած է տօնական բարձր տրամադրութեամբ։ Ամէն տարուան նման այս տարի եւս մեծ ոգեւորութեամբ կը նշուի Հոկտեմբերի 29-ի Հանրապետութեան տօնը։ Մայրաքաղաք Անգարայի եւ բովանդակ Թուրքիոյ քաղաքներուն մէջ տեղի կ՚ունենան փայլուն տօնակատարութիւններ։