Հինգշաբթի 8, Մայիս 2025
Արխիւ
Չորեքշաբթի, Յունուար 29, 2020
Հայաստանի Արտաքին գործոց նախարար Զօհրապ Մնացականեան երէկ Ժընեւի մէջ հանդիպում մը ունեցաւ ԵԱՀԿ-ի Մինսքեան խմբակի համանախագահներու՝ Իկոր Փոփովի (Ռուսաստան), Սթեֆան Վիզքոնթիի (Ֆրանսա), Էնտրու Շեֆըրի (Ամերիկայի Միացեալ Նահանգներ) եւ ԵԱՀԿ-ի շրջանային նախագահի յատուկ ներկայացուցիչ Անճէյ Կասպրչիկի հետ։ Հայաստանի Արտաքին գործոց նախարարութեան աղբիւրները ընկերային ցանցերու վրայ երէկ անդրադարձան այս հանդիպման՝ առանց անդրադառնալու քննարկումներու բովանդակային մանրամասնութիւններուն։
Չորեքշաբթի, Յունուար 29, 2020
Ն.Ա.Տ. Սահակ Բ. Պատրիարք Հայրը, նախընթաց օր, յետմիջօրէին, Պատրիարքարանի մէջ ընդունեց Մենթի-Մենթոր ծրագրի գործակից երիտասարդներ՝ Մերի Թաքսի Տեւեճեան, Ժպիտ Էօղէր, Գարոլին Իւչէր Իչլիիւրէքը։
Չորեքշաբթի, Յունուար 29, 2020
Շիշլի մարզակումբի զանազան խումբերը կը շարունակեն յաղթանակներ արձանագրել իրենց մասնակցած մրցաշարքերուն մէջ։ Ակումբի ֆութսալի կազմը վերջերս արձանագրեց ուշագրաւ վերելք մը։
Չորեքշաբթի, Յունուար 29, 2020
ԵՐԱՄ
Կոնդ. կը նշանակէ բլուր, ըստ հայերէնի բառարաններու։ Կը մնայ ենթադրել, որ գործածութեան մէջ տեղ չունեցող այս բառը փոխառութիւն մըն է, ուրիշ լեզուներէ եկած։
Չորեքշաբթի, Յունուար 29, 2020
Գրեց՝ ԱՐԵՒԻԿ ՊԱՊԱՅԵԱՆ
Առաջնորդուէ՜ արդարութեամբ… քու կեանքի հոլովոյթին եղիր միշտ արդար…։
Խրատնե՜ր, խրատներ, զորս մեզմէ իւրաքանչիւրը բազմիցս մտիկ ըրած է իր կեանքի հոլովոյթին, ու տակաւին ալ՝ կը շարունակէ։
Չորեքշաբթի, Յունուար 29, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Բնութեան մէջ ամէն ինչ որ գոյութիւն ունի, ի վերջոյ կը դառնայ իր Արարչին՝ Աստուծոյ ծոցը՝ հո՛ն, ուրկէ ելաւ եւ ստեղծուեցաւ։ Բնութեան մէջ ո՛չ մէկ բան կը կորսուի, այլ կը ձեւափոխուի միշտ պահելով իր սկզբնական էութիւնը։
Երեքշաբթի, Յունուար 28, 2020
Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ
Այստեղ դարձեալ երեք հարցումներ կը ծագին.
Առաջին. թէ ինչո՞ւ համար աստուածաբանութիւնը կը կրկնէ:
Երեքշաբթի, Յունուար 28, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Ստորեւ կը շարունակենք՝ շատ սիրելի՜ մեր բարեկամ ընթերցողներուն ներկայացնել Գրիգոր Զօհրապի «Ճէյրան»ը նոյնութեամբ՝ հաւատարիմ մնալով իր բնատիպին։
Երեքշաբթի, Յունուար 28, 2020
Եւրոխորհուրդի խորհրդարանական վեհաժողովէն (ԵԽԽՎ) ներս վերահաստատուեցան Ուքրայնայի պատուիրակութեան լիազօրութիւնները։ Այսպէսով Քիեւ լիարժէք աշխատանքի վերադարձաւ ԵԽԽՎ-ի մէջ։ «Արմէնփրէս»ի հաղորդումներով, Ուքրայնայի Ռատան (խորհրդարան) որոշած էր ԵԽԽՎ-ի տարեկան նստաշրջանի աշխատանքին վերադարձնել իր պատուիրակութիւնը։
Երեքշաբթի, Յունուար 28, 2020
Նախագահ Արմէն Սարգսեան կոչումներ շնորհեց բարձրաստիճան զինուորականներու:
Բանակի օրուան առթիւ հաւաքոյթ՝ Հայաստանի Հանրապետութեան նախագահի ապարանքին մէջ:
Երեքշաբթի, Յունուար 28, 2020
Թունճելիի Փերթէք գաւառակէն ներս վերջին օրերուն տեղի ունեցած հետաքրքրական իրադարձութիւն մը այսօր արձագանգ գտած է տեղական մամուլին մօտ։ Այսպէս, 20 յունուարին Քումրու Աքքայայի բնակարանի դրան վրայ գրուած է հետեւեալը. «Սատկէ հայու սերմ»։
Երեքշաբթի, Յունուար 28, 2020
Հայկական երաժշտութեան կենդանի առասպելներէն Տիգրան Մանսուրեան երէկ դարձաւ 81 տարեկան։ Ան թէեւ իր կեանքի ամենահասուն շրջանին մէջ է, սակայն երաժշտական գործունէութիւնը յառաջ կը տանի ամբողջ թափով։
Երեքշաբթի, Յունուար 28, 2020
Մարզական աշխարհը ցնցումի մէջ է պասքսեթպոլի առասպելական աստղերէն Քոպի Պրայնտի մահուան հետեւանքով։ Ան եւ իր դուստրը զոհ գացին ուղղաթիռի արկածի մը։
Երեքշաբթի, Յունուար 28, 2020
Ամեն. Ս. Պատրիարք Հայրը երէկ Գումգաբուի մէջ հիւրընկալեց ֆրանսացի բարձրաստիճան պաշտօնատարներ:
Նորին Ամենապատուութիւնը տեղեկութիւններ փոխանցեց Պոլսոյ Աթոռի պատմութեան եւ առաքելութեան մասին:
Երեքշաբթի, Յունուար 28, 2020
ՀՏՓ-ական Թումա Չելիք կոչ ուղղեց, որպէսզի Վաքըֆներու ընդհանուր տնօրէնութեան կողմէ կազմակերպուած այսօրուան մրցոյթը ջնջուի:
Մարտինի ասորի արմատներով ընդդիմադիր երեսփոխանի համոզմամբ, պատմական Սանասարեան խանի սեփականութեան իրաւունքը պէտք է վերադարձուի բուն տիրոջ:
Երեքշաբթի, Յունուար 28, 2020
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի Բարձրագոյն դատական խորհուրդի նախագահ Ռուբէն Վարդազարեանը։ Ողջունելով բարձրաստիճան դատաւորը՝ Վեհափառ Հայրապետը մաղթեց, թէ Աստուած զօրավիգ ըլլայ իրեն եւ Բարձրագոյն դատական խորհուրդի անդամներուն՝ արդարադատութեան հաստատման դժուարին առաքելութիւնը իրականացնելու ճանապարհին։
Երեքշաբթի, Յունուար 28, 2020
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Գարակէօզեան Տան Գնալը կղզիի Կազդուրման կայանի խնամատար մարմնի ատենապետ Արի Չոլաքն ու իր գործակից ընկերները։ Կազդուրման կայանի վարչայինները այս առթիւ շնորհաւորութիւններ եւ յաջողութեան մաղթանքներ յղեցին Ամեն. Ս. Պատրիարք Հօր։
Երեքշաբթի, Յունուար 28, 2020
Գրեց՝ ԱՆՈՒՇ ԹՐՈՒԱՆՑ
«ԳրաՏուն» հրատարակչութիւնը հայ ընթերցողի սեղանին դրած է աշխարհի նշանաւոր քաղաքական գործիչներէն մէկուն՝ 1940-1945 եւ 1951-1955 թուականներուն Միացեալ Թագաւորութեան վարչապետ, Բրիտանական ակադեմիոյ պատուաւոր անդամ, գրականութեան Նոպէլեան մրցանակի դափնեկիր Ուինսթըն Չըրչիլի «Ինքնակենսագրութիւն» գիրքը հայերէնով:
Երկուշաբթի, Յունուար 27, 2020
Թրքահայութիւնը շաբաթավերջին ունեցաւ ցաւալի կորուստ մը։ Մեր մարզական աշխարհի առասպելական անուններէն մէկուն աստղը սահեցաւ՝ իսկապէս պատճառ դառնալով խոր ցաւի։ Ոչ եւս է առասպելական կռփամարտիկ Կարպիս Զաքարեան, որ իր նուաճած ախոյենութիւններով մեծ պատիւ բերած էր մեր համայնքին։ Ան Շիշլի մարզակումբի ամենախորհրդանշական անուններէն մին էր։
Երկուշաբթի, Յունուար 27, 2020
ԽԱՉԻԿ ՃԱՆՈՅԵԱՆ
Այս տարի, 2020-ին, հայ ժողովուրդը ի Հայաստան եւ ի սփիւռս աշխարհի, արժանավայել շուքով եւ արդար հպարտութեամբ պիտի նշէ հայ ժողովուրդի հոգեւոր, կրթական, քաղաքական-հասարակական ականաւոր գործիչներէն՝ Մկրտիչ Խրիմեան Հայրիկ Ամենայն Հայոց Կաթողիկոսի ծննդեան 200-ամեակը։ Հայ ժողովուրդին համար, քրիստոնէութիւնը ընդունելէ ի վեր, հոգեւոր եւ ազգային փոքրաթիւ գործիչներ ունեցած է, որոնք իրենց հիասքանչ գործերով մեր հոգեւոր եւ մշակութային կեանքի լուսաշող աստղերը եղած են։
