Արխիւ

ՇԱՂԻԿ ԳԱԲՐԻԷԼԵԱՆ

Օրերս աշխարհը կը տառապի պսակաձեւ ժահրի համաճարակէն: Այս համաճարակին դէմ դնելու համար խիստ կարեւոր է զօրացնել մեր մարմինին դիմադրողականութիւնը։

Ա­ՆԻ ԲՐԴՈ­ՅԵԱՆ-ՂԱԶ­ԱՐԵԱՆ

Ընթրիքը պատրաստ, սեղանը լի ձուկով, գինիով ու հացով, իրենց Ուսուցիչին շուրջը խմբուած են տասներկուքը, կը ճաշակեն հրամցուածը եւ կը զրուցեն անցուդարձերու, եղածներու, ըլլալիքներու մասին ու յանկարծ Ուսուցիչին արտաբերած «մատնութեան» մասին արտայայտութիւնը կը քարացնէ բոլորը:

ՏՔԹ. ՀՐԱՅՐ ՃԷՊԷՃԵԱՆ

Արդէն եղաւ մօտաւորապէս մէկ ամիս, որ նստած եմ տուն՝ Քուէյթ, եւ չեմ ճամբորդեր։ Երեւի իմ աւելի քան երեսուն երկար տարիներու ճամբորդական աշխատանքիս մէջ ամենէն երկար ժամանակն է, որ տունը կը մնամ եւ սկսայ տեսնել, թէ ի՞նչ կրնայ նշանակել «տան կալանաւորում», որ երբեմն կը վճռեն դատարաններ՝ կարգ մը մեղադրեալներու, որպէս պատիժ։ Բայց մինակս չեմ այս մեղադրեալներու շարքին։

«Փա՜ռք յա­րու­թեան Քո, Տէ՛ր. 
Ես ոչ դա­դա­րե­ցայց, Փրկիչ, փա­ռա­ւո­րել զքեզ 
զա­մե­նայն ա­ւուրս կեն­դա­նու­թեան ի­մո­յ»:
(Ժա­մա­գիրք)

ՎԱ­ՐԱՆԴ ՔՈՐԹ­ՄՈ­ՍԵԱՆ

Առաւօտ կանուխ, երբ տակաւին բոլորը իրենց տեղերուն մէջ կը քնանային հանգստանալով նախորդ օրուան յոգնութենէն, խումբ մը կիներ սակայն, գլխաւորութեամբ Մարիամ Մագդաղենացիին, Յովհաննային ու Յակոբոսի մօր՝ Մարիամին, նախքան արեւուն ծագիլը, թախծոտ դէմքերով ու արտասուալից աչքերով կը շտապէին դէպի գերեզմաններ, ուր երեք օր առաջ ժայռափոր նոր գերեզմանի մը մէջ թաղած էին իրենց ա՛յնքան Սիրելի Վարդապետը:

Սուրբ Յարութեան անանց աւետիսի հոգեւոր հրճուանքը ահա՛ դարձեալ համակած է մեր էութիւնը։ Քրիստոնեայ աշխարհն համայն վերստին կ՚ամրապնդուի իր հաւատքի ճանապարհին։ Սուրբ գերեզմանէն ճառագած լոյսը կը շողայ երկնակամարին վրայ։
Զատկուան մեծ ուրախութիւնը այս տարի կը զուգորդուի համաճարակի սարսափով։ Համատարած տխրութիւն, մտահոգութիւն կը տիրէ երկրագունդի վրայ։ Յոռետեսութեան, յուսալքութեան եւ ապագայի հանդէպ թերահաւատութեան ճիրաններուն մէջ են մարդիկ ամէնուրեք։ Համավարակը գերեվարած է աշխարհը։

«Ե՛ս եմ յարութիւնը եւ կեանքը։ Ան որ ինծի կը հաւատայ, թէպէտեւ մեռնի՝ պիտի ապրի։ Իսկ ան որ ողջ է եւ ինծի կը հաւատայ՝ երբեք պիտի չմեռնի։ Կը հաւատա՞ս ըսածիս»։ (Յովհ. 11։25-26)

ԿՈՐԻՒՆ Ա․ ՔՀՆՅ. ՖԷՆԷՐՃԵԱՆ

Քրիստոնեայ աշխարհը Քրիստոսի հրաշափառ Յարութիւնը այս տարի մեծ անակնկալով մը կը դիմաւորէ, քորոնա կոչուած տարօրինակ ախտի մը հետեւանքով։
Բոլոր աղօթատեղիներու նման եկեղեցիներ եւս թէեւ իրենց դռները բաց, բայց կոչ ուղղած են իրենց հաւատացեալներուն, որպէսզի տուները մնան եւ շարունակեն աղօթել բարձրեալն Աստուծոյ՝ մանաւանդ այս սուրբ օրերուն։

Ս. Զատկի տօնին ընդառաջ մեր համայնքի երախտաշատ բարերարներէն Արէտ եւ Մոնիք Երկանեան ամոլը նուիրատուութիւն մը ըրաւ ԺԱՄԱՆԱԿ օրաթերթի բարգաւաճման համար։ Երկանեանները մեզի յայտնեցին, որ այս տարուան համաճարակի մթնոլորտին մէջ չեն փափաքած իրենց աւանդական շնորհաւորականի հրատարակուիլը՝ ենթադրելի պատճառներով։ Միեւնոյն ժամանակ, Երկանեանները նշեցին, որ իրենց նուիրատուութիւնը ունի մասնաւոր պատգամ մը եւ կը զուգորդուի կոչով մը։