Արխիւ

ԱՆՈՒՇ ԹՐՈՒԱՆՑ

Երկու ամիս առաջ Ամերիկայի Միացեալ Նահանգներու մէջ մահացաւ հայ անուանի գործիչ Վարդան Գրիգորեան՝ կեանքի հետաքրքրական ուղի անցած պատմաբանը, ակադեմիկոսը, ուսուցիչն ու հանրային գործիչը, որ իր հարուստ կեանքի փորձառութիւնը նկարագրած է «Տուն տանող ճանապարհը» ինքնակենսագրական գիրքին մէջ:

Հայաստան-Ատրպէյճան սահմանին վրայ լարուածութիւնը կը շարունակուի։ Երեւանի պաշտօնական աղբիւրները շաբաթավերջին թէ՛ տեղեկութիւններ փոխանցեցին վերջին դէպքերուն կապակցութեամբ եւ թէ հերքեցին Պաքուի կողմէ շրջանառութեան մէջ դրուած ապատեղեկատուութիւնները։ Այսպէս, Հայաստանի Պաշտպանութեան նախարարութիւնը հաղորդեց, որ Գեղարքունիքի սահմանային հատուածէն ներս Ատրպէյճանի կողմէ կրակահերթեր արձակուած են։

ՊԻԱՆՔԱ ՍԱՐԸԱՍԼԱՆ

​Հակառակ իրենց յարաբերութիւններուն մէջ դրսեւորած բոլորովին այլ վերաբերմունքին՝ եսապաշտ մը եւ անվերապահօրէն իր շրջապատը գոհացնել փորձող բարեպաշտ մը կրնան ունենալ հասարակաց կէտ մը. երկուքն ալ սերած ու դաստիարակուած են այն ծնողներու կողմէ, որոնք ընդունակ չեն «կառավարել» իրենց յոյզերը։

Դպրեվանքի 90-ամեակի 2020-2021 հունձքը, երեքշաբթի, 22 յունիս 2021-ի երեկոյեան, կարծես ընդելուզուելով Պիքֆայայի Սուրբ Աստուածածին վանքի շրջափակի ցանկապատին փորագրուած հայոց պատմութեան յատկանշական հանգրուանները ներկայացնող կոթողներուն, արտացոլացուց դպրեվանքի 90-ամեայ ազգային եւ հոգեւոր շունչը, որուն ներքեւ կրթուած եւ իրենց կարգին սերունդներ կերտած են բազմաթիւ արժանաւորներ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գնալը կղզիի Ս. Գրիգոր Լուսաւորիչ եկեղեցւոյ մէջ հանդիսապետեց կիրակնօրեայ արարողութիւններուն։ Ս. Պատարագը մատոյց Տ. Յարութիւն Աբեղայ Տամատեան, որ խօսեցաւ նաեւ օրուան քարոզը։

Եւրոմիութեան անդամ երկիրներու արտաքին գործոց նախարարները, որոնք տարածքաշրջանային այցելութեան մը ձեռնարկած էին դէպի Հարաւային Կովկաս, շաբաթավերջին Թիֆլիզի շփումներով եզրափակեցին իրենց ուղեւորութիւնները։ Տեղւոյն ԵՄ-ի առաքելութենէն ներս շրջագայութեան աւարտին առթիւ սարքուեցաւ մամլոյ ասուլիս մը, որու ընթացքին եւրոպացի նախարարները կարեւորեցին Լեռնային Ղարաբաղի պատերազմին հետեւանքով գերեվարուածներու ազատ արձակումը եւ ականապատման քարտէսներու յանձնումը։

Պաքըրգիւղի Տատեան վարժարանի այս տարուայ հունձքը վերջին օրերուն աւանդական հանդէսով մը հրաժեշտ առաւ՝ առարկայ դառնալով բոլորի ջերմ զգացումներուն եւ բարեմաղթութիւններուն։ Օրուայ հանդիսավարն էր հայերէնի ուսուցիչ Միշել Սամուրքաշ։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հունգարիայէն խումբ մը ուխտաւորներ, որոնց շարքին էին երկրի փոխ-վարչապետը՝ Ժոլտ Շեմիէն եւ «Փեթեր Փազման» կաթոլիկ համալսարանէն ներկայացուցիչներ։ Վեհափառ Հայրապետի կողքին էին Մայր Աթոռ Սուրբ Էջմիածնի արարողակարգի բաժնի վարիչ Տ. Նաթան Արք. Յովհաննիսեան եւ Դամասկոսի հայոց թեմի առաջնորդ Տ. Արմաշ Եպսկ. Նալպանտեան։

ԳԷՈՐԳ ՔԷՕՇԿԷՐԵԱՆ

Ընդունուած սովորութիւն է, որ հագուստ արտադրող նշանաւոր գործատէրեր, տարին մի քանի անգամ՝ գարնանային եւ աշնանային եղանակներու մուտքին, իրենց նորաձեւութիւնները ներկայացնեն աշխարհին։ Այդ ցուցադրութիւնները ընդհանրապէս տեղի կ՚ունենան Նիւ Եորքի, Փարիզի եւ կամ Միլանոյի մէջ։