Արխիւ

Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան այս շրջանին կ՚ողջունէ իր քահանայական ձեռնադրութեան 50-ամեայ յոբելեանը։ Ամեն. Ս. Պատրիարք Հայրը արդէն ուղիղ հինգ տասնամեակ առաջ ձեռնադրուած է կուսակրօն քահանայ եւ այդ ընթացքին Հայ Առաքելական Սուրբ Եկեղեցւոյ անդաստանէն ներս անընդհատ բերած է իր բազմակողմանի ծառայութիւնը։

Հայաստանի Պաշտպանութեան նախարարութիւնը տեղեկացուց, որ Ատրպէյճանի վերջին յարձակումներուն հետեւանքով սահմանի վրայ դիրքի փոփոխութիւն տեղի չէ ունեցած: Կողմերը հաւանութիւն տուին ռուս խաղաղապահներու հրամանատարութեան միջնորդական առաջարկին՝ հրադադարի վերադառնալու ուղղութեամբ:
Նախագահ Վլատիմիր Փութին Ռուսաստանի Անվտանգութեան խորհուրդի անդամներուն հետ խորհրդակցեցաւ դէպքերուն շուրջ: Մոսկուա միշտ կը մատնանշէ իր պատրաստակամութիւնը՝ Երեւանի եւ Պաքուի միջեւ սահմանազատման բանակցութիւններու, նաեւ վստահութեան մթնոլորտի կառուցման նպաստելու համար: ՄԱԿ մտահոգութիւն յայտնեց:

Հայաստան-Ատրպէյճան սահմանին վրայ լարուածութիւնը հասած է գագաթնակէտին եւ դժբախտաբար հետզհետէ կ՚արդարանան ամենավատ ակնկալութիւնները։ Երեւանի պաշտօնական աղբիւրները տեղեկացուցին, որ երէկ գիշեր եւ այս առաւօտեան ժամերուն մարտական գործողութիւններ ծաւալուած են Հայաստան-Ատրպէյճան սահմանին վրայ։

ՀՐԱՅՐ ՏԱՂԼԵԱՆ

Առածները ժողովուրդի մը իմաստութեան եւ ապրած կեանքի հայելին է՝ նոյնինքն այդ ժողովուրդին ստեղծագործութիւնն ու ծնունդը: Անոնք շատ անգամ գրուած են ազգի մը իսկական դիմագիծը պարզելու՝ եւ յաճախ քննադատելու երեւոյթներ, որոնք երբեք սրբագրութեան չեն ենթարկուիր:

ԳԷՈՐԳ ՊԵՏԻԿԵԱՆ

8 յուլիսին, տեղի ունեցաւ «Ազդակ» օրաթերթի 33-րդ առցանց լսարանը: Օրուան հիւր դասախօսն էր, հայրենի «Սփիւռք» գիտաուսումնական կեդրոնի տնօրէն՝ փրոֆ. Սուրէն Դանիէլեան, որ նախ ներկայացուց արեւմտահայ լեզուի եւ հայագիտական ուսումնառութեան ներկայ իրավիճակն ու մեր կրթական մրցունակ ցանցի ու կրթական միասնական ծրագիրի բացակայութիւնը եւ ապա սպառիչ մատնանշումներով մասնակիցներու հարցումներուն պատասխաններով, գոհացուց արեւմտահայ մտահոգ բոլոր միտքերը:

Թուրքիա, Ատրպէյճան եւ Փաքիստան խորհրդարանի նախագահներու մակարդակին վրայ երէկ հռչակագիր մը ընդունեցին Պաքուի մէջ։ Այսպէս, Ազգային մեծ ժողովի նախագահ Մուսթաֆա Շենթոփ երէկ Պաքուի մէջ մէկտեղուեցաւ Ատրպէյճանի Ազգային ժողովի նախագահ Սապիհա Կաֆարովայի եւ Փաքիստանի Ազգային ժողովի նախագահ Ասատ Քաիսէրի հետ։

ՀՐԱՅՐ ՏԱՂԼԵԱՆ

Աւելի քան դար մը առաջ ապրած հայ գրող եւ մտաւորական Գամառ Քաթիպա, գուցէ տեսնելով հայազգի անտարբեր մեծահարուստները, յանդուգն եւ խիզախ ձեւով կը յայտարարէր. «Թէ որ քո փողից հայ ազգին օգուտ չի կայ, թքել եմ քո՛ էլ, փողիդ էլ վրայ...»:

ՍԱԳՕ ԱՐԵԱՆ

Ինչ մեծ անուններ ունինք, որոնք թաքնուած են։ Թաքնուած ծաղիկներու պէս, որոնք ինկած են ու գլուխ խոնարհած անշուք վայրի մը մէջ, յետոյ պահ մը ետք նոր շունչ առած ու նոր ծիլ տուած։ Անուններ ունինք, որոնց հետքը անջնջելի է ոչ միայն այն պատճառով, որ այդ մարդիկ մեծ աւանդ թողած են, գաղափարի մը հաւատացած են, նոյնիսկ իրենց կեանքը զոհած են յանուն այդ գաղափարին, այլ անոր համար, որ անոնք ունեցած են այնպիսի վսեմական հոգիով հետեւորդներ, որոնք շարունակած են իրենց աւանդը։

Գնալը կղզիի Ս. Գրիգոր Լուսաւորիչ եկեղեցւոյ մէջ, շաբաթավերջին տեղի ունեցած արարողութիւններով յիշատակուեցան Գնալը կղզիի Կազդուրման կայանի հիմնադիր եւ հովանաւոր պատրիարքները։ Արարողութեանց նախագահեց եւ իր պատգամը փոխանցեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։