Արխիւ

Այս շաբաթավերջին նախատեսուած է Պաքըրգիւղի Ծն. Ս. Աստուածածին եկեղեցւոյ տարեկան աւանդական մատաղօրհնութիւնը, որուն զուգահեռ յարակից Տատեան վարժարանին համար տեղի պիտի ունենայ նուիրահաւաք։ Երէկ, հաճոյքն ունեցանք խմբագրատանս մէջ հիւրընկալելու Պաքըրգիւղի թաղային խորհուրդէն Մարի Եանճըն եւ Նաիլ Թոփլայըճըն։

ԱՐԵՒԻԿ ՊԱՊԱՅԵԱՆ

Տարի մը առաջ Արցախ աշխարհի պայծառ ու ջինջ երկինքը 44 օր շարունակ քօղարկուած էր արհեստածին մշուշով մը, որ կը կոչուի պատերազմ: Մարդոց ականջները կը խլանային, իսկ տեսադաշտը կը փակէր պայթիւններու հետեւանքով յառաջացած սաստիկ փոշին:

ՀՐԱՅՐ ՏԱՂԼԵԱՆ

Մեր թուականէն 63 տարիներ առաջ՝ 1958 թուականին 18 ամեայ երիտասարդներ կը հիմնեն միութիւն մը, որուն հիմնական նպատակը կ՚ըլլայ Մեծ Եղեռնի զոհերու յիշատակումը, անոնց յիշատակին յուշարձանի մը կանգնումը, Արցախի եւ Նախիջեւանի վերադարձումը եւ ամենէ՛ն կարեւորը՝ Հայ լեզուի անաղարտ պահպանումը:

Երեւանի Ազատութեան հրապարակին վրայ երէկ երեկոյեան տեղի ունեցաւ հանրահաւաք մը՝ 44-օրեայ պատերազմի հրադադարի առաջին տարելիցին առթիւ։ Երկրի գլխաւոր ընդդիմադիր ուժին՝ «Հայաստան» դաշինքին կողմէ կազմակերպուած հանրահաւաքին զուգահեռ հրապարակուեցաւ յայտարարութիւն մը։

Հայաստանի Հանրապետութեան Արտաքին գործոց նախարարութիւնը այս առաւօտ հանդէս եկաւ պաշտօնական յայտարարութիւնով մը՝ հրադադարի առաջին տարելիցին:
Երեւան Լեռնային Ղարաբաղի հիմնախնդրի համապարփակ ու տեւական լուծումը հնարաւոր կը համարէ միայն ԵԱՀԿ-ի Մինսքեան խմբակի համանախագահութեան լիազօրութեան ներքեւ:

Երէկ, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ Մայր Աթոռ Սուրբ Էջմիածնի մէջ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Սկիզբին միաբերան արտասանուած «Հայր մեր»էն վերջ ժողովականները աղօթեցին Արցախի 44-օրեայ պատերազմին նահատակուած հայորդիներու եւ նորոգ հանգուցեալ Տ. Մաղաքիա Վրդ. Ամիրեանի հոգիներու հանգստութեան համար։

ԳԷՈՐԳ ՊԵՏԻԿԵԱՆ

Տեսանելի է: Ուրախ չենք, որովհետեւ... անէ՛ծք չար սատանային... ազգովին տխուր ենք:
Նախապէս ամէն առիթներով այս մասին խօսած եւ արտայայտած եմ: Բացառութիւններու մասին չէ խօսքս: 

ԱՆՈՒՇ ԹՐՈՒԱՆՑ

Եւրոպացի հայագէտներուն մէջ իր ուրոյն տեղը ունի ֆրանսացի գիտնական եւ հայագէտ Ֆրետերիք Մաքլէր, որ հայ ժողովուրդին նուիրուած իր յօդուածներով եւ ուսումնասիրութիւններով անգնահատելի ծառայութիւն մատուցած է հայագիտութեան:

Երէկ, Մայր Աթոռ Սուրբ Էջմիածնի մէջ Տ.Տ. Գարեգին Բ. Կաթողիկոսի բարձր նախագահութեամբ կիրակնօրեայ Ս. Պատարագ մատուցուեցաւ՝ Ս. Գայիանէ վանքի պատմական կամարներուն ներքեւ։ Օրուայ պատարագիչն էր Մայր Աթոռ Սուրբ Էջմիածնի լուսարարապետ Տ. Մուշեղ Եպսկ. Պապայեան, որ խօսեցաւ նաեւ քարոզ մը։