Արխիւ

Հանրապետութեան նախագահ Ռեճեփ Թայյիպ Էրտողան կը ծրագրէ 14-15 յունուարին այցելել Արաբական Միացեալ Էմիրութիւններ։ Արտաքին գործոց նախարար Մեւլիւտ Չավուշօղլու վերջերս յայտնած էր, որ այդ երկրէն ներս նախատեսուած միջազգային մեծ ցուցահանդէսի շրջանակին մէջ տեղի պիտի ունենայ Թուրքիոյ ազգային օր մը։

Ներկայ տարեմուտը յոբելենական հորիզոն մը կը բանայ մեր այնքան սիրելի եւ մեծատաղանդ լուսանկարիչ Մկրտիչ Արծիւեանի առջեւ։ 2022 թուականին ան կը դառնայ 60 տարեկան։

ԺԱՄԱՆԱԿ-ի ընտանիքը 2022 թուականին պիտի ոգեկոչէ թերթիս նախկին խմբագրապետուհի Լիլի Գօչը՝ մահուան 25-րդ տարելիցին առթիւ։ Իր յիշատակը որքան քաղցր է, այնքան եւ թանկ՝ աւանդուած թերթիս դարաւոր անցեալէն։

ՍԱԳՕ ԱՐԵԱՆ

Ափրիկէի սրտէն կը խօսինք, Սոմալիի քաղաքացիական պատերազմէն, Եթովպիայի տագնապէն, կը խօսինք նոյնիսկ Սուտանի ներքին լարուածութեան մասին։ Մեր պաստառներուն մէջէն իրենց ձեռքերը մեզի կ՚երկարեն այդ վայրերու նուիրեալները։

ԱԼԷՔՍ ՍՐԿ. ԳԱԼԱՅՃԵԱՆ

Տօնական օրերու ու յատկապէս Ամանորի առիթով, մարդիկ սովորաբար զիրար կը շնորհաւորեն, բարեմաղթութիւններ կը փոխանակեն առաւելաբար իրենց կարիքները բաւարարելու՝ չունեցածը ձեռք բերելու եւ պակասները համալրելու ցանկութիւններ յայտնելով։ Այս վարքագիծը ընդհանրացած է ո՛չ միայն անհատական, այլ նաեւ հասարակական յարաբերութեանց հարթութեան վրայ։

ՅԱՐՈՒԹԻՒՆ ԱԲՂ. ՏԱՄԱՏԵԱՆ

Գոհութիւն եւ փառք կը վերառաքենք առ բարձրեալն Աստուած, որ արժանի դարձուց անգամ մը եւս հոգեկան ցնծութեամբ եւ յուսադրումներով դիմաւորելու Ամանոր մը։ Կրկին մեր հարազատներով ի մի համախմբուելով բաժնեկից կը դառնանք ամանորեան սիրոյ զօրութեան, քանզի Աստուած ինքզինք յայտնեց սիրոյ գաղափարի ճամբով համայն մարդկութեան. «Գոհութիւն կը յայտնեմ քեզի՝ քու սիրոյդ եւ հաւատարմութեանդ համար, որովհետեւ ամէն ինչէ գերազանց են անունդ եւ խոստումներդ» (Սղմ. 139.2)։

ԿՈՐԻՒՆ Ա. ՔՀՆՅ. ՖԷՆԷՐՃԵԱՆ

«Ինչ որ եղած է, նոյնը պիտի ըլլայ, ու ինչ որ գործուած է, նոյնը պիտի գործուի։ Արեւուն տակ բնաւ նոր բան մը չկայ։ Կա՞յ արդեօք այնպիսի բան մը, որուն համար կրնայ ըսուիլ՝ «Ահա ասիկա նոր է». Ահա մեզմէ առաջ եղած դարերուն մէջ Անիկա արդէն եղած էր»։ (Ժողովողի 1։9-10)

ՅՈՎԱԿԻՄ ԱԲՂ. ՍԵՐՈՎԲԵԱՆ

Երբ ողջ մարդկութիւնը կանգնած է օրացուցային անուանումով 31 դեկտեմբերին, եթէ մեր միտքը առտնին նախապատրաստութիւններէ առիթ կը գտնէ մտածելու, կը դիտենք մեր օրացոյցը։ Եթէ նկատի առնուի տողերս գրողին եկեղեցական մը ըլլալու պարագան, պատշաճ կ՚ըլլայ, որ նախ նայինք եկեղեցական օրացոյցին։

ԽԱԺԱԿ ԱՐՔ. ՊԱՐՍԱՄԵԱՆ

Նոր տարուան առթիւ փոխանակուած շնորհաւորական մաղթանքներու, նուէրներու, կազմակերպուած խնջոյքներու եւ տօնախմբութիւններու կողքին, կարեւոր է ստեղծել պահ մը՝ խորհրդածութեան, ինքնահայեցողութեան ու ինքնաքննութեան համար։