Արխիւ

Պատրիարքական Աթոռի երիտասարդ միաբաններէն Տ. Յարութիւն Աբեղայ Տամատեան, որ ուսումը կատարելագործելու համար մեկնած է Մայր Աթոռ Սուրբ Էջմիածին, շաբաթավերջը անցուց Սեւանի Վազգէնեան դպրանոցին մէջ։ Ինչպէս ծանօթ է, այս դպրանոցը Հայ Առաքելական Եկեղեցւոյ արդի պատմութեան մեծագոյն ձեռքբերումներէն է։

ՊԻԱՆՔԱ ՍԱՐԸԱՍԼԱՆ

Զգացումները մարդու վերաբերմունքի, դիրքորոշման ու ներհոգեկան գործընթացներու առարկայական արտացոլումն են։ Տարբեր իրադրութիւններու մէջ մարդիկ կրնան զգալ ոգեւորութիւն, ուրախութիւն, զայրոյթ, թախիծ…

ՀՐԱՅՐ ՏԱՂԼԵԱՆ

Մեր թուականէն 107 տարիներ առաջ՝ 15 յունիս 1915-ին Պոլսոյ Պայազիտ հրապարակին վրայ մահուան դատապարտուած Փարամազ կախաղանին վրայէն, նախքան իր վերջին շունչը փչելը կը յայտարարէր. «Դուք միայն մեր մարմինները կրնա՛ք կախել, իսկ մեր գաղափարը՝ ո՛չ»:

Ուքրայնայի տագնապը հետզհետէ կը սաստկանայ ու դաշտի վրայէն հասած լուրերը հետզհետէ աւելի մտահոգիչ կը դառնան։ Միջազգային աղբիւրները կը տեղեկացնեն, որ շաբաթավերջին հազարաւորներ տարհանուած են Տոնպասի շրջանէն, ուր պատահած են պայթումներ՝ Ուքրայնայի զինուորներու եւ Ռուսաստանի հովանաւորած անջատողականներու շփման գծին վրայ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Պէյօղլուի Ս. Երրորդութիւն եկեղեցւոյ կիրակնօրեայ արարողութիւններուն։ Ինչպէս ծանօթ է, երկարատեւ բարեկարգման աշխատանքներէ վերջ այս եկեղեցին շաբաթավերջին օծուելով պաշտամունքի վերաբացուած էր։

Ամենապատիւ Սրբազան Պատրիարք Հայրը նախագահեց երէկուան օծման ու պաշտամունքի վերաբացման հանդիսաւոր արարողութիւններուն, որոնց յաջորդեց «Նարեկեան» սրահի երդիքին տակ սարքուած սիրոյ սեղանը: Երախտագիտութեամբ ընդգծուեցաւ յայտնի նկարիչ Էրոլ Սարաֆեանի վաստակը:
Թոքաթլեան խանէն եւ Էսաեան վարժարանէն վերջ, Սուրբ Երրորդութիւն եկեղեցւոյ վերանորոգութիւնով՝ Պէյօղլուի թաղային խորհուրդը ի կատար ածեց իր խնամքին յանձնուած առանցքային կառոյցներու ֆիզիքական կատարելագործման ծրագիրները:
Նորին Ամենապատուութիւնը բարձր գնահատանքով ու դրուատիքով արտայայտուեցաւ ատենապետ Սիմոն Չեքէմի գլխաւորութեամբ ծաւալուած բազմակողմանի գործունէութեան մասին:

ՍԱԳՕ ԱՐԵԱՆ

Հայաստանի հրատապ օրակարգը բոլոր հարթութիւններու վրայ խտացեալ քննարկումներու նիւթ դառնալ կը շարունակէ։ Այս կապակցութեամբ շօշափեցինք քաղաքագէտ Արման Գրիգորեանի տեսակէտները, զորս կը ներկայացնենք ստորեւ

ՀՐԱՅՐ ՏԱՂԼԵԱՆ

Իշխանութեան մը յաջողութեան եւ կամ ձախողութեան ընդհանուր չափանիշը ի՞նչ է չե՛մ գիտեր... սակայն վստահ եմ, որ ինծի համար այդ չափանիշը մարդն է ու այնքան ժամանակ որ մարդիկ աղքատութեամբ ու պետութիւնը հարստութեան մէջ կ՚ապրի, այդ իշխանութիւնը ի սկզբանէ անյաջող է:

Մեր համայնքի արժէքաւոր գիտնականներէն տքթ. Մերի Թաքսի-Տեւէճեանի կողմէ պաշտպանուած թեզը վերջերս հրատարակուած է գիրքի ձեւաչափով։ Իսթանպուլի համալսարանի Ընկերային գիտութեանց կաճառէն ներս, փրոֆ. Ֆաթմա Շեպնէմ Արըքպողայի վերահսկողութեան ներքեւ պատրաստուած գիտական հետաքրքրական աշխատութիւն մըն է այս մէկը։