Արխիւ

Ամերիկայի Միացեալ Նահանգները կը շարունակէ անմիջական ուշադրութիւն ցուցաբերել Հարաւային Կովկասի իրադարձութիւններուն նկատմամբ՝ մասնաւորապէս կրկնելով իր մտահոգութիւնները Հայաստան-Ատրպէյճան սահմանի իրադրութեան վերաբերեալ։ Առկայ լարուած մթնոլորտին մէջ Ուաշինկթըն հերթական անգամ կոչ ուղղեց, որպէսզի Պաքու իր զօրքերը ետ քաշէ։

Մեծն Կոմիտաս Վարդապետի ծննդեան 153-րդ տարեդարձը երէկ նշուեցաւ Երեւանի մէջ։ «Արմէնփրէս»ի հաղորդումներով, այս առթիւ խումբ մը մտաւորականներ ծաղիկներ խոնարհեցին Կոմիտաս Վարդապետի շիրիմին մօտ, որ կը գտնուի Երեւանի համանուն պանթէոնին մէջ։

Յունաստանի Արտաքին գործոց նախարար Նիքոս Տենտիաս այսօր աշխատանքային այցելութեամբ կը ժամանէ Երեւան, ուր կը հիւրընկալուի Հայաստանի Արտաքին գործոց նախարար Արարատ Միրզոյեանի կողմէ։ Երկու նախարարները կ՚ունենան առանձնազրոյց մը եւ կը գլխաւորեն պատուիրակութիւններու բանակցութիւնները։

Հայաստանի Առաջին նախագահ Լեւոն Տէր-Պետրոսեան երէկ ծաւալուն հարցազրոյց մը տուաւ երկրի Հանրային հեռուստատեսութեան։ Այսօր արդէն 44-օրեայ պատերազմի սկիզբի երկրորդ տարելիցն է, որու ընդառաջ հրապարակուեցաւ Լեւոն Տէր-Պետրոսեանի բացառիկ հարցազրոյցը։

Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան անցեալ կիրակի Միլանոյի Ս. Քառասուն Մանուկ եկեղեցւոյ մէջ նախագահեց Վարագայ Ս. Խաչի տօնակատարութիւններուն։ Օրուան պատարագիչն էր Տ. Տիրայր Վրդ. Յակոբեան։ Ներկայ էր նաեւ Տ. Ներսէս Աբեղայ Յարութիւնեան։

Շիշլի մարզակումբի ձմրան դասընթացքները արդէն սկսած են՝ արժանանալով անմիջական ուշադրութեան։ Այս եղանակին դասընթացքներ նախատեսուած են վոլէյպոլի, պասքեթպոլի, փինկ-փոնկի, թենիսի, մարմնամարզի եւ ճատրակի մարզաձեւերուն մէջ։

ԱՆՈՒՇ ԹՐՈՒԱՆՑ

Ծանօթ է, որ արեւմտահայ նշանաւոր բանաստեղծ Սիամանթոն (Ատոմ Եարճանեան) մտերմիկ յարաբերութիւններ ունեցած է հայ ուսանողուհի Սաթենիկ Ջաղէթեանին հետ, երբ 1904 թուականին բանաստեղծը մեկնած է բուժուելու Լէյզէնի առողջարաններէն մէկուն մէջ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Գերեզմաննոցը կը նմանի խորհրդաւոր գիրքի մը՝ որուն էջերուն մեծ մասը պատռուած նետուած է, բացի այն էջերը՝ որոնք գրուած են գրիչով մը՝ որ թաթխուած է Աստուծոյ սիրոյն մէջ։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց «Նագգաշեան» մանուկներու տան երեխաներու աջակցութեան կեդրոնի բարերարները, մանկավարժները, սաներն ու խումբ մը շրջանաւարտները։