Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Պաքըրգիւղի Ծն. Ս. Աստուածածին եկեղեցւոյ թաղային խորհուրդի ընտրութեան համար թեկնածու հանդիսացած դեղին խումբի ներկայացուցիչները։ Զրոյցի ընթացքին անոնք ներկայացան Ամեն. Ս. Պատրիարք Հօր եւ տեղեկութիւններ տուին իրենց ծրագիրներուն շուրջ։

Հայաստանի Անվտանգութեան խորհուրդի քարտուղար Արմէն Գրիգորեան երէկ հեռախօսազրոյց մը ունեցաւ Ամերիկայի Միացեալ Նահանգներու նախագահ Ճօ Պայտընի յատուկ օգնական Ամանտա Սլոթի հետ, որ միեւնոյն ժամանակ Ազգային անվտանգութեան խորհուրդի Եւրոպայի հարցերով աւագ տնօրէնուհին է։

Կը տեղեկանանք, որ «Yapı Kredi» հրատարակչութիւնը լոյս ընծայած է «Օսմանեան շրջանին գոհարեղէնն ու հայ ոսկերիչները» գիրքը, որու հեղինակն է Արսէն Եարման։ Երկու հաստափոր հատորներէ բաղկացեալ ծաւալուն ուսումնասիրութեան մը արդիւնքն է այս կոթողային գործը, որու իմաստն ու նշանակութիւնը կը բիւրեղանան ինչպէս բովանդակութեան խորութեամբ, այնպէս ալ տեսանիւթերու ճոխութեամբ ու հարստութեամբ։

Արեւմտեան Եւրոպայի հայրապետական պատուիրակ եւ Վատիկանի Սուրբ Աթոռի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեան վերջին օրերուն մասնակցեցաւ Սուրբ Էճիտիօ կաթողիկէ համաշխարհային համայնքի տարեկան հաւաքին, որ տեղի ունեցաւ Հռոմի մէջ։

ՎԱՐԱՆԴ ՔՈՐԹՄՈՍԵԱՆ

​Կը շարունակենք Առակաց 6-րդ գլուխի 16-19 համարներուն բացատրութիւնը:
• Չարութիւն ընելու համար շուտ վազող ոտքեր. մարդ երբ սատանային որոգայթներուն մէջ յայտնուի, երբ այլեւս ինքնատիրապետութենէ զրկուի եւ ինքզինք սատանային եւ անոր արբանեակներուն գործիք դարձնէ, ապա ամէն ինչ կարելի է սպասել այդպիսիէն, եւ այդպիսիին համար չարութիւն գործելը ջուրի եւ օդի նման անհրաժեշտութիւն կը դառնան:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Հպարտութիւնը՝ որ երբ մարդ ինքն իրեն հանդէպ կը զգայ, մեծամտութիւն, սնափառութիւն կ՚ենթադրէ, եւ անշուշտ մարդուս վատ կողմերէն մէկն է։
Մարդ կրնայ Աստուծոյ սիրոյն դէմ զանազան կերպերով մեղանչել՝ Աստուած վշտացնել, «անտարբերութեամբ», որ կ՚անտեսէ կամ կը մերժէ նկատի առնել աստուածային սէրը։

ՀՐԱՅՐ ՏԱՂԼԵԱՆ

Ցաւ ի սիրտ, անցեալ շաբթուան ընթացքին Հայաստանի մէջ ականատես եղանք, թէ ինչպէս երկու երիտասարդներ՝ մին 16, իսկ միւսը 18 տարեկան ինքզինքնին վար ձգեցին կամուրջէ մը եւ վերջ տուին իրենց երիտասարդ կեանքին:

Հայաստան-Ատրպէյճան սահմանին վրայ բախումները կը շարունակուին։ Հայաստանի Պաշտպանութեան նախարարութիւնը տեղեկացուց, որ Ատրպէյճանի բանակի ստորաբաժանումները տարբեր տրամաչափի հրաձգային զինատեսակներով կրակ բացած են սահմանի արեւելեան հատուածէն ներս տեղակայուած հայկական դիրքերուն վրայ։

ԱՐԱ ԳՕՉՈՒՆԵԱՆ

Ն.Ա.Տ. Սահակ Բ. «Պոլսահայութիւնը փորձառու վարիչներու նկատմամբ բացարձակապէս երախտագիտութեան մէջ չի թերանար, սակայն նաեւ չի թաքցներ փոփոխութեան ցանկութիւնը։ Աշխարհական գետնի վրայ կազմակերպումը պէտք չէ այսքան տկար մնայ։ Մեր ունեւոր հաստատութիւնները յառաջիկային աւելի տարբեր մտայնութիւն մը պէտք է որդեգրեն։ Մարդիկ կ՚ըսեն, որ սա մեր հաւաքական հարստութիւնն է եւ անով պէտք է պատրաստուի մեր ապագան»։
Ամեն. Ս. Պատրիարք Հայրը Ֆէրիգիւղի սիրոյ սեղանին ահազանգ հնչեցուց թրքահայ ազգային-եկեղեցական կեանքէն ներս առկայ համատարած անտարբերութեան համար եւ Օրթագիւղի քուէարկութեան փորձառութեան լոյսին տակ մատնանշեց ընտրողներու ցուցակներու փութով կատարելագործման անհրաժեշտութիւնը։
«Մենք աւելի լաւ համայնք մը դառնալու որոնումին մէջ ենք։ Շատ սակաւ են վարչային ըլլալու թեկնածուները, իսկ ընտրուածներն ալ չեն գիտեր, թէ ի՛նչ ճանապարհով պէտք է ընթանան։ Պարտաւոր ենք առողջ հերթի փոփոխութիւն մը կազմակերպելու։ Ո՞ւր են այն երիտասարդները, որոնք կարդացուցած, համալսարան ուղարկած ենք։ Անոնց կարիքը կը զգանք ներկայ ընտրութիւններուն»։