Արխիւ

Երէկ, արտաքին գործոց նախարար Հաքան Ֆիտան այցելեց Թեհրան, ուր հիւրընկալուեցաւ ամենաբարձր մակարդակի վրայ։ Օրուան տեւողութեան ան ընդունուեցաւ Իրանի նախագահ Իպրահիմ Ռայիսիի կողմէ, նաեւ բանակցութիւններ վարեց իր պաշտօնակցին՝ Ամիր Ապտուլլահիանի հետ։

Սկիւտարի Սուրբ Խաչ եկեղեցին, ուր վերջին ամիսներուն բարեզարդման աշխատանքներ կ՚իրականացուէին, երէկ, պաշտամունքի վերաբացուեցաւ հանդիսաւոր արարողութեամբ, որուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։

Պաշարեալ Արցախը այսօր կը նշէ իր անկախութեան տարեդարձը՝ մարդասիրական աղէտի պայմաններով:
Ըստ Փաշինեանի, Հայաստանի ջանքերը պիտի շարունակուին Լեռնային Ղարաբաղի անվտանգութեան ապահովման համար:

Երէկ, Տ.Տ. Գարեգին Բ. Ամենայն Հայոց Կաթողիկոսը Մայր Աթոռ Սուրբ Էջմիածնի մէջ հիւրընկալեց խումբ մը կաթոլիկ հոգեւորականներ, որոնք այս օրերուն ճանաչողական այցելութիւն մը կու տան Հայաստան։

ԳՀԽ-ի ընդլայնուած կազմով նստաշրջանի աւարտին հրապարակուած յայտարարութեամբ արձանագրուեցաւ՝ Հայաստանի եւ Արցախի շուրջ ծայրայեղ մտահոգիչ իրավիճակը:
«Ատրպէյճանի որդեգրած քաղաքականութիւնը, որ թշնամանքի ու բռնութեան նորանոր դրսեւորումներ կ՚ունենայ, հայոց պետականութիւնը կազմաքանդելու նպատակը կը հետապնդէ»:

ՎԱՐԱՆԴ ՔՈՐԹՄՈՍԵԱՆ

Վաղուան ճաշու ընթերցուածները հետեւեալներն են.
Եսայիի մարգարէութենէն 10.12-19:
Պօղոս առաքեալին Կորնթացիներուն ուղղած Երկրորդ Նամակէն 2.12-3.3:
Մարկոսի Աւետարանէն 6.30-44:

ՀՐԱՅՐ ՏԱՂԼԵԱՆ

Այնպէս ինչպէս անցեալին, նոյնպէս այսօր պէտք է լրջօրէն մտածել ու նուիրուիլ մերօրեայ օտարախօս երիտասարդներու հայացումին. ուրախանալի երեւոյթ է, որ մեր սփիւռքահայ երիտասարդները կ՚այցելեն իրենց հայրենիքը, սակայն ցաւալի է տեսնել, որ անոնք իրարու հետ կը հաղորդակցին օտարին լեզուով եւ երբ հայը հայուն հետ օտարին լեզուով հաղորդակցելու կարիքը կը զգայ... վիճակը վտանգաւոր կարելի է նկատել:

ՀՐԱՅՐ ՏԱՂԼԵԱՆ

Կը տեսնենք, թէ 20-րդ դարու սկիզբը թրքախօս եւ օտարախօս մանուկները մեծ մտահոգութիւն մը եղած է մեր ազգի մտաւորականութեան համար եւ ի խնդիր այդ մանուկներու հայացումին՝ պատրաստուած են բազմաթիւ դասագիրքեր ու հրատարակութիւններ, որոնք մեծ մասամբ հրատարակուած են Պոլսոյ մէջ՝ 1900-1910 թուականներուն:

Ռուսաստանի արտաքին գործոց նախարար Սերկէյ Լաւրով յայտարարեց, որ Թուրքիա կրնայ շատ շինիչ ու արդիւնաւէտ դեր մը խաղալ Հայաստան-Ատրպէյճան յարաբերութիւններու կարգաւորման գործին մէջ։