Արխիւ

ԵԱՀԿ-ի Խորհրդարանական վեհաժողովին նստաշրջանը շաբաթավերջին տեղի ունեցաւ Երեւանի մէջ:
Ըստ Նիկոլ Փաշինեանի, Հայաստան եւ Ատրպէյճան տակաւին կը խօսին դիւանագիտական ամենատարբեր լեզուներով:

Շաբաթավերջին համայնքային շրջանակները Պաքըրգիւղի մէջ համախմբուեցան՝ թաղի Տատեան վարժարանի տարեկան հանգանակութեան առթիւ։ Դժբախտաբար կարելի չեղաւ յայտարարուած պիւտճէի բացը հաւասարակշռել, թաղային խորհուրդին կողմէ ակնկալուած գումարին հազիւ կէսը գոյացաւ։

Թուրքիոյ ոչ-իսլամ փոքրամասնութեանց դպրոցներուն պատասխանատուները երէկ Եուսուֆ Թեքինի հետ տեսակցեցան՝ Պէյօղլուի Ուսուցչաց տան երդիքին տակ:
Իսթանպուլի երեսփոխան տքթ. Սեւան Սվաճըօղլուի ջանքերով կազմակերպուած հանդիպման ընթացքին համայնքային վարիչները ներկայացուցին առկայ հարցերու կարգաւորման շուրջ իրենց մտահորիզոնը՝ առաջարկելով նաեւ գործնական լուծման շարք մը տարբերակներ։
Բարձր մակարդակի ժամադրութիւնը առիթ ընձեռեց կարծիքի փոխանակումներու դրական մթնոլորտի մը, որու ընդմէջէն բիւրեղացան հրատապ առաջնահերթութիւններն ու անոնց նկատմամբ պետութեան վերաբերմունքին ազդանշանները։
Լենա Ենիեորկան, Աքսել Թոփալեան, Մկրտիչ Արծիւեան եւ Մանուկ Էօղէր թարգման հանդիսացան թրքահայ շրջանակներու սպասումներուն՝ մինչ հաւաքի յայտագիրը գործադրուեցաւ Եւա Օրագեանի հանդիսավարութեամբ։
Ազգային կրթութեան նախարարին ժողովի ատեն ծաւալուն թղթածրար մը յանձնուեցաւ՝ պոլսահայ վարժարաններու ցանցի դիմագրաւած ծանր մարտահրաւէրներուն կապակցութեամբ։

ՎԱՐԱՆԴ ՔՈՐԹՄՈՍԵԱՆ

Վաղուան ճաշու ընթերցուածները հետեւեալներն են.
Եսայիի մարգարէութենէն 25.9-26.7։

Երէկ, Մայր Աթոռ Սուրբ Էջմիածնի մէջ տեղի ունեցաւ շքանշաններու յանձնման արարողութիւն մը։ Մեծարանքի հանդիսաւոր հաւաքոյթը նախատեսուած էր «Գարեգին Ա.» կրթական կեդրոնի երդիքին տակ։

ՀՐԱՅՐ ՏԱՂԼԵԱՆ

Որպէս ծնողք անկասկած բոլորս ալ կ՚ուզենք, որ մեր զաւակները դպրոց յաճախելով լաւ կրթութիւն մը ստանան ու հասնին այնտեղ՝ ուր գուցէ մենք չենք կրցած հասնիլ: Մանաւանդ Միջին Արեւելքի պատերազմական վիճակը նկատի ունենալով, շատ անգամ մեր հայրերն ու մայրերը դպրոցն իսկ աւարտելու բախտաւորութիւնը չեն ունեցած:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սէրը իբրեւ «պտուղ» կ՚արտադրէ ուրախութիւն, խաղաղութիւն եւ ողորմածութիւն։ Ան կը պահանջէ բարեգործութիւնը եւ եղբայրական խրատ, ան բարեացակամ է, առիթ կը ստեղծէ փոխադարձութեան, կը մնայ անշահախնդիր եւ առատաձեռն, ան բարեկամութիւն եւ հաղորդութիւն է՝ հաղորդակցութեան միջոց։ Եւ «ողջոյն»ը սիրոյ եւ ուրախութեան ամենահարազատ եւ անկեղծ արտայայտութի՛ւնն է։

ՊԻԱՆՔԱ ՍԱՐԸԱՍԼԱՆ

Մարդիկ կը սիրեն լսել երգ մը, քանի որ մեր ուղեղի մէջ կը զարգանայ այդ երգերու հետ յուզական կապ մը: Այդ երգերը լսելը շատ աւելի քիչ ջանք կը պահանջէ՝ քան նոր երգեր գտնել փորձելը:
Վերջերս կատարուած է ուսումնասիրութիւն մը՝ հասկնալու համար, թէ ինչո՛ւ մարդիկ կրկին ու կրկին կ՚ուզեն նոյն երգը լսել:

Երուսաղէմի Հայոց Պատրիարքութեան կողմէ այս շրջանին ահազանգի վրայ ահազանգ կը հնչէ՝ Սուրբ Քաղաքի հայկական թաղամասի խնդիրներուն կապակցութեամբ։ Երէկ, հայկական լրասփիւռին մէջ ուշադրութիւն գրաւեց Սուրբ Աթոռի դիւանապետ Տ. Աղան Աբեղայ Գոգճեանի կողմէ կատարուած գրառումը, ըստ որու Երուսաղէմի Հայոց Պատրիարքարանը կը գտնուի իր 16 դարեայ պատմութեան ամենամեծ գոյակցութեան սպառնալիքին ներքեւ։