Արխիւ

Ատրպէյճանի նախագահ Իլհամ Ալիեւ երէկ հեռախօսազրոյց մը ունեցաւ Ամերիկայի Միացեալ Նահանգներու վերընտրեալ նախագահ Տանըլտ Թրամփի հետ։ Թրամփ, որ յառաջիկայ տարեմուտին պաշտօնի պիտի կոչուի, ընտրուելէ կարճ ժամանակ վերջ հեռաձայնով զրուցած էր նաեւ Հայաստանի վարչապետ Նիկոլ Փաշինեանի հետ։

Հայաստանի Հանրապետութեան նախագահը այս առաւօտ ողջունեց Լեհաստանի պաշտօնակիցը:
Վահագն Խաչատուրեան եւ Անտրէյ Տուտա կը քննարկեն Երեւան-Վարշաւիա համագործակցութեան հեռանկարները:

Պէյքոզի Ս. Նիկողայոս եկեղեցւոյ մէջ շաբաթավերջին տեղի ունեցաւ տարեկան անուան տօնախմբութիւն՝ նախագահութեամբ Թուրքիոյ Հայոց Պատրիարք Ամենապատիւ Տ. Սահակ Ս. Արքեպիսկոպոս Մաշալեանի։ Ս. Պատարագը մատոյց Տ. Գասպար Աբեղայ Կարապետեան։

Հռոմի մէջ վերջին օրերուն տեղի ունեցաւ՝ «Սրբազան հողեր, ընդհանուր տեսլական. Սրբատեղիներու պահպանումը՝ համատեղ քրիստոնէական առաքելութեան համար» խորագրեալ գիտաժողով մը։ Ս. Թովմաս Աքուինացի (Անճելիքում) քահանայական համալսարանէն ներս տեղի ունեցաւ այս ձեռնարկը, որու կազմակերպիչներն էին Վատիկանի Ս. Աթոռի մօտ Մայր Աթոռ Սուրբ Էջմիածնի մշտական ներկայացուցչութիւնն ու Անճելիքումի Էքիւմենիք հետազօտութիւններու կաճառը։

Հանրապետութեան նախագահ Ռեճեփ Թայյիպ Էրտողան շաբաթավերջին հեռախօսազրոյց մը ունեցաւ Ռուսաստանի նախագահ Վլատիմիր Փութինի հետ։ Նախագահ Էրտողան այս առթիւ ընդգծեց, որ Թուրքիա պիտի շարունակէ ջանք գործադրել՝ տարածաշրջանէ ներս լարուածութեան վերջ տալու առաջադրութեամբ։

Սփիւռքահայ յայտնի մտաւորական տքթ. Հրայր Ճէպէճեանի «Հայկական ազգագրական պատկերներ. տեսիլք, կամք եւ յոյս» գիրքին համար շաբաթավերջին շնորհանդէս մը տեղի ունեցաւ քաղաքիս մէջ։ Սա այս գիրքին համար կազմակերպուած հերթական շնորհանդէս մըն էր՝ քանի ցարդ աշխարհի զանազան հայաշատ կեդրոններուն մէջ արժեւորուած է այս գործը։

Գերմանիոյ արտաքին գործոց նախարար Աննալենա Պերպոք, որ նախընթաց օր Երեւանի մէջ շփումներ ունեցած էր, Պաքու անցնելով տեսակցեցաւ Ատրպէյճանի արտաքին գործոց նախարար Ճէյհուն Պայրամովի հետ։

Հայ երաժշտութեան անմոռանալի եւ անկրկնելի հանճարներէն Արամ Խաչատուրեանի ծննդեան 120-ամեակին առթիւ կազմակերպուած յոբելենական փառաշուք երեկոյթը բացառիկ յաջողութեամբ պսակուեցաւ թէ՛ կատարումներու մակարդակով ու որակով եւ թէ երաժշտասէրներուն պարգեւած բարձր տրամադրութեամբ:
ՍԾՏՀԿ-ի մօտ հայաստանի հանրապետութեան մշտական ներկայացուցչութիւնը կը շարունակէ մշակութային նախաձեռնութիւններով ի յայտ բերել նոր տեսլական մը, որով հասարակաց արժէքներու հիման վրայ կը բիւրեղանան բարի ցանկութիւնները ։
Նաիրի Պետրոսեանի պաշտօնավարութեան շրջանի առաջին ձեռնարկը բնորոշուեցաւ արտակարգ ոգեւորութեամբ, որոտընդոստ ծափահարութիւններով եւ մեծ համախմբումի մը մթնոլորտով։
Պատուոյ հիւրերու շարքին էին՝ Արտաքին գործոց նախարարութենէն Այշէ Ուզէր, ՍԾՏՀԿ-ի ընդհանուր քարտուղար Լազար Քոմանեսքու եւ Ամենապատիւ Սրբազան Պատրիարք Հայրը։
CRR-ի բեմին վրայ ջութակահարուհի Անուշ Նիկողոսեան, դաշնակահարուհի Սօնա Բարսեղեան եւ թաւջութակահար Միքայէլ Նաւասարդեան հմայեցին երաժշտասէրները։

Երբ գրող­նե­րը հա­ւա­քուած են, կա՞յ ատ­կէ ա­ւե­լի գե­ղե­ցիկ ու ա­ռինք­նող բան աշ­խար­հի մէջ:
Հա­յաս­տա­նի Գրող­նե­րու միու­թեան (ՀԳՄ) պատ­մու­թիւ­նը հե­տաքրք­րա­կան է ու պայ­ծառ այն ի­մաս­տով, որ ըլ­լա­լով Խորհր­դա­յին Միու­թեան ժա­մա­նակ­նե­րու ծնունդ եւ Հա­յաս­տան-սփիւռք ջրբա­ժա­նի ու հա­շիւ­նե­րու ա­կա­նա­տես, ան մեր ժո­ղո­վուր­դին կող­մէ հա­մա­րուե­ցաւ այս­պէս ը­սած՝ շօ­շա­փե­լի պառ­նաս, որ հու­նա­ւո­րեց հայ գրա­կան գոր­ծու­նէու­թիւ­նը եւ ա­նոր դի­մա­գիծ ու միաս­նու­թիւն տուաւ: