Արխիւ

Երեւան-Պաքու ենթադրեալ խաղաղութեան պայմանագիրը ուշադրութեան առարկայ:
Ուաշինկթըն եւ Մոսկուա կը շարունակեն հետաքրքրութիւն ցուցաբերել՝ իրենց տեսանկիւնէն:

Հայաստանի Պատմութեան թանգարանէն ներս բացուած է շահեկան եւ ուշագրաւ ցուցահանդէս մը:
«Լճաշէն. ջրասոյզ գանձարան»ը կը ցոլացնէ ամրոց-դամբանադաշտի հարուստ հաւաքածոյէն կարեւոր հատուած մը:

Ըստ Պաքուի, հայկական կողմը պէտք է ըլլայ արդար ու շինիչ եւ ճիշդ ըմբռնէ տարածաշրջանի իրողութիւնները:
Ատրպէյճան կը նշէ Արցախի երկրորդ պատերազմին տարած յաղթանակը. Ստեփանակերտի մէջ մեծ զօրահանդէս:

ԲԺԻՇԿ ՎԱՀԱՆ ԱՐԾՐՈՒՆԻ (1901)
Արեւմտահայերէնի վերածեց՝
ՎԱՐԱՆԴ ՔՈՐԹՄՈՍԵԱՆ

Բարակացաւի տարածումը եւ անոր զոհերուն թիւը: Անոր արտայայտութիւնները: Ասիկա վարակիչ եւ ժառանգաբար փոխանցուող հիւանդութիւն մըն է: Վարակումը ամուսնութեան մէջ: Թոքախտի նշանները: Անոր նշանակութիւնը ամուսնական կեանքի մէջ:

ՀՐԱՅՐ ՏԱՂԼԵԱՆ

Ամէն մարդ իր կեանքին մէջ կ՚ունենայ երազներ, որոնք ցաւ ի սիրտ շատ անգամ կը մնան «երազ»ի կարգավիճակին մէջ: Երազներուն իրականութիւն չդառնալէն շատ աւելի տխուր երեւոյթ է սակայն տեսնել, որ յաճախ ծնողներ իրենց անկատար երազները կը փորձեն կեանքի կոչել իրենց զաւակներուն միջոցով:

Կը տեղեկանանք, որ Սամաթիոյ Սահակեան դպրաց դաս-երգչախումբը այս շրջանին թափ կու տայ սերնդափոխութեան պատրաստութեան եւ աշխատանքներու ձեռնարկած է՝ նոր սերունդէն դպիրներ հասցնելու առաջադրութեամբ։

Թրքահայ վաքըֆներու միութիւնը (ԹՎՄ-ERVAB) այսօր կը քննարկէ համայնքային մամուլին առկայ հարցերը։ ԹՎՄ միջոց մը առաջ ստեղծած է մասնաւոր յանձնախումբ մը՝ թրքահայ ազգային-եկեղեցական կեանքէն ներս լրատուամիջոցներու կողմէ իրերայաջորդ հնչեցուած ահազանգներու լոյսին տակ։

Էսքիշեհիրի մէջ քրիստոնեայ հոգեւորականի մը ենթարկուած յարձակումը լայն արձագանգ գտած է տեղական մամուլին մէջ։ Դէպքը պատահած է քաղաքի Օտունփազարը թաղամասի բողոքական եկեղեցւոյ մէջ, կիրակնօրեայ արարողութեան ընթացքին։

Կը տեղեկանանք, որ Երեւանի մէջ գրական հանդիպում մը տեղի ունեցած է՝ սփիւռքահայ յայտնի մտաւորական Գէորգ Պետիկեանի հետ, որ այս շրջանին կ՚այցելէ Հայաստան։ Ամերիկահայ «Հայրենիք» օրաթերթի կայքէջի հաղորդումներով, «Խաչատուր Աբովեան» հայկական պետական մանկավարժական համալսարանի «Սփիւռք» գիտաուսումնական կեդրոնէն ներս տեղի ունեցած է այս ձեռնարկը, որ ձօնուած է Գէորգ Պետիկեանի ծննդեան 80-ամեակին։