Արխիւ

ՍԱԳՕ ԱՐԵԱՆ

Կազզէի ներկայ պատերազմին ու անոր նախորդած յատկապէս Ամերիկայի Միացեալ Նահանգներ-Իրան յարաբերութիւններուն, Պեշար Էսատի իշխանութեան եւ այլ հանգամանքներու համայնապատկերին վրայ Սուրիոյ իրադարձութիւնները անուշադրութեան մատնել անկարելի է։

ՊԻԱՆՔԱ ՍԱՐԸԱՍԼԱՆ

Ես միշտ կը կարծեմ, թէ մարդիկ յաճախ կը հասկցուին իրենց մահէն յետոյ՝ ոչ թէ ողջ ժամանակին…
Վերջերս մահացած ծանօթէ մը իմացած էի հետեւեալ նախադասութիւնը. «Երբ ես սիրտս կը բանամ մէկու մը, կը թուի, թէ անոնք չեն հասկնար իմ վիճակը: Ես կ՚ուզէի, որ զիս աւելի քիչ սիրեն, բայց աւելի ըմբռնումով մօտենան»:

Ծառը բնութեան մաս կազմող սոսկական «բնակիչ» մը չէ։ Խորունկ է անոր իմաստը։ Բուն ու կոճղ, արմատներ, ճիւղեր ու տերեւներ․ ասոնք ծառ էակին անդամներն են։

Հարաւային Կովկասի դերակատարներուն միջեւ դիւանագիտական շփումները այս շրջանին կը խտանան։ Երէկ, իրերայաջորդ հեռախօսազրոյցներ տեղի ունեցան Թուրքիոյ, Ռուսաստանի, Իրանի եւ Ատրպէյճանի արտաքին գործոց նախարարներուն միջեւ։ Բաց աստի, Ռուսաստանի եւ Ատրպէյճանի արտաքին գործոց փոխ-նախարարները քննարկեցին Հարաւային Կովկասի վերաբերեալ հարցեր։

ՍԱԳՕ ԱՐԵԱՆ

«Ո՞վ որո՞ւ բարեկամ, ո՞վ որո՞ւ թշնամի. Մերձաւոր Արեւելքի բարդ խնդիրներուն մէջ Հայաստան պէտք չէ մեծ ակնկալութիւններ ունենայ իբրեւ պետութիւն»:
«Հայութիւնը բացարձակապէս պէտք չունէր այս տագնապին, երբ տարածաշրջանի հիմնական երեք գաղութները՝ Լիբանան, Սուրիա եւ Իրան տարիներէ ի վեր կը հիւծուին զանազան պատճառներով»:
«Իսրայէլ փլուզման եզրին չէ, այլ ան շատ աւելի հզօր դառնալու հաւանականութիւնը ունի իր ռազմական եւ գիտական կարողութիւններով՝ քան որեւէ արաբական երկիր։ Բայց երկիրը ունի երկարաժամկէտ ժողովրդագրական հարց մը։ Այդ սպասուած հաւաքական ներգաղթը  հիմա կարծես թէ այլեւս չկայ»:
«Յստակօրէն գիտե՞նք, թէ Մոսկուայի դիրքը ի՛նչ է այս հարցին մէջ։ Ճիշդ է, որ մեծ աշխատանք կայ Ռուսաստանը «Համաս»ի կողքին ցոյց տալու համար, բայց սա կրնայ աշխատիլ Միացեալ Նահանգներու մէջ, իսկ դժուար թէ աշխատի Իսրայէլի մէջ»:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կէտիկփաշա թաղը պատմական ե՛ւ պատուական բնակավայր մը եղած է իր բնակիչներով, եկեղեցիով, դպրաց դասով եւ դպրոցով։ Ան պատմական է, քանի որ հոն կազմուած են բազմաթիւ ընտանիքներ, որոնք հասցուցած են սերունդներ՝ որոնք արդիւնալի ծառայութիւններ մատուցած են համայնքային-հասարակական, կրթական, եկեղեցական եւ առ հասարակ մշակութային կեանքին մէջ։

ՀԱՊԿ-ի ընդհանուր քարտուղարը Երեւան այցելեց, Մոսկուայէն հերթական յայտարարութիւններ:
«Ռուս խաղաղապահները Լեռնային Ղարաբաղի բնակչութեան վերադարձի հնարաւորութեան երաշխաւորն են»:

Արտաքին գործոց նախարար Հաքան Ֆիտան յայտարարեց, որ Թուրքիա բոլոր բնագաւառներէ ներս իր յարաբերութիւնները կը զարգացնէ եղբայրական Ատրպէյճանի հետ։